San Juan 9:17 - Mixtec Silacayoapan

¹⁷ Já na̱casáhá ndáca̱ tu̱hún tucu na da̱ na̱sacuu da̱ cua̱á cán já cáchí na̱ já xi̱hi̱n dá: —Ta viti na̱nu̱ná nu̱u̱n na̱caja da̱ ja̱n. Yo já cúú dá cáchún —na̱cachi na. Já na̱nducú ñehe da tu̱hun nu̱ ná já na̱cachi da já xi̱hi̱n ná: —Ye̱he̱ cáchí i̱ ña̱ cúú dá in profeta —na̱cachi da.

San Juan 9:17 ပူးပေါင်းရင်းမြစ်များ

San Mateo 21:11

Java táhan na̱ cán cáchí na̱: —Da̱ yóho cúú in profeta, da̱ ñuu Nazaret cuéntá estado Galilea —cáchí xi̱hi̱n táhan na.

San Lucas 24:19

A̱nda̱ já na̱cachi Jesús já xi̱hi̱n ná: —Ndía̱ na̱cuu, va̱ha. Já na̱cachi na̱ cán já xi̱hi̱n á: —Na̱quixi in da̱ naní Jesús chí ñuu Nazaret ta na̱sacuu da in profeta cáhnu ndiva̱ha jáchi̱ cua̱há ndiva̱ha ña̱ náhnu na̱ca̱ha̱n da̱. Ta cua̱há ndiva̱ha ña̱ náhnu na̱caja da nu̱ Ndióxi̱ xi̱hín nu̱ú ña̱yivi.

San Juan 4:19

Já na̱cachi ñá já xi̱hi̱n á: —Jivi ndusa in profeta cúú mé ndó.

San Juan 6:14

Tá na̱xini ndihi ña̱yivi cán ña̱ xitúhún na̱caja Jesús yóho já na̱casáhá cáchí xi̱hi̱n táhan na já: —Jivi ndusa da̱ yóho cúú profeta na̱cachi Ndióxi̱ chindahá a̱ ñuyíví yóho —cáchí xi̱hi̱n táhan na.

San Juan 9:15

Já na̱nda̱ca̱ tu̱hún na̱ fariseo cán da̱ ndá quia̱hva na̱nu̱ná nu̱u̱ dá sánde̱hé da̱ viti. Já na̱nducú ñehe da tu̱hun nu̱ ná já na̱cachi da já xi̱hi̱n ná: —Na̱chindaa da nda̱hyi̱ nu̱ú i̱ ta na̱chichí nu̱ú i̱ ta viti tívi nu̱ú i̱ sánde̱hé e̱ —na̱cachi da xi̱hi̱n ná.

Hechos 10:38

Ta sa̱ cánda̱a̱ ini ndó ndaja na̱caja Ndióxi̱ xi̱hi̱n Jesús, mé a̱ na̱quixi ñuu Nazaret. Na̱jándicutú nda̱a̱ Ndióxi̱ Jesús xi̱hi̱n ínima̱ yi̱i̱ mé á ta na̱jándicutú a̱ ña̱ xi̱hi̱n ndée̱ mé á. Ta mé Jesús na̱xi̱ca nuu a cája ndinuhu ña̱ va̱ha xi̱hín ña̱yivi. Ta na̱ndaja va̱ha mé á na̱ na̱sa̱ndoho ini na̱caja tiñáhá sa̱cua̱ha̱. Na̱caja Jesús ña̱ yóho jáchi̱ na̱sahi̱in Ndióxi̱ xi̱hi̱n á.

Hechos 2:22

A̱nda̱ já na̱cachi tucu Pedro já: —Cuni jo̱ho va̱ha ndó tu̱hun cáha̱n i̱ xi̱hi̱n ndó, na̱ Israel. Jáchi̱ cáha̱n i̱ sa̱ha̱ Jesús, mé a̱ na̱quixi ñuu Nazaret. Jáchi̱ na̱tahan ini Ndióxi̱ xi̱hi̱n tócó ndihi ña̱ha na̱caja mé Jesús. Ta na̱xini xi̱hín nu̱u̱ ndó ña̱ náhnu xi̱hín ña̱ xitúhún na̱caja mé á nu̱ ndo̱ xi̱hi̱n ndée̱ na̱sa̱ha̱n Ndióxi̱ nu̱ a̱. Ta sa̱ cánda̱a̱ va̱ha ini mé ndó ña̱ yóho.