San Lucas 11:46 - Mixtec Silacayoapan

⁴⁶ A̱nda̱ já na̱cachi Jesús já xi̱hi̱n dá: —Ndáhví na̱cuu ri ndóhó va, na̱ jána̱ha̱ ley Moisés. Jáchi̱ cája ndó ña̱ ná coo i̱hvi̱ ndiva̱ha ley já ná a̱ cúu caja ña̱yivi ña̱. Joo mé ndó cája ndúsa̱ ndó xi̱hi̱n ná ña̱ ná caja na ña̱ va̱tí ni mé ndó a̱ cu̱ú caja ndó ña̱.

San Lucas 11:46 ပူးပေါင်းရင်းမြစ်များ

San Mateo 22:35

Ta in táhan mé da̱ cán, da̱ jána̱ha̱ ley Moisés na̱nda̱ca̱ tu̱hún da̱ Jesús jáchi̱ cúni̱ da̱ coto ndojó da̱ mé á. Já na̱cachi da já:

San Lucas 11:45

A̱nda̱ já na̱nducú ñehe in da̱ jána̱ha̱ ley Moisés cán tu̱hun nu̱ Jesús já na̱cachi da já xi̱hi̱n á: —Maestro, xi̱hín tu̱hun cáha̱n ja̱n jándihi̱hvi̱ ri a nde̱he̱ va.

San Lucas 11:52

ʼNdáhví na̱cuu ndó, na̱ jána̱ha̱ ley Moisés. Jáchi̱ cája ndó ña̱ ná a̱ cúu canda̱a̱ ini ña̱yivi ña̱ cáchí tu̱hun Ndióxi̱. Ta xi̱hín ña̱ yóho cúú ndó na̱ sájí nuu cuití va jáchi̱ ni co̱ sáhan ndó ña̱ma̱ní nu̱ ná ña̱ ná candúsa na ña̱ nda̱a̱. Ta mé ndó va̱tí xíni̱ ndó cúú á ña̱ nda̱a̱ joo co̱ cája ndó ña̱ cáchí a̱ —na̱cachi Jesús xi̱hín na̱ jána̱ha̱ ley Moisés cán.

Gálatas 6:13

Joo mé na̱ chíca̱a̱n marca yiquí cu̱ñu cán co̱ sácú va̱ha na tócó ndihi ña̱ sáhndá ley Moisés. Joo cúni̱ na̱ ña̱ ná chica̱a̱n ndó marca yiquí cu̱ñu ndó já ná cuu ca̱ha̱n lánda̱ na̱ nu̱ú na̱ Israel sa̱há ña̱ na̱caja ndúsa̱ ná xi̱hi̱n ndo̱.