San Juan 6:43 - Mixtec Silacayoapan

⁴³ A̱nda̱ já na̱cachi Jesús já xi̱hi̱n ná: —A̱ cáha̱n núu ga̱ ndó sa̱há i̱.

San Juan 6:43 ပူးပေါင်းရင်းမြစ်များ

San Mateo 16:8

Ta tá na̱canda̱a̱ ini Jesús ña̱ cáha̱n na̱ já na̱cachi a já xi̱hi̱n ná: —Ndá cuéntá quéa̱ co̱ cándeé cáhnu ini ndó ye̱he̱ ta cáha̱n ndo̱ ña̱ cáchí i̱ ña̱ yóho xi̱hi̱n ndo̱ sa̱há ña̱ co̱ ñéhe ndó pan va̱xi ndó.

San Marcos 9:33

Ta ndaja coo na̱xi̱nu̱ na̱ ñuu Capernaum ta tá sa̱ ndúu na vehe já na̱casáhá ndáca̱ tu̱hún Jesús na̱ xíca tuun xi̱hi̱n á já cáchí a̱ já xi̱hi̱n ná: —Ndía̱ ndítúhún ndó sa̱ha̱ tá va̱xi ndó íchi̱ —na̱cachi a.

San Juan 16:19

Joo na̱canda̱a̱ ini Jesús ña̱ cúni̱ na̱ nda̱ca̱ tu̱hún na̱ mé á sa̱há ña̱ cán quéa̱ na̱cachi a já xi̱hi̱n ná: —Na̱cachi i̱ xi̱hi̱n ndó ña̱ ja̱ chá cuití ta a̱ cúní ga̱ ndó ye̱he̱ ta tá na̱ndihi já cuni tucu ndó ye̱he̱. Ta viti cúni̱ ndo̱ nda̱ca̱ tu̱hún ndó ye̱he̱ ndía̱ cúni̱ cachi ña̱ yóho.

San Juan 6:42

Ta já na̱cachi xi̱hi̱n táhan na̱ cán já: —Á a̱ ju̱ú ja̱hyi José va cúú Jesús yóho. Ta xíni̱ va̱ha va mí yo cúú náná da̱ xi̱hi̱n tátá da̱. Ta ndá cuéntá quéa̱ cáchí ri da ña̱ na̱quixi da chí indiví, dá já —na̱cachi xi̱hi̱n táhan na̱ cán.

San Juan 6:44

Jáchi̱ jáca̱ha̱n Ndióxi̱, tátá i̱, ña̱yivi ña̱ ná candúsa na ye̱he̱. Ta ni in túhún toho ña̱yivi a̱ cu̱ú candúsa na ye̱he̱ tá ta̱ co̱ jáca̱ha̱n Ndióxi̱ ínima̱ ná, mé á na̱chindahá ye̱he̱. Ta na̱ cán cúú na̱ jánditacu u̱ qui̱ví nu̱ ndíhí.

San Juan 6:64

Joo ndúu java ndó cáma̱ní yi̱í candúsa ndó ña̱ cáha̱n i̱ xi̱hi̱n ndo̱ —na̱cachi a. Na̱cachi Jesús ña̱ yóho jáchi̱ sa̱ xíni̱ mé á a̱nda̱ sa̱ha̱ ndá na̱ cúú na̱ co̱ cándúsa ñahá. Ta sa̱ xíni̱ Jesús ndá da̱ cúú da̱ ji̱có túhún ñahá.

Hebreos 4:13

Jáchi̱ xíni̱ Ndióxi̱ tócó ndihi ña̱ha ta a̱ cu̱ú chije̱hé yo̱ ña̱ cáhvi iní jáchi̱ sánde̱hé mé á tócó ndihi ña̱ha na̱cava̱ha mé á. Ta va̱xi qui̱vi̱ na̱hma̱ yó nu̱ mé á tócó ndihi ña̱ na̱caja í.