San Juan 8:15 - Mixtec Silacayoapan

¹⁵ Mé ndó cátóó ndó cánde̱hé ndaa ndó ña̱yivi tá quia̱hva cája ña̱yivi ñuyíví. Joo ye̱he̱ co̱ cája toho i̱ já.

San Juan 8:15 ပူးပေါင်းရင်းမြစ်များ

San Lucas 12:14

A̱nda̱ já na̱nducú ñehe Jesús tu̱hun nu̱ dá já na̱cachi a já xi̱hi̱n dá: —A̱ ju̱ú juéxe̱ cúú ye̱he̱ já coo i̱ cahnda java i̱ ña̱ha ndó, va̱ha.

San Juan 12:47

Joo na̱ xíni̱ jo̱ho nu̱ cáha̱n i̱ ta co̱ cája na ña̱, a̱ ju̱ú toho ye̱he̱ chíca̱a̱n cua̱chi ja̱ta̱ ná. Joo tu̱hun cáha̱n i̱ quéa̱ chíca̱a̱n cua̱chi ja̱ta̱ ná. Jáchi̱ co̱ó va̱xi i̱ ñuyíví yóho chica̱a̱n i̱ cua̱chi ja̱tá ña̱yivi. Na̱quixi i̱ já ná cuu ca̱cu ndaa ínima̱ ná.

San Juan 18:36

Já na̱nducú ñehe Jesús tu̱hun nu̱ dá já na̱cachi a já xi̱hi̱n dá: —Co̱ cómí i̱ cuéntá sa̱há ña̱yivi tátu̱hun cája ña̱yivi cuéntá ñuyíví. Jáchi̱ tá ná cacomí i̱ cuéntá sa̱ha̱ ná tátu̱hun na̱ ñuyíví já quéa̱ cuu caja i̱ xi̱hín na̱ cómí i̱ cuéntá sa̱ha̱ ña̱ ná cani táhan na xi̱hín na̱ Israel ña̱ ná a̱ tíin na ye̱he̱. Joo co̱ cómí toho i̱ cuéntá sa̱ha̱ ná tátu̱hun cája ña̱yivi cuéntá ñuyíví —na̱cachi a.

San Juan 3:17

Co̱ó na̱chindahá Ndióxi̱ ja̱hyi a ña̱ ná quixi da jándihi da sa̱há na̱ ndúu ñuyíví yóho. Na̱chindahá a̱ ja̱hyi a jáchi̱ cúni̱ a̱ jáca̱cu a ña̱yivi.

San Juan 7:24

Mé ndó ndaja na̱cuu cáha̱n núu ndó sa̱há ña̱yivi ta co̱ ndítahan toho caja ndó já. Jáchi̱ ndítahan nu̱ ndó canda̱a̱ ini ndó ña̱ cúú ña̱ nda̱a̱ —na̱cachi Jesús xi̱hín na̱ cán.

San Juan 8:11

A̱nda̱ já na̱cachi ñá cán já xi̱hín Jesús: —Mé a̱ nda̱a̱ co̱ó ga̱ na̱. A̱nda̱ já na̱cachi Jesús já: —Ta ni ye̱he̱ a̱ chíca̱a̱n i̱ cua̱chi ja̱tu̱n. Cuánúhu̱ vehún ta a̱ cája ga̱ún cua̱chi —na̱cachi a.

Romanos 2:1

Mé a̱ nda̱a̱ cómí ndó cua̱chi nu̱ Ndióxi̱. Sánde̱hé ndaa ndó inga ña̱yivi sa̱há cua̱chi cája na joo chíca̱a̱n ndó cua̱chi ja̱ta̱ mé va ndó jáchi̱ cája ndó mé cua̱chi cán.

1 Corintios 2:15

Joo na̱ ñúhu ínima̱ yi̱i̱ Ndióxi̱ ini, na̱ cán cúú na̱ cánda̱a̱ ini ndá ña̱ha cúú ña̱ va̱ha ta ndá ña̱ha co̱ cúú toho ña̱ va̱ha. Ta xi̱hín ña̱ yóho cátóntó ña̱yivi ñuyíví jáchi̱ co̱ cánda̱a̱ ini na ña̱ cúú cuéntá Ndióxi̱.

2 Corintios 5:16

Sa̱há ña̱ cán quéa̱ co̱ sánde̱hé ndaa ga̱ nde̱ ña̱yivi tá quia̱hva cája ña̱yivi ñuyíví. Va̱tí na̱ca̱ha̱n núu nde̱ sa̱ha̱ Jesucristo sa̱nahá joo co̱ cája ga̱ nde̱ já viti.

Santiago 2:4

Tá cája ndó ña̱ yóho já quéa̱ cája i̱chi̱ ini ndó xi̱hín da̱ nda̱hví ta cája cáhnu ndó da̱ cui̱cá sa̱há jiu̱hún da̱. Ta cáhvi núu ini ndó jáchi̱ cáhán ndo̱ ña̱ íin chága̱ sa̱há da̱ cui̱cá a̱ ju̱ú ga̱ da̱ nda̱hví.