San Lucas 17:7 - Mixtec Silacayoapan

⁷ ʼTá íin in mozo ndo̱ ta chindahá ndó da̱ yúcu̱ ña̱ ná tiin da ya̱ta̱ á candaa da quíti̱ ja̱na̱ ndo̱ ta tá ná ndicó co̱o da̱ cán já ama ná cachi ndó xi̱hi̱n dá ña̱ ná ya̱ha da caco̱o da nu̱ mesa cuxu da.

San Lucas 17:7 ပူးပေါင်းရင်းမြစ်များ

San Mateo 12:11

A̱nda̱ já na̱cachi Jesús já xi̱hi̱n ná: —Cande̱hé ndó. Tá íin in ndicachi loho ja̱na̱ ndo̱ ta tá ná ndicava rí ini in táhvi̱ qui̱vi̱ ndíquehe ndée̱ yo̱, ama ná a̱ cúhu̱n ndó tavá ndó ri̱.

San Lucas 13:15

A̱nda̱ já na̱cachi Jesús já xi̱hín da̱ sa̱cua̱ha̱ veñu̱hu: —Co̱ cúú ndó tá quia̱hva ndáa ndó. Cája mé ndó chuun qui̱vi̱ ndíquehe ndée̱ yo̱ tá ndáxí ndo̱ ti̱ndi̱qui̱ á búrro̱ ja̱na̱ ndó sáha̱n ndó jácoho ndó ri̱ ticui̱í.

San Lucas 14:5

Ta já na̱cachi a já xi̱hín na̱ fariseo cán: —Mé ndó tá ndicava búrro̱ á ti̱ndi̱qui̱ ja̱na̱ ndo̱ ini in táhvi̱ chí i̱vi̱ la̱á tavá ndó ri̱. Ta co̱ó caja toho a á cúú á qui̱vi̱ ndíquehe ndée̱ yo̱ —na̱cachi Jesús.

San Lucas 17:26

Tá quia̱hva na̱sahi̱in tiempo tá na̱sahi̱in Noé sa̱nahá quia̱hva já coo ri tá ná xi̱nu̱ co̱o qui̱ví quixi ri ye̱he̱, da̱ na̱chindahá Ndióxi̱ nduu ña̱yivi.

San Lucas 17:6

A̱nda̱ já na̱cachi Jesús já xi̱hi̱n ná: —Tá ná candeé ini ndó ye̱he̱ va̱tí cúú á tátu̱hun in ndiquí mostaza cuu cachi ndó xi̱hín in yíto̱ cáhnu ña̱ ná cu̱hu̱n dó candichi dó ini tañu̱hú ta chí já ndusa coo.

San Lucas 17:8

Ña̱ caja ndó quéa̱ cachi ndó já xi̱hi̱n dá: “Jácatáhan ña̱ha ná cajíni i̱ ta caja ndíví ná cuxu u̱. Ta tá sa̱ na̱ndihi na̱xixi i̱ já cuxu mún tá cúnu̱n”, ña̱ ja̱n va quéa̱ ca̱ha̱n ndó xi̱hi̱n mozo ndo̱.