San Lucas 10:27 - Mixtec Silacayoapan

²⁷ A̱nda̱ já na̱nducú ñehe da̱ jána̱ha̱ ley Moisés cán tu̱hun nu̱ Jesús já na̱cachi da já: —“Qui̱hvi̱ inún Ndióxi̱, xitohún xi̱hi̱n tócó ndihi ínimu̱n ta xi̱hi̱n ndinuhu inún. Ta qui̱hvi̱ inún a̱ xi̱hi̱n tócó ndihi ndéu̱n ta xi̱hi̱n tócó ndihi xíní túnu̱n. Ta qui̱hvi̱ inún ñani táhún tá quia̱hva quíhvi̱ inún mún” —na̱cachi da̱ cán na̱nducú ñehe da tu̱hun nu̱ Jesús.

San Lucas 10:27 ပူးပေါင်းရင်းမြစ်များ

San Mateo 19:19

Ndítahan caja cáhnún tátún xi̱hi̱n nánún. Ta ndítahan qui̱hvi̱ inún ñani táhún tá quia̱hva quíhvi̱ inún mún —na̱cachi Jesús.

San Lucas 10:26

A̱nda̱ já na̱nducú ñehe Jesús tu̱hun nu̱ dá já na̱cachi a já xi̱hi̱n dá: —Ndaja cáchí ley Moisés. Ndaja cáchí ley tá cáhvún ña̱ —na̱cachi Jesús xi̱hi̱n dá.

Romanos 13:9

Jáchi̱ tá quíhvi̱ ini ndó ñani táhan ndó já quéa̱ a̱ ndiáva̱ ini ndó caja ndó ña̱ núu xi̱hi̱n na̱. Ta a̱ cáhvi ini ndó coo ndó xi̱hi̱n ñájíhí ñani táhan ndó. Ta a̱ cáhní ndó ndi̱i. Ta a̱ cáhvi ini ndó caja cuíhná ndo̱ ña̱ha inga na. Ta ni a̱ ndiáva̱ ini ndó cacomí ndo̱ ña̱ha cómí inga na. Tá quíhvi̱ ini ndó ñani táhan ndó já quéa̱ cúni̱ cachi a ña̱ cája ndó ña̱ sáhndá ley Moisés tá cáchí a̱ já: “Qui̱hvi̱ ini ndó ñani táhan ndó tá quia̱hva quíhvi̱ ini ndó mé ndó.”

Gálatas 5:13

Cande̱hé ndó, ñani i̱. Co̱ ndúu ga̱ ndó ndáha̱ ley Moisés na̱caja Jesucristo. Joo co̱ cúni̱ cachi ña̱ yóho ña̱ na̱ja̱ni̱ ndo̱ já ná cuu caja ndó ndá ña̱ núu ña̱ xíca̱ ini yiquí cu̱ñu ndó caja. Jáchi̱ na̱cana Ndióxi̱ ndo̱hó ña̱ ná qui̱hvi̱ ini táhan ndó ta ná chindeé táhan ndó.

Hebreos 8:10

Ta va̱xi qui̱vi̱ tá quia̱hva i̱ tu̱hun sa̱á nu̱ú ña̱yivi Israel. Ta caja i̱ ña̱ ná canda̱a̱ va̱ha ini na ley mí i̱ ta cañuhu a ini ínima̱ ná ña̱ ná caja na ña̱ cúni̱ mí i̱. Ta ye̱he̱ cacuu Ndióxi̱ caja cáhnu na, ta mé na̱ cán cacuu ña̱yivi cacomí i̱ cuéntá sa̱ha̱.

Santiago 2:8

Sáhndá tu̱hun Ndióxi̱ chuun nu̱ yo̱ já cáchí a̱ já: “Tá quia̱hva quíhvi̱ ini ndó mé ndó quia̱hva já ndítahan qui̱hvi̱ ini ndó ñani táhan ndó”, cáchí tu̱hun Ndióxi̱. Tá ná caja ndó ña̱ cáchí a̱ yóho já quéa̱ cája va̱ha ndó jáchi̱ ña̱ yóho cúú á ley cáhnu nu̱ Ndióxi̱.

1 Juan 3:18

Mé ndó cúú ndó tátu̱hun ja̱hyi i̱ sa̱há ña̱ cán quéa̱ cáha̱n i̱ xi̱hi̱n ndo̱ ña̱ xíní ñúhú jána̱ha̱ yó xi̱hín ña̱ cája í ña̱ quíhvi̱ iní ñani táhan í ta a̱ ju̱ú xi̱hi̱n yuhú ni̱nu uun í cuití va.