San Lucas 12:15 - Mixtec Silacayoapan

¹⁵ A̱nda̱ já na̱cachi tucu a já xi̱hín na̱ ndúu cán: —Cuni jo̱ho va̱ha ndó. Cuéntá coo ndó ña̱ ná a̱ ndiáva̱ na̱há ini ndó canduu cua̱há ña̱ha cuícá nu̱ ndo̱. Jáchi̱ a̱ ju̱ú sa̱ha̱ ña̱ ndúu cua̱há ña̱ha cuícá nu̱ ndó chí cuu catacu na̱há chága̱ ndó, va̱ha —na̱cachi Jesús.

San Lucas 12:15 ပူးပေါင်းရင်းမြစ်များ

San Marcos 7:22

Ta sa̱ mé cán quéta ña̱ xíca̱ ini na caja cuíhná na̱ ta jári xíca̱ ini na coo cua̱há ndiva̱ha ña̱ha nu̱ ná. Ta sa̱ mé cán quéta ña̱ núu cája na ta cáha̱n na̱ ña̱ tu̱hún ta cája na tá nu̱ú cua̱chi ta cáhi̱hvi̱ ini na ta cátóó na̱ ca̱ha̱n na̱ sa̱ha̱ táhan na ta cája cáhnu na mé ná ta quíhví cája na.

San Lucas 12:16

A̱nda̱ já na̱sacu a in quia̱hva nu̱ ná já na̱cachi a já xi̱hi̱n ná: —Na̱sahi̱in in da̱ cui̱cá ta a̱ ju̱ú quia̱hva na̱sahnu va̱ha ña̱ha nu̱ ñúhu̱ dá.

San Lucas 16:14

Ta nu̱ cáha̱n Jesús cán ndíta na̱ fariseo, na̱ cátóó ndiva̱ha jiu̱hún táa jo̱ho na nu̱ cáha̱n mé á. Ta na̱casáhá na̱ sácu̱ ndaa na Jesús.

San Lucas 21:34

ʼCuéntá coo ndó. Xíní ñúhú candati tia̱hva ndó qui̱ví quixi i̱ ndiquehe e̱ ndo̱hó. A̱ cáca nuu ndó yóho cáa ña̱ caja ndó ña̱ cúni̱ yiquí cu̱ñu ndó. A̱ cóho ndó caca nuu ndó. Ta a̱ ndíhi na̱há ini ndó ndicani ini ndó sa̱há ña̱ha ñuyíví yóho.

San Lucas 8:14

Ta tata ña̱ na̱ndicava tañu to̱híñú cán náha̱ nu̱ yo̱ ña̱ ndúu java ña̱yivi ta xíni̱ jo̱ho na tu̱hun Ndióxi̱ joo co̱ jándacoo na íchi̱ na̱xi̱ca na jihna. Ta cásáhá ndícani ini na sa̱há ña̱ha ñuyíví yóho ta cásáhá na̱ cátóó na̱ canduu cua̱há ña̱ha cuícá nu̱ ná ta cásáhá ndicají ini na caja na ña̱ núu. Sa̱há ña̱ cán quéa̱ cúú á tátu̱hun tata ña̱ co̱ cána ña̱ha jáquee na nu̱u̱ jáchi̱ co̱ó na̱sahnu na xi̱hín tu̱hun Ndióxi̱.

1 Corintios 6:10

Ta ni na̱ cui̱hná ta ni na̱ cátóó ndiva̱ha jiu̱hún ta ni na̱ xíhí ta ni na̱ ndahnda yúhu̱ ta ni na̱ jándahvi ñahá ta ni in táhan na̱ yóho a̱ cúhu̱n toho na nu̱ú cacomí Ndióxi̱ cuéntá sa̱ha̱ ná.

Colosenses 3:5

Ndítahan jácaxoo ndó nu̱ú cua̱chi, ña̱ cája ña̱yivi ñuyíví. Coto a̱ cóo ndó xi̱hín ña̱yivi, na̱ co̱ cúú ñájíhí ndo̱ á yíi̱ ndo̱. Ta ni a̱ cája ndó ña̱ núu xi̱hín yiquí cu̱ñu ndó ta ni a̱ cája ndó ña̱ núu, ña̱ xíca̱ ini yiquí cu̱ñu ndó caja. Ta ni a̱ chínúu ndó ínima̱ ndó ja̱tá jiu̱hún ndo̱ jáchi̱ cúú ndó tátu̱hun na̱ cája cáhnu yo̱co̱ tá cája ndó já.

2 Timoteo 3:2

Jáchi̱ va̱xi qui̱vi̱ tá caja ña̱yivi cua̱há ndiva̱ha cua̱chi. Cua̱há ña̱yivi cajíhnda̱ ná ta qui̱hvi̱ ndiva̱ha ini na jiu̱hún na̱. Ta já caja cáhnu na mé ná ta i̱chi̱ ndiva̱ha coo ini na ta candají na̱ Ndióxi̱ ta a̱ cúni jo̱ho na nu̱ú ca̱ha̱n tátá náná na̱ xi̱hi̱n ná. Ta ni ndixa̱hvi a̱ ndíquia̱hva na nu̱ Ndióxi̱ ta ni a̱ cája cáhnu na mé á.

Hebreos 13:5

A̱ ndiáva̱ ini ndó cacomí ndó cua̱há jiu̱hún. Ndítahan caji̱i̱ ini ndó xi̱hín ña̱ cómí ndo̱ jáchi̱ já cáchí Ndióxi̱ já: “A̱ jándacoo toho i̱ ndo̱hó ta ni a̱ ndíndójó i̱ sa̱ha̱ ndo̱”, cáchí a̱.

2 Pedro 2:14

Ta tá xíní uun na na̱ji̱hí i̱vi̱ la̱á cásáhá cáhvi núu ini na xi̱hi̱n ná. Chí co̱ cánaá loho na cája na cua̱chi. Ta jándahvi na na̱ co̱ó nda̱cú cua̱ha̱n íchi̱ cuéntá Ndióxi̱ ta xíni̱ va̱ha na ndaja caja na quehe na ña̱ cúni̱ na̱. Na̱ ja̱n cúú ná ña̱yivi na̱ta̱vi̱ cháhan ja̱ta̱, na̱ cu̱hu̱n indayá.

2 Pedro 2:3

Ta sa̱há ña̱ catóó ndiva̱ha na jiu̱hún sa̱há ña̱ cán quéa̱ nducú na̱ tavá na̱ jiu̱hún xi̱hi̱n ndo̱ xi̱hi̱n mé ña̱ tu̱hún jána̱ha̱ na̱ cán. Ta xíni̱ Ndióxi̱ ña̱ cája na ña̱ cán quéa̱ ndihi tá ndihi sa̱ha̱ ná. Jáchi̱ sa̱ ja̱nda̱ sa̱nahá na̱sacu ini mé á taán a̱ ña̱yivi ja̱n ini indayá.