San Lucas 14:30 - Mixtec Silacayoapan

³⁰ Já cachi na já xi̱hi̱n ndo̱: “Ta̱a ja̱n na̱casáhá da̱ cáva̱ha da vehe da joo co̱ó na̱cuu jáxi̱nu̱ dá ña̱”, já cachi na cua̱cu̱ ndaa na ndo̱hó —na̱cachi Jesús.

San Lucas 14:30 ပူးပေါင်းရင်းမြစ်များ

San Mateo 7:27

Tá na̱ndihi já na̱xi̱nu̱ ja̱vi̱ já na̱sahnu yu̱ta ta na̱xi̱nu̱ ta̱chi̱ quíni ja̱tá vehe cán. A̱nda̱ já na̱ndicava vehe da ta chí na̱ndihi sa̱ha̱ chí uun —na̱cachi Jesús jána̱ha̱ ña̱yivi.

San Lucas 14:29

Jáchi̱ tá ná a̱ tává jihna ndó cuéntá ta casáhá ndó cava̱ha ndó vehe ndó joo tá na̱ndihi co̱ quéta ga̱ jiu̱hún ndó ña̱ ná jáxi̱nu̱ co̱o ndó ña̱ já quéa̱ cacahan nu̱u̱ ndo̱ jáchi̱ casáhá ña̱yivi cua̱cu̱ ndaa na ndo̱hó.

San Lucas 14:31

A̱nda̱ já na̱cachi tucu Jesús já: —Tá ná cani táhan in rey, da̱ cómí u̱xu̱ mil soldado xi̱hín inga rey, da̱ cómí o̱co̱ mil soldado já quéa̱ xíní ñúhú ndicani va̱ha ini da ña̱ á cuu quee va̱ha da xi̱hín da̱ inga rey cán tá ná qui̱hvi táhan da xi̱hi̱n dá.

Hebreos 10:38

Joo ndá na̱ cúú ña̱yivi nda̱a̱ nu̱ mí i̱ catacu na sa̱há ña̱ cándeé ini na ye̱he̱. Ta tá co̱ cúni̱ ga̱ na̱ cándeé ini na ye̱he̱ ta já ndicó coo na caja na cua̱chi já quéa̱ a̱ cáji̱i̱ íní i̱ xi̱hi̱n ná, já cáchí Ndióxi̱.

Hebreos 6:11

Ta a̱ ju̱ú quia̱hva cúni̱ nde̱ ña̱ ná ndi̱hi ini in in ndó chindeé ndo̱ na̱ cúú cuéntá Jesús a̱nda̱ qui̱vi̱ nu̱ ndíhí. Ta xi̱hín ña̱ yóho va̱xi qui̱vi̱ tá quia̱hva Ndióxi̱ nu̱ ndo̱ tócó ndihi ña̱ ndáti ndó quia̱hva mé á nu̱ ndo̱.

2 Juan 1:8

Cuéntá coo ndó ná a̱ jándahvi na ndo̱hó já ná a̱ tíví chuun na̱caja ndó sa̱há Jesucristo. Xiní ñúhú jáxi̱nu̱ co̱o ndó chuun cája ndó cuéntá mé á já ná cuu quia̱hva mé á tócó ndihi ña̱ ndítahan nu̱ ndó ndiquehe ndó sa̱há mé chuun na̱caja ndó.