San Lucas 10:38 - Mixtec Silacayoapan

³⁸ Na̱quehe Jesús íchi̱ xíca cua̱ha̱n ja̱nda̱ quia̱hva na̱xi̱nu̱ co̱o a in ñuu loho. Ta cán na̱ndiquehe va̱ha in ñá naní Marta mé á vehe ñá.

San Lucas 10:38 ပူးပေါင်းရင်းမြစ်များ

San Lucas 10:37

A̱nda̱ já na̱cachi da̱ jána̱ha̱ ley Moisés já: —Da̱ na̱ta̱hvi̱ ini sa̱há da̱ na̱ndicue̱he̱ ja̱n, da̱ ja̱n cúú da̱ cája i̱ cuéntá na̱na̱ha̱ da̱ ña̱ mé a̱ nda̱a̱ quíhvi̱ ini da ñani táhan da —na̱cachi da̱ cán. A̱nda̱ já na̱cachi Jesús já xi̱hi̱n dá: —Ta viti cuáhán ri yóhó va, qui̱hvi̱ inún ñani táhún tá quia̱hva na̱caja da̱ Samaria yóho —na̱cachi a xi̱hi̱n dá.

San Lucas 10:40

Joo ndaja coo a̱ ju̱ú quia̱hva ndíhi ini mé Marta cája ndíví ñá ña̱ha cuxu na ndáca̱a̱n ña̱. A̱nda̱ já na̱cayati ñá nu̱ Jesús já na̱cachi ñá já xi̱hi̱n á: —Cande̱hé ndo̱, xitoho i̱. Á co̱ sánde̱hé toho ndó ña̱ in túhún mí i̱ cája ndíví i̱ ña̱ha ta ñá cúú qui̱hví i̱ ja̱n co̱ chíndeé loho ñá ye̱he̱. Ca̱ha̱n loho ndó xi̱hi̱n ña̱ ná chindeé ñá ye̱he̱ —na̱cachi Marta cán xi̱hi̱n Jesús.

San Lucas 10:41

A̱nda̱ já na̱nducú ñehe Jesús tu̱hun nu̱ ña̱ já cáchí a̱ já xi̱hi̱n ña̱: —Marta loho, a̱ ju̱ú quia̱hva ndícani inún ta ndíhi inún jáchi̱ íin ndiva̱ha chuun nu̱u̱n.

Hechos 16:15

Tá na̱ndihi na̱candúta̱ ñá xi̱hín na̱ vehe ñá ta já cáchí ña̱ já xi̱hín nde̱: —Tá ta̱ mé a̱ nda̱a̱ ndícuni ndó ye̱he̱ ña̱ cúú u̱ cuéntá Jesús caja ndó ña̱ma̱ní sa̱a̱ ndó vehe e̱ coo ndó —na̱cachi ñá xi̱hín nde̱. Ta na̱caja ndúsa̱ ñá xi̱hín nde̱ chí na̱cando̱o tóo nde̱ vehe ñá cán.

Hechos 17:7

Ta da̱ naní Jasón yóho na̱ndiquehe va̱ha da da̱ cán vehe da. Ta xi̱hín ña̱ cája na̱ yóho náha̱ ña̱ co̱ cája na ña̱ sáhndá ley ñuu Roma ta ni co̱ cája cáhnu na da̱ cómí cuéntá sa̱há ñuu Roma. Jáchi̱ mé na̱ yóho xíca na cáha̱n na̱ ña̱ íin inga da̱ cómí cuéntá sa̱há ña̱yivi. Ta cáchí na̱ cúú dá in da̱ naní Jesús —na̱cachi na.

2 Juan 1:10

Ta ndá na̱ va̱xi nu̱ ndo̱ ta co̱ jána̱ha̱ na̱ ña̱ na̱jána̱ha̱ Jesucristo nu̱ ndo̱ já quéa̱ a̱ ndíquehe ndó na̱ cán vehe ndó ta ni a̱ cáha̱n Ndióxi̱ ndó xi̱hi̱n ná.