San Lucas 14:12 - Mixtec Silacayoapan

¹² A̱nda̱ já na̱ca̱ha̱n Jesús xi̱hín mé da̱ na̱cana ñahá cán já na̱cachi a já xi̱hi̱n dá: —Tá ná cava̱ha cua̱hún ña̱ cajáhñu na á ña̱ cajíni na, a̱ cána tohún na̱ cúú amigún ja̱n ni na̱ cúú ñanún ja̱n ta ni a̱ cána tohún na̱ cúú táhún ta ni a̱ cánún na̱ cui̱cá ndúu yati xu̱hu̱n ja̱n. Jáchi̱ tá ná caja na víco̱ cana ri na̱ ja̱n va yo̱hó ta xi̱hín ña̱ ja̱n táhnda̱ cuéntá sa̱há ña̱ma̱ni̱ na̱cajún xi̱hín na̱ cán.

San Lucas 14:12 ပူးပေါင်းရင်းမြစ်များ

San Mateo 5:46

A̱ cáhán ndo̱ ña̱ caja Ndióxi̱ cua̱há ña̱ma̱ni̱ xi̱hi̱n ndo̱ tá quíhvi̱ ini cuití ndó na̱ quíhvi̱ ini ndóhó va jáchi̱ ja̱nda̱ ña̱yivi quini, na̱ játaca jiu̱hún cuéntá impuesto cája na já.

San Lucas 1:53

Ta na̱jándicutú nda̱a̱ mé á ña̱ha nu̱ú na̱ na̱ndima̱ní ña̱ha cuxu. Ta na̱candaa mé á ña̱ na̱sacomí na̱ cui̱cá já na̱taxí a̱ na̱ cán ná quee na cu̱hu̱n na̱.

San Lucas 1:58

Ta tócó ndihi ña̱yivi ndúu yati xi̱hi̱n ñá xi̱hín na̱ cúú táhan ñá na̱sa̱ha̱n na̱ xíto nihni na ña̱. Ta cáji̱i̱ íní na̱ jáchi̱ na̱canda̱a̱ ini na ña̱ na̱caja Ndióxi̱ cua̱há ña̱ma̱ni̱ xi̱hi̱n ña̱.

San Lucas 14:11

Jáchi̱ ndá na̱ cája cáhnu mé, na̱ cán cacuu na̱ na̱nuu ndáha joho. Ta na̱ co̱ ndíñehe jícó mé, na̱ cán cúú na̱ ndicáhnu —na̱cachi Jesús.

San Lucas 14:13

Ña̱ ndítahan cajún tá ná cava̱hún in víco̱ quéa̱ canún na̱ nda̱hví ta canún na̱ rénco̱ ta canún na̱ cua̱á.

2 Corintios 6:13

Sa̱há ña̱ cán quéa̱ xíca̱ ta̱hví i̱ nu̱ ndo̱ tá quia̱hva cája in da̱ta̱a tá xíca̱ ta̱hví da̱ nu̱ú ja̱hyi da. Ña̱ cúni̱ quéa̱ ña̱ ná qui̱hvi̱ va̱ha ini ndó ye̱he̱ tá quia̱hva quíhvi̱ ndiva̱ha ini i̱ ndo̱hó.