San Juan 4:26 - Mixtec Silacayoapan

²⁶ A̱nda̱ já na̱cachi Jesús já xi̱hi̱n ñá: —Da̱ cán cúú ye̱he̱, da̱ cáha̱n xu̱hu̱n viti —na̱cachi Jesús xi̱hi̱n ñá.

San Juan 4:26 ပူးပေါင်းရင်းမြစ်များ

San Mateo 16:20

A̱nda̱ já na̱sahnda Jesús chuun nu̱ú na̱ xíca tuun xi̱hi̱n á cán ña̱ ná a̱ cáxi tu̱hun na xi̱hín ni in túhún ña̱yivi ña̱ cúú mé á Cristo, mé á na̱chindahá Ndióxi̱ cacomí cuéntá sa̱há ña̱yivi.

San Mateo 20:15

Jáchi̱ núná nu̱ú i̱ caja i̱ ña̱ cúni̱ mí i̱ xi̱hín jiu̱hún i̱. Ta co̱ ndítahan cahi̱hvi̱ inún sa̱há ña̱ va̱ha ini i̱”, na̱cachi da̱ xi̱hín ña̱ha ñúhu̱ cán xi̱hín da̱ cáha̱n cua̱chí cán —na̱cachi Jesús sácú a̱ quia̱hva.

San Lucas 13:30

Ta mé qui̱vi̱ cán já cuni ndó java ña̱yivi, na̱ co̱ó sa̱ha̱ mé nu̱ú ña̱yivi ta nduu na na̱ íin chága̱ sa̱ha̱ nu̱ Ndióxi̱. Ta cán cuni ndó java na̱ ndíñehe jícó mé viti ta a̱ cóo toho sa̱ha̱ ná nu̱ Ndióxi̱ —na̱cachi Jesús.

San Juan 13:19

Sa̱ cáxi tu̱hun cuéé e̱ ña̱ yóho xi̱hi̱n ndo̱ já quéa̱ tá sa̱ na̱xi̱nu̱ ña̱ yóho já candeé ini ndó ye̱he̱, ña̱ cúú u̱ da̱ cáchí i̱ cúú u̱.

San Juan 8:24

Sa̱há ña̱ cán quéa̱ na̱cachi i̱ xi̱hi̱n ndó ña̱ caja ndó cua̱chi ja̱nda̱ quia̱hva xi̱nu̱ qui̱ví quivi ndó. Jáchi̱ tá co̱ cándúsa ndó ña̱ cúú ye̱he̱ da̱ cáchí i̱ cúú u̱, da̱ na̱chindahá Ndióxi̱, já quéa̱ quivi ndó sa̱há cua̱chi ndó —na̱cachi Jesús.

San Juan 8:28

Sa̱há ña̱ cán quéa̱ na̱cachi tucu a já xi̱hi̱n ná: —Tá na̱ndihi ná cata caa ndó ye̱he̱, da̱ na̱chindahá Ndióxi̱ nduu ña̱yivi ndi̱ca crúxu̱ já quéa̱ canda̱a̱ ndusa ini ndó ña̱ ye̱he̱ cúú u̱ da̱ cáchí i̱ cúú u̱. Ta ni in túhún ña̱ha co̱ cája i̱ cuéntá mí i̱. Ta ña̱ jána̱ha̱ i̱ nu̱ ndo̱ cúú ña̱ na̱jána̱ha̱ Ndióxi̱, tátá i̱ nu̱ú i̱.