San Juan 4:32 - Mixtec Silacayoapan

³² A̱nda̱ já na̱cachi Jesús já xi̱hín na̱ xíca tuun xi̱hi̱n á cán: —Sa̱ íin va ña̱ha cuxu u̱. Ta ndóhó, co̱ xíni̱ toho ndó ndá a̱ que̱á —na̱cachi Jesús xi̱hi̱n ná.

San Juan 4:32 ပူးပေါင်းရင်းမြစ်များ

San Juan 4:31

Joo tá cáma̱ni̱ xi̱nu̱ co̱o na nu̱ íin Jesús já na̱jáca̱ha̱n na̱ xíca xi̱hi̱n á mé á ña̱ ná cuxu a va̱tí loho.

San Juan 4:33

Tá na̱ndihi já na̱casáhá na̱ cán ndáca̱ tu̱hún táhan na já cáchí na̱ já: —Ndá na̱ sa̱ na̱quixi ñehe va ña̱ha cuxu a —cáchí xi̱hi̱n táhan na.

San Juan 4:34

Sa̱há ña̱ cán quéa̱ na̱cachi Jesús já xi̱hi̱n ná: —Tá quia̱hva ndíva̱ha ini ña̱yivi tá xíxi na quia̱hva já ndíva̱ha ini i̱ tá cája i̱ chuun ña̱ na̱chindahá Ndióxi̱ ye̱he̱ caja i̱ ñuyíví yóho. Ta xíní ñúhú caja i̱ ña̱ ja̱nda̱ quia̱hva ná jáxi̱nu̱ co̱o i̱ ña̱.

Hechos 20:35

Ta níí tiempo na̱jána̱ha̱ i̱ nu̱ ndo̱ ña̱ quia̱hva já ndítahan nu̱ ndó caja chúun ndó já ná coo ña̱ha catacu ndó ta já ná cuu chindeé ndó na̱ ndíma̱ní ña̱ha nu̱u̱. Ndítahan ndicu̱hu̱n ini ndó tu̱hun na̱cachi Jesucristo tá na̱cachi a: “Cáji̱i̱ chága̱ ini na̱ jásá ña̱ha a̱ ju̱ú ga̱ na̱ ñéhe̱ á”, na̱cachi Pablo xi̱hín na̱ sa̱cua̱ha̱ veñu̱hu ñuu Efeso cán.

Apocalipsis 2:17

Cuni jo̱ho va̱ha ndó, na̱ va̱ha jo̱ho ña̱ cáha̱n ínima̱ yi̱i̱ Ndióxi̱ xi̱hín na̱ cúú cuéntá mí i̱, na̱ tácá veñu̱hu: Ndá na̱ ná quee va̱ha nu̱ú ña̱ núu já quéa̱ quia̱hva i̱ ña̱ma̱ni̱ nu̱ ná cuxu na pan yi̱i̱, ña̱ cúú tátu̱hun maná, ña̱ na̱quixi indiví. Ta ña̱ yóho cúú á ña̱ na̱sahi̱in je̱hé nu̱ú ña̱yivi. Ta já quia̱hva ri̱ in yu̱ú yaa nu̱ú in in ña̱yivi nu̱ ndáa̱ qui̱ví sa̱á na̱. In túhún na̱ ná ndiquehe yu̱ú yaa cán cúú na̱ xíni̱ yo qui̱vi̱ quéa̱ ndáa̱ nu̱ á.”