San Juan 8:18 - Mixtec Silacayoapan

¹⁸ Ta viti cuni jo̱ho ndó jáchi̱ quia̱hva já yáha ri xi̱hín ye̱he̱ va. Jáchi̱ ye̱he̱ cúú in testigo ta cáha̱n i̱ sa̱ha̱ mí i̱. Ta inga testigo cúú Ndióxi̱, tátá i̱, mé a̱ na̱chindahá ye̱he̱ —na̱cachi Jesús xi̱hi̱n ná.

San Juan 8:18 ပူးပေါင်းရင်းမြစ်များ

San Juan 10:11

Ye̱he̱ cúú u̱ tátu̱hun in da̱ ndáá va̱ha ndicachi. Jáchi̱ da̱ cán co̱ yíhví da̱ quivi da sa̱há ndicachi jana dá.

San Juan 10:14

ʼJoo ye̱he̱ cúú u̱ tátu̱hun in da̱ ndáá va̱ha ndicachi. Tá quia̱hva xíni̱ va̱ha da̱ cán ndá rí cúú ndicachi ja̱na̱ dá quia̱hva já xíni̱ va̱ha i̱ ndá na̱ cúú cuéntá mí i̱. Ta jári xíni̱ va̱ha mé ná ye̱he̱.

San Juan 10:30

Ye̱he̱ xi̱hi̱n Ndióxi̱, tátá i̱ in cúú va nde̱ —na̱cachi Jesús.

San Juan 10:9

Ye̱he̱ cúú u̱ tátu̱hun in yéhé ta ndá na̱ ná quixi nu̱ú i̱ quia̱hva i̱ ña̱ma̱ni̱ nu̱ ná qui̱hvi na já ná ca̱cu ndaa ínima̱ ná. Cúú á tátu̱hun núná nu̱ú ndicachi qui̱hvi rí ini corra ri̱ ta núná nu̱ú rí queta tucu rí jáchi̱ íin yu̱cu̱ cuíi̱ nu̱ ri̱ xíxáhan rí.

San Juan 11:25

Já na̱cachi Jesús já xi̱hi̱n ñá: —Ye̱he̱ cúú da̱ cuu caja ña̱ ná nditacu tucu ndi̱i ta cuu caja i̱ ña̱ ná catacu ña̱yivi a̱nda̱ ama cáa qui̱vi̱. Ta ndá na̱ cándeé ini ye̱he̱ va̱tí ná quivi na catacu tá catacu na.

San Juan 14:6

Já na̱nducú ñehe Jesús tu̱hun nu̱ dá já na̱cachi a já xi̱hi̱n dá: —Ye̱he̱ cúú tátu̱hun íchi̱ ña̱ ndítahan candi̱co̱ ña̱yivi ta ye̱he̱ cúú da̱ jána̱ha̱ ña̱ nda̱a̱. Ta ye̱he̱ cúú da̱ cája ña̱ ná catacu ña̱yivi a̱nda̱ ama cáa qui̱vi̱. Ta in túhún ye̱he̱ ndítahan candeé ini ña̱yivi já ná cuu xi̱nu̱ co̱o na nu̱ Ndióxi̱, tátá i̱.

San Juan 8:12

Já na̱casáhá tucu Jesús cáha̱n xi̱hín ña̱yivi já cáchí a̱ já xi̱hi̱n ná: —Ye̱he̱ cúú u̱ tátu̱hun ñúhu̱ ña̱ jándiyéhe̱ ínima̱ ña̱yivi ta ndá na̱ cándeé ini ye̱he̱ cúú á tátu̱hun a̱ cáca ga̱ na̱ nu̱ú naá. Jáchi̱ jándiyéhe̱ e̱ nu̱ ná ta cája i̱ ña̱ ná catacu na a̱nda̱ ama cáa qui̱vi̱.

San Juan 8:25

A̱nda̱ já na̱nda̱ca̱ tu̱hún na̱ cán Jesús já na̱cachi na já xi̱hi̱n á: —Ta ndá da̱ cúú yóhó, dá já —na̱cachi na. Já na̱cachi Jesús já: —Ja̱nda̱ sa̱há va na̱ca̱ha̱n i̱ xi̱hi̱n ndó yo cúú ye̱he̱.

San Juan 8:38

Cáha̱n i̱ sa̱ha̱ tócó ndihi ña̱ na̱na̱ha̱ Ndióxi̱, tátá i̱ nu̱ú i̱. Joo ndóhó cája ndó ña̱ cáha̱n tátá ndo̱ xi̱hi̱n ndó —na̱cachi Jesús.

San Juan 8:51

Mé a̱ nda̱a̱ ná ca̱ha̱n i̱ xi̱hi̱n ndó. Ndá na̱ ná caja ña̱ cáha̱n i̱ yóho, na̱ cán catacu na a̱nda̱ ama cáa qui̱vi̱ —na̱cachi Jesús.

San Juan 8:58

Já na̱nducú ñehe Jesús tu̱hun nu̱ ná já na̱cachi a já xi̱hi̱n ná: —Mé a̱ nda̱a̱ ná ca̱ha̱n i̱ xi̱hi̱n ndo̱. Ja̱nda̱ tá cáma̱ní cacu Abraham sa̱ íin va ye̱he̱ jáchi̱ cúú u̱ Ndióxi̱ —na̱cachi Jesús.

Hebreos 2:4

Ta náha̱ Ndióxi̱ ña̱ cúú á ña̱ nda̱a̱ jáchi̱ cája mé á cua̱há ndiva̱ha ña̱ náhnu xi̱hín ña̱ xítúhún ndiva̱ha. Ta na̱chindahá Ndióxi̱ ínima̱ yi̱i̱ mé á nu̱ú na̱ cúú cuéntá Jesús ña̱ ná caja na ña̱ xítúhún tá quia̱hva na̱sacu ini mé á caja na.