San Lucas 22:33 - Mixtec Silacayoapan

³³ A̱nda̱ já na̱nducú ñehe Pedro tu̱hun nu̱ Jesús já na̱cachi da já xi̱hi̱n á: —Cande̱hé ndo̱, xitoho i̱. Ye̱he̱ sa̱ íin tia̱hva i̱ cu̱hu̱n i̱ veca̱a xi̱hi̱n ndo̱. Ta ja̱nda̱ ná cahní na̱ ye̱he̱ xi̱hi̱n ndo̱ tá cúni̱ na̱ jáchi̱ sa̱ íin tia̱hva vi̱ —na̱cachi da xi̱hi̱n Jesús.

San Lucas 22:33 ပူးပေါင်းရင်းမြစ်များ

San Mateo 20:22

A̱nda̱ já na̱cachi Jesús já xi̱hi̱n ñá: —Co̱ cánda̱a̱ ini ndó ña̱ xíca̱ ndó nu̱ú i̱ —na̱cachi a. A̱nda̱ já na̱cachi a já xi̱hi̱n Jacobo xi̱hi̱n Juan cán: —Á cuu ndoho ini ndó tá quia̱hva nditahan nu̱ú i̱ ndoho ini i̱. Jáchi̱ ña̱ va̱xi nu̱ú i̱ ndoho ini i̱ cúú á tátu̱hun coho i̱ in yáxi̱ ndutá o̱va̱. Á íin tia̱hva ndó ndoho ini ndó tá quia̱hva ndítahan nu̱ú i̱ ndoho ini i̱ a̱nda̱ quia̱hva ná quivi i̱ —na̱cachi Jesús xi̱hi̱n ndíví da̱ cán. —Cuu caja nde̱ ña̱ —na̱cachi ndíví da̱ cán xi̱hi̱n Jesús.

San Marcos 14:29

A̱nda̱ já na̱cachi Pedro já xi̱hi̱n Jesús: —Va̱tí ná jándacoo ndihi na mé ndó joo a̱ jándacoo toho i̱ ndo̱hó —na̱cachi da.

San Marcos 14:31

Já na̱casáhá ndúcú ndéé Pedro cáha̱n da̱ já cáchí da̱ já: —Va̱tí ná quivi i̱ xi̱hi̱n ndo̱ joo a̱ chíje̱hé tu̱hun toho i̱ sa̱há ña̱ xíní i̱ mé ndó —na̱cachi da. Ta mé quia̱hva já na̱cachi ndihi na̱ cán xi̱hi̱n á.

San Lucas 22:34

Já na̱cachi Jesús já xi̱hi̱n dá: —Cande̱hé Pedro ná ca̱ha̱n i̱ ña̱ nda̱a̱ xu̱hu̱n. Mé qui̱ví viti tá cáma̱ni̱ cana chéle já u̱ni̱ tañu chije̱hé tu̱hún sa̱há i̱ ta ca̱hún ña̱ co̱ xíni̱ tohún ye̱he̱ —na̱cachi Jesús xi̱hi̱n dá.

San Lucas 22:57

Joo na̱casáhá Pedro chíje̱hé tu̱hun da já na̱cachi da já: —Cande̱hé, ñáñáha̱. Co̱ xíni̱ toho i̱ ndá da̱ cúú da̱ ja̱n —na̱cachi Pedro xi̱hi̱n ñá cán.

San Juan 13:38

Já na̱nducú ñehe Jesús tu̱hun nu̱ dá já na̱cachi a já xi̱hi̱n dá: —Mé a̱ nda̱a̱ ná ca̱ha̱n i̱ xu̱hu̱n. Va̱tí íin tia̱hvún quivún sa̱há i̱ joo tá cáma̱ni̱ cana chéle já u̱ni̱ tañu chije̱hé tu̱hún sa̱há i̱ ta ca̱hún ña̱ co̱ xíni̱ tohún ye̱he̱ —na̱cachi Jesús xi̱hi̱n Pedro.

Hechos 21:13

Joo na̱nducú ñehe Pablo tu̱hun nu̱ú nde̱ já na̱cachi da já: —Ndá cuéntá quéa̱ sácu cóhó ndo̱ ta cája ndó ña̱ cándií ini i̱. Cande̱hé ndo̱ ná ca̱ha̱n i̱ xi̱hi̱n ndo̱. Co̱ó caja toho a ná cató na̱ ye̱he̱ jáchi̱ íin tia̱hva i̱ ndiquia̱hva i̱ mí i̱ quiví i̱ sa̱ha̱ Jesús, xitoho í mé ñuu Jerusalén cán —na̱cachi da.