San Lucas 22:34 - Mixtec Silacayoapan

³⁴ Já na̱cachi Jesús já xi̱hi̱n dá: —Cande̱hé Pedro ná ca̱ha̱n i̱ ña̱ nda̱a̱ xu̱hu̱n. Mé qui̱ví viti tá cáma̱ni̱ cana chéle já u̱ni̱ tañu chije̱hé tu̱hún sa̱há i̱ ta ca̱hún ña̱ co̱ xíni̱ tohún ye̱he̱ —na̱cachi Jesús xi̱hi̱n dá.

San Lucas 22:34 ပူးပေါင်းရင်းမြစ်များ

San Mateo 26:34

A̱nda̱ já na̱cachi Jesús já xi̱hi̱n dá: —Mé a̱ nda̱a̱ ná ca̱ha̱n i̱ xu̱hu̱n ña̱ mé ñuú viti tá cáma̱ni̱ cana chéle já chije̱hé tu̱hún ña̱ xínu̱n ye̱he̱ u̱ni̱ táhndá —na̱cachi Jesús xi̱hi̱n dá.

San Mateo 26:74

A̱nda̱ já na̱casáhá Pedro cána̱há da̱ ta na̱tavá da̱ qui̱vi̱ Ndióxi̱ ña̱ co̱ xíni̱ da̱ Jesús. Já cáchí da̱ já: —Co̱ xíni̱ toho i̱ ndá da̱ cúú da̱ ja̱n —na̱cachi da. Tá na̱cachi da já chí i̱vi̱ la̱á na̱cana chéle.

San Marcos 14:30

A̱nda̱ já na̱cachi Jesús já xi̱hi̱n dá: —Mé a̱ nda̱a̱ ná ca̱ha̱n i̱ xu̱hu̱n mé ñuú viti tá cáma̱ní cana i̱vi̱ chéle já chije̱hé tu̱hún ña̱ xínún ye̱he̱ u̱ni̱ tañu —na̱cachi a.

San Lucas 22:33

A̱nda̱ já na̱nducú ñehe Pedro tu̱hun nu̱ Jesús já na̱cachi da já xi̱hi̱n á: —Cande̱hé ndo̱, xitoho i̱. Ye̱he̱ sa̱ íin tia̱hva i̱ cu̱hu̱n i̱ veca̱a xi̱hi̱n ndo̱. Ta ja̱nda̱ ná cahní na̱ ye̱he̱ xi̱hi̱n ndo̱ tá cúni̱ na̱ jáchi̱ sa̱ íin tia̱hva vi̱ —na̱cachi da xi̱hi̱n Jesús.

San Lucas 22:35

Tá na̱ndihi já na̱nda̱ca̱ tu̱hún Jesús na̱ xíca tuun xi̱hi̱n á cán já na̱cachi a já xi̱hi̱n ná: —Jihna na̱chindahá i̱ ndo̱hó cu̱hu̱n ndó ca̱ha̱n ndó tu̱hun Ndióxi̱ ta na̱cachi i̱ xi̱hi̱n ndo̱ ña̱ ná a̱ cáñehe ndó yátí ni jiu̱hún ta ni inga ndu̱sa̱ a̱ cáñehe ndó cu̱hu̱n xi̱hi̱n ndo̱. Á na̱ndima̱ní ña̱ha nu̱ ndo̱ tá na̱sa̱ha̱n ndo̱ já —na̱cachi Jesús xi̱hi̱n ná. Já na̱cachi na̱ já: —Ni in ña̱ha co̱ó na̱ndima̱ni̱ nu̱ú nde̱ —na̱cachi na.

San Lucas 22:61

A̱nda̱ já na̱ndicoto nihni Jesús na̱sande̱hé a̱ nu̱ Pedro. Tá na̱ndicu̱hu̱n ini Pedro sa̱há tu̱hun na̱cachi Jesús xi̱hi̱n dá tá cáma̱ní tiin na a̱ tá na̱cachi a já: “Mé qui̱vi̱ viti tá cáma̱ni̱ cana chéle já u̱ni̱ tañu chije̱hé tu̱hún sa̱há i̱ ta ca̱hún ña̱ co̱ xíni̱ tohún ye̱he̱”, na̱cachi a xi̱hi̱n dá.

San Juan 13:38

Já na̱nducú ñehe Jesús tu̱hun nu̱ dá já na̱cachi a já xi̱hi̱n dá: —Mé a̱ nda̱a̱ ná ca̱ha̱n i̱ xu̱hu̱n. Va̱tí íin tia̱hvún quivún sa̱há i̱ joo tá cáma̱ni̱ cana chéle já u̱ni̱ tañu chije̱hé tu̱hún sa̱há i̱ ta ca̱hún ña̱ co̱ xíni̱ tohún ye̱he̱ —na̱cachi Jesús xi̱hi̱n Pedro.

San Juan 18:27

Joo na̱chije̱hé tu̱hun tucu Pedro ña̱ xíni̱ da̱ Jesús ta i̱vi̱ la̱á na̱cana chéle tá quia̱hva na̱cachi Jesús xi̱hi̱n dá coo.