San Lucas 15:13 - Mixtec Silacayoapan

¹³ Ta chá va qui̱ví na̱ya̱ha já na̱ji̱có ndihi da̱ loho chá cán ña̱ha ña̱ na̱ñe̱he̱ dá nu̱ tátá da̱ ta xi̱hín jiu̱hún na̱cana cán na̱quee da cua̱ha̱n xícá ndiva̱ha da chí ñuu tóho̱. Ta cán na̱casáhá da̱ játi̱ví ndaja na̱cuu joho da jiu̱hún da̱ ña̱ cája da ña̱ núu.

San Lucas 15:13 ပူးပေါင်းရင်းမြစ်များ

San Lucas 15:12

Ta da̱ loho chá cán na̱cachi da já xi̱hi̱n tátá da̱: “Ta̱á i̱, á a̱ váha ná ndicahnda va ndó ña̱ha cómí ndo̱ já ná ndiquehe e̱ ña̱ cáni nu̱ú i̱ ndiquehe e̱”, na̱cachi da̱ cán xi̱hi̱n tátá da̱. A̱nda̱ já na̱sahnda java tátá da̱ ña̱ha, in táhndá na̱quehe mé dá ta in táhndá na̱quehe ñani da.

San Lucas 15:14

Ta tá sa̱ na̱játi̱ví ndihi da jiu̱hún da̱ já na̱xi̱nu̱ in ta̱ma̱ ndeé ndiva̱ha mé nu̱ íin da cán. Já na̱casáhá na̱xi̱nu̱ jo̱co nu̱ dá ta na̱casáhá cuíco da.

San Lucas 15:30

Joo viti na̱sahní ndó chélo̱, rí ndató na̱ndaha ja̱n, ña̱ cája ndó víco̱ jáchi̱ na̱casa̱a̱ ñani i̱ ja̱n. Ta mé da̱ ja̱n na̱xi̱ca nuu da na̱játi̱ví ndaja na̱cuu da jiu̱hún ndo̱ xi̱hín na̱ji̱hí xíca ji̱i̱”, na̱cachi da̱ cán xi̱hi̱n tátá da̱.

San Lucas 16:1

A̱nda̱ já na̱sacu tucu Jesús inga quia̱hva nu̱ú na̱ xíca tuun xi̱hi̱n á. Já na̱cachi a já xi̱hi̱n ná: —Na̱sahi̱in in ta̱a cui̱cá ta na̱sahi̱in in da̱ ndáá ña̱ha da. Joo java ña̱yivi na̱sa̱ha̱n na̱ chica̱a̱n na̱ cua̱chi ja̱ta̱ dá nu̱ú xitoho da ña̱ játi̱ví ndaja na̱cuu joho da ña̱ cúú ña̱ha xitoho da.

San Lucas 16:19

Ndícani Jesús nu̱ú ña̱yivi já na̱cachi a já xi̱hi̱n ná: —Na̱sahi̱in in da̱ cui̱cá ta a̱ ju̱ú quia̱hva va̱ha jáhma̱ na̱sandixi da ta chí a̱ ju̱ú quia̱hva ñúchí na̱caja cutú da̱ vehe da jáchi̱ ndijáá níí qui̱vi̱ na̱sacaja da víco̱ nu̱ xíxáhan cuícá ndiva̱ha da.

Efesios 2:13

Va̱tí co̱ó na̱sa̱cuu ndó na̱ cúú cuéntá Ndióxi̱ joo viti na̱cayati ndó nu̱ á ta já in na̱nduu ndó xi̱hín Jesucristo sa̱há ña̱ na̱xi̱hi̱ a̱ ndi̱ca crúxu̱ sa̱ha̱ ndo̱.

Efesios 2:17

Ta na̱quixi Jesucristo ca̱xi tu̱hun a tu̱hun va̱ha nu̱ yo̱ ña̱ ná coo va̱ha iní xi̱hi̱n Ndióxi̱. Ta co̱ó caja toho a á cúú ná na̱ tóho̱, na̱ na̱sa̱cuu xícá nu̱ á tátu̱hun mé ndó, á cúú ná na̱ Israel, na̱ na̱sa̱nduu yati nu̱ á tátu̱hun mé nde̱ jáchi̱ na̱sa̱ha̱n mé á tu̱hun va̱ha nu̱ tócó ndihí.

2 Pedro 2:13

Tá quia̱hva jándoho na ini ña̱yivi quia̱hva já ndoho ini mé ná. Cáhán na̱ ña̱ ndató ndiva̱ha ndúu na jáchi̱ tá yéhe̱ ca̱ndii xíca nuu na cája na ña̱ núu. Ta tá ndúu na xi̱hi̱n ndó in víco̱ cátóó na̱ ndíta̱ti na, chínu̱ú cácahan nu̱u̱ ndo̱ quéa̱ cája na. Cáji̱i̱ ndiva̱ha ini na xi̱hín ña̱ cája na joo jándahvi uun na mé ná.