San Lucas 16:19 - Mixtec Silacayoapan

¹⁹ Ndícani Jesús nu̱ú ña̱yivi já na̱cachi a já xi̱hi̱n ná: —Na̱sahi̱in in da̱ cui̱cá ta a̱ ju̱ú quia̱hva va̱ha jáhma̱ na̱sandixi da ta chí a̱ ju̱ú quia̱hva ñúchí na̱caja cutú da̱ vehe da jáchi̱ ndijáá níí qui̱vi̱ na̱sacaja da víco̱ nu̱ xíxáhan cuícá ndiva̱ha da.

San Lucas 16:19 ပူးပေါင်းရင်းမြစ်များ

San Marcos 15:17

Já na̱chinúu na in jahmá cuáhá túu̱n ja̱ta̱ Jesús ta na̱chinúu na in ti̱yi̱vi̱ íñu̱ ji̱ni̱ á.

San Marcos 15:20

Tá na̱ndihi na̱sa̱cu̱ ndaa na a̱ já na̱tavá na̱ jáhma̱ cuáhá túu̱n ña̱ na̱sanúu ja̱tá. Ta na̱jánda̱ca̱ ndixi na a̱ xi̱hi̱n jáhma̱ mé á já na̱sa̱ñehe na a̱ cua̱ha̱n na̱ cata caa na a̱ ndi̱ca crúxu̱.

San Lucas 15:13

Ta chá va qui̱ví na̱ya̱ha já na̱ji̱có ndihi da̱ loho chá cán ña̱ha ña̱ na̱ñe̱he̱ dá nu̱ tátá da̱ ta xi̱hín jiu̱hún na̱cana cán na̱quee da cua̱ha̱n xícá ndiva̱ha da chí ñuu tóho̱. Ta cán na̱casáhá da̱ játi̱ví ndaja na̱cuu joho da jiu̱hún da̱ ña̱ cája da ña̱ núu.

San Lucas 16:1

A̱nda̱ já na̱sacu tucu Jesús inga quia̱hva nu̱ú na̱ xíca tuun xi̱hi̱n á. Já na̱cachi a já xi̱hi̱n ná: —Na̱sahi̱in in ta̱a cui̱cá ta na̱sahi̱in in da̱ ndáá ña̱ha da. Joo java ña̱yivi na̱sa̱ha̱n na̱ chica̱a̱n na̱ cua̱chi ja̱ta̱ dá nu̱ú xitoho da ña̱ játi̱ví ndaja na̱cuu joho da ña̱ cúú ña̱ha xitoho da.

San Lucas 16:18

A̱nda̱ já na̱cachi tucu Jesús já: —Tá jándacoo in da̱ta̱a ñájíhí da̱ ta tánda̱ha̱ dá xi̱hín inga ñáñáha̱ já quéa̱ cája da cua̱chi nu̱ Ndióxi̱. Ta ndá da̱ tánda̱ha̱ xi̱hín in ñáñáha̱, ñá na̱jándacoo yíi̱, cája ri da̱ cán va cua̱chi nu̱ Ndióxi̱ —na̱cachi Jesús.

San Lucas 16:20

Ta na̱sahi̱in in da̱ nda̱hví naní Lázaro. Quíhvi̱ da̱ ta ndóho da cue̱he̱ ndi̱hi táhyi̱. Ta ndáhví cáa da̱ íin coo da nu̱ ñúhu̱ yuyéhé da̱ cui̱cá cán.

Apocalipsis 17:4

Ta mé ñá cánúu ja̱ta̱ rí cán ndíxi ñá jáhma̱ ndíhí tica̱yí, ña̱ na̱cava táhan xi̱hín ña̱ cuáhá. Ta na̱cacutú ña̱ xi̱hín jiu̱hu̱n cuáán xi̱hín yu̱u̱ yáhví ndiva̱ha xi̱hi̱n perla. Ta na̱xini i̱ cáñee in co̱ho̱ jiu̱hu̱n cuáán ndáha̱ ña̱. Ta na̱chutú nda̱a̱ co̱ho̱ cán xi̱hín ña̱ núu ta xi̱hín ña̱ tiquíni̱ na̱caja ñá xi̱hín da̱ta̱a.

Apocalipsis 18:16

Ta já cáchí na̱ já: —Ay, ay, ndáhví na̱há na̱cuu ñuu cáhnu Babilonia ja̱n. Ndató ndiva̱ha na̱sana̱ha̱ ñuu yóho tátu̱hun in ñáñáha̱ ndíxi jahmá lino va̱ha ndiva̱ha xi̱hín jahmá ndíhí tica̱yí xi̱hi̱n jahmá cuáhá ni̱i̱. Ta na̱cacutú ñá xi̱hín jiu̱hu̱n cuáán ta xi̱hi̱n yu̱ú yahvi ndiva̱ha ta xi̱hi̱n perla.

Apocalipsis 18:7

Na̱ndiñehe jícó ndiva̱ha na mé ná sa̱há ña̱ cán quéa̱ ndítahan jándoho ndiva̱ha ndó ini na viti. A̱ ju̱ú quia̱hva na̱nduu cuícá na̱ sa̱há ña̱ cán quéa̱ ndítahan caja xíxi ndó xi̱hi̱n ná viti. Cáhán na̱ ña̱ cahnda na chuun nu̱ú in nación. Ta cáhán na̱ ña̱ a̱ ndóho toho ini na. Ta cáhán na̱ ña̱ co̱ cúú ná tátu̱hun in ñá cuáa̱n.