San Lucas 11:15 - Mixtec Silacayoapan

¹⁵ Joo java na na̱casáhá cáchí na̱ já sa̱ha̱ Jesús: —Ta̱a yóho cúú tává da̱ rí quini ñúhu ini ña̱yivi jáchi̱ mé Beelzebú, rí cúú tiñáhá sa̱cua̱ha̱ nu̱ rí quini cán, sáhan rí ndée̱ rí nu̱ dá cája da ña̱ —na̱cachi na.

San Lucas 11:15 ပူးပေါင်းရင်းမြစ်များ

San Mateo 10:25

In da̱ jácuaha ndítahan caji̱i̱ íní da̱ tá sa̱ xíni̱ ndihi da ña̱ xíni̱ maestro da̱. Ta da̱ cúú mozo ndítahan caji̱i̱ ini da tá ná xi̱nu̱ da̱ cacuu da̱ cáhnu tátu̱hun xitoho da. Cande̱hé ndo̱. Tá ná cachi ña̱yivi xi̱hín da̱ cúú xitoho ndó ña̱ cúú da̱ Beelzebú, rí cúú tiñáhá sa̱cua̱ha̱ ndaja ga̱ ví cachi na xi̱hi̱n ndóhó.

San Mateo 12:22

Java ña̱yivi ñéhe na in da̱ cua̱á ta cúú dá da̱ níhi̱ jáchi̱ ndáca̱a̱n rí quini ini da. Ta tá na̱ndaja va̱ha Jesús da̱ já na̱sande̱hé da̱ ta na̱ndica̱ha̱n da̱.

San Mateo 4:24

Ta níí cúú ñundáhyi̱ cuéntá Siria na̱ndicui̱ta nuu tu̱hun sa̱há ña̱ cája Jesús. Sa̱há ña̱ cán quéa̱ néhe na na̱ quíhvi̱, na̱ ndóho tá nu̱ú cue̱he̱ va̱xi na nu̱ á ña̱ ná ndaja va̱ha mé á na̱ ta néhe na na̱ ñúhu ínima̱ quini ini xínu̱ na̱ nu̱ á ta ndijáá na̱ xíhi̱ yi̱hí xi̱hín na̱ quíhvi̱ sa̱ha̱ néhe na va̱xi na nu̱ú Jesús. Ta na̱ndaja va̱ha mé á na̱.

San Mateo 9:34

Joo na̱ fariseo cán na̱casáhá cáchí na̱ já: —Rí cúú tiñáhá sa̱cua̱ha̱ nu̱ rí quini sáhan rí ndée̱ rí nu̱ú Jesús yóho ña̱ ná tavá a̱ ínima̱ quini ini ña̱yivi —na̱cachi na̱ fariseo cán.

San Juan 10:20

Ta cua̱ha̱ táhan na̱ cán na̱casáhá cáchí na̱ já: —Ndá cuéntá quéa̱ táa jo̱ho ndó nu̱ cáha̱n da̱ ja̱n ta da̱ na̱cata̱chi̱ va cúú dá. Tiñáhá va ndáca̱a̱n ini da —cáchí xi̱hi̱n táhan na.

San Juan 7:20

A̱nda̱ já na̱nducú ñehe na̱ cán tu̱hun nu̱ á já na̱cachi na já: —Rí quini va ndáca̱a̱n ini yóhó jáchi̱ ni in túhún toho na co̱ ndúcú cahní yo̱hó —na̱cachi na̱ cán.

San Juan 8:48

A̱nda̱ já na̱cana̱há na̱ Israel xi̱hín Jesús já na̱cachi na já: —Mé a̱ nda̱a̱ cúún in da̱ Samaria ta ndáca̱a̱n rí quini inún —na̱cachi na.

San Juan 8:52

Já na̱nducú ñehe na̱ cán tu̱hun nu̱ á já na̱cachi na já xi̱hi̱n á: —Viti ndusa cánda̱a̱ ini nde̱ ña̱ ndáca̱a̱n rí quini inún jáchi̱ cáchún ña̱ tá ná caja nde̱ ña̱ cáhu̱n já quéa̱ catacu nde̱ a̱nda̱ ama cáa qui̱vi̱. Joo xíni̱ va̱ha nde̱ ña̱ na̱xi̱hi̱ tá na̱xi̱hi̱ Abraham, tásáhnu jícó nde̱ ta jári na̱ profeta na̱sanduu sa̱nahá na̱xi̱hi̱ na̱.