San Lucas 1:30 - Mixtec Silacayoapan

³⁰ A̱nda̱ já na̱cachi táto̱ Ndióxi̱ cán já xi̱hi̱n ña̱: —A̱ yíhví tohún, María jáchi̱ cúún in ñá na̱ñe̱he̱ táhvi̱ nu̱ Ndióxi̱.

San Lucas 1:30 ပူးပေါင်းရင်းမြစ်များ

San Mateo 14:27

Joo i̱vi̱ la̱á na̱ndica̱ha̱n Jesús xi̱hi̱n ná já cáchí a̱ já: —Ndacú coo ini ndó jáchi̱ ye̱he̱ va cúú u̱. A̱ yíhví toho ndó —na̱cachi a xi̱hi̱n ná.

San Mateo 28:5

Joo ndaja coo táto̱ Ndióxi̱ cán na̱ndica̱ha̱n xi̱hín na̱ji̱hí cán já na̱cachi a já xi̱hi̱n ná: —A̱ cáyi̱hví toho ndó. Sa̱ xíni̱ va̱ha i̱ ña̱ ndínducú ndo̱ Jesús, ña̱ na̱cata caa na ndi̱ca crúxu̱.

San Lucas 1:13

Joo na̱ndica̱ha̱n táto̱ Ndióxi̱ cán xi̱hi̱n dá já na̱cachi a já: —A̱ yíhví tohún, Zacarías jáchi̱ sa̱ na̱xini jo̱ho Ndióxi̱ nu̱ú na̱xi̱ca̱ ta̱hvún nu̱ á. Sa̱há ña̱ cán quéa̱ caja mé á ña̱ ná cacu in ja̱hyi Elisabet, ñájíhún. Ta cacún qui̱vi̱ dá cananí da̱ Juan.

San Lucas 12:32

ʼA̱ cáyi̱hví toho ndó jáchi̱ mé ndó cúú ndó tátu̱hun ndicachi válí ja̱ná i̱. Mé a̱ nda̱a̱ chá va cúú ndó joo cáji̱i̱ ini Ndióxi̱ ña̱ cómí a̱ cuéntá sa̱ha̱ ndo̱.

Hechos 27:24

Ta já na̱cachi a já xi̱hín i̱: “A̱ cáyi̱hví tohún, Pablo. Jáchi̱ ndítahan xi̱nu̱n tá xi̱nu̱n nu̱ú da̱ cúú emperador ñuu Roma cán. Ta sa̱ha̱ yóhó jáca̱cu ri Ndióxi̱ tócó ndihi na̱ ñúhu xu̱hu̱n ini barco ja̱n já ná a̱ quíví na̱ ini tañu̱hú”, já na̱cachi táto̱ Ndióxi̱ xi̱hín i̱.

Romanos 8:31

Ndía̱ cachí sa̱há ña̱ yóho. Ni in túhún ña̱ha a̱ cúu cani táhan xo̱ho̱ ta ni a̱ cúu quee va̱ha xo̱ho̱ jáchi̱ cua̱ha̱n Ndióxi̱ xoo í.

Hebreos 13:6

Sa̱há ña̱ cán quéa̱ cuu candeé iní Ndióxi̱ ta cuu cachí já: Mé á cúú Ndióxi̱, xitoho i̱ ta chíndeé a̱ ye̱he̱. Ta a̱ cáyi̱hví toho i̱ ndá ña̱ha ndúcú ña̱yivi caja na xi̱hín i̱.