San Juan 8:53 - Mixtec Silacayoapan53 Á cáhnu chága̱ yóhó a̱ ju̱ú ga̱ Abraham, da̱ na̱sacuu tásáhnu jícó nde̱, dá já. Mé Abraham na̱xi̱hi̱ da̱ ta jári mé na̱ profeta na̱xi̱hi̱ ri na̱ cán va. Á cájún cuéntá ña̱ cúún da̱ cáhnu chága̱ a̱ ju̱ú ga̱ na̱ cán, dá já —na̱cachi na xi̱hín Jesús. အခန်းကိုကြည့်ပါ။ |
Ta a̱ cáhán ndo̱ ña̱ jáca̱cu Ndióxi̱ ndo̱hó sa̱há ña̱ cúú ndó na̱ na̱quixi chi̱chi Abraham. Jáchi̱ co̱ó sa̱ha̱ toho ña̱ ja̱n nu̱ Ndióxi̱ tá co̱ jándacoo ndó cua̱chi ndó. Jáchi̱ mé a̱ nda̱a̱ ná ca̱ha̱n i̱ xi̱hi̱n ndó ña̱ ja̱nda̱ yu̱u̱ ndúu nu̱ ñúhu̱ ja̱n cuu caja Ndióxi̱ ña̱ ná nduu a ña̱yivi quixi chi̱chi Abraham.
A̱nda̱ já na̱cachi ña̱yivi ndúu cán já xi̱hi̱n á: —Tá cáhvi nde̱ ley Moisés na̱ca̱hyi̱ sa̱nahá já cánda̱a̱ ini nde̱ ña̱ a̱nda̱ ama cáa qui̱vi̱ catacu da chindahá Ndióxi̱ cacomí cuéntá sa̱há ña̱yivi. Yo já cúú da̱ cáhu̱n sa̱ha̱. Tá ta̱ mé a̱ nda̱a̱ cúún da̱ na̱chindahá Ndióxi̱ nduu ña̱yivi, da̱ catacu a̱nda̱ ama cáa qui̱vi̱ ndá cuéntá quéa̱ cáchún quivún —na̱cachi na xi̱hín Jesús.
Tásáhnu jícó nde̱, da̱ naní Jacob cán na̱jándacoo chi̱co̱ho̱ yóho nu̱ú nde̱. Ta nu̱ú chi̱co̱ho̱ yóho na̱xihi da̱ cán ticui̱í ta sa̱ mé chi̱co̱ho̱ yóho na̱xihi ri ja̱hyi da̱ cán ta yóho na̱xihi ri quíti̱ ja̱na̱ dá. Ama ná cuu quia̱hva mé ndó ticui̱í va̱ha chága̱ a̱ ju̱ú ga̱ dó na̱jándacoo Jacob nu̱ú nde̱ —na̱cachi ñá cán xi̱hín Jesús.