San Juan 4:15 - Mixtec Silacayoapan

¹⁵ A̱nda̱ já na̱cachi ñá cán já xi̱hín Jesús: —Quia̱hva mé ndó ticui̱í, dó co̱ ndíhi sa̱ha̱ ja̱n nu̱ú i̱ ña̱ ná a̱ íchi̱ ga̱ ini i̱ ticui̱í já ná a̱ quíxi ga̱ i̱ yóho tavá i̱ dó coho i̱ —na̱cachi ñá xi̱hi̱n á.

San Juan 4:15 ပူးပေါင်းရင်းမြစ်များ

San Juan 4:16

A̱nda̱ já na̱cachi Jesús já xi̱hi̱n ña̱: —Cuáhán cana yíu̱n ná quixi da yóho xu̱hu̱n.

San Juan 6:26

A̱nda̱ já na̱cachi Jesús já xi̱hi̱n ná: —Mé a̱ nda̱a̱ ná ca̱ha̱n i̱ xi̱hi̱n ndo̱. Xíca ndó ndínducú ndó ye̱he̱ joo co̱ cúú á sa̱há ña̱ na̱canda̱a̱ ini ndó yo cúú ye̱he̱. Sa̱há ña̱ náhnu na̱caja i̱ tá na̱sa̱ha̱n i̱ ña̱ na̱xixi ndó ja̱nda̱ na̱chutú ti̱xi ndó sa̱há ña̱ cán quéa̱ ndínducú ndó ye̱he̱.

San Juan 6:34

A̱nda̱ já na̱cachi na̱ cán já xi̱hi̱n á: —Nini qui̱vi̱ quia̱hva ndó táhan pan ja̱n nu̱ú nde̱, xitoho.

San Juan 6:35

Já na̱cachi Jesús já xi̱hi̱n ná: —Ye̱he̱ cúú u̱ tátu̱hun mé pan ja̱n. Tá ná ndiquehe ña̱yivi ye̱he̱ já ndiva̱ha ini na ta cúú á tátu̱hun a̱ cuíco ga̱ na̱. Ta ndá na̱ cándúsa na mí i̱ já cúú á tátu̱hun a̱ íchi̱ ga̱ ini na ticui̱í.

Romanos 6:23

Jáchi̱ tá cája í cua̱chi cúú á tátu̱hun ndíyícá yo̱ nu̱ Ndióxi̱ sa̱há ña̱ na̱caja í ta ini indayá cha̱hví sa̱há. Joo ña̱ma̱ni̱ cája Ndióxi̱ xo̱ho̱ sa̱há ña̱ na̱xi̱hi̱ Jesucristo, xitoho í cúú á ña̱ co̱hó catacú indiví xi̱hi̱n mé á a̱nda̱ ama cáa qui̱vi̱.

Romanos 8:5

Ña̱yivi, na̱ cája ña̱ xíca̱ ini yiquí cu̱ñu, na̱ cán cúú na̱ ndícani cua̱há ini sa̱há yiquí cu̱ñu. Joo na̱ cája ña̱ cúni̱ ínima̱ yi̱i̱ Ndióxi̱ na̱ cán cúú ná ndúcú jácavatá na̱ Ndióxi̱.

1 Corintios 2:14

Tócó ndihi ña̱ yóho cúú á ña̱ tóntó ndiva̱ha nu̱ú ña̱yivi, na̱ co̱ ñúhu ínima̱ yi̱i̱ Ndióxi̱ ini. Co̱ ndíquehe va̱ha na ña̱ ta ni a̱ cu̱ú canda̱a̱ ini na ndaja íin a jáchi̱ na̱ ñúhu ínima̱ yi̱i̱ Ndióxi̱ ini, na̱ cán cúú ndusa na̱ cánda̱a̱ ini ña̱ha Ndióxi̱.

Santiago 4:3

Tá xíca̱ ndo̱ ña̱ha nu̱ Ndióxi̱ ta co̱ sáhan mé á ña̱ha nu̱ ndo̱ já quéa̱ cánda̱a̱ va̱ha ini ndó ña̱ co̱ íin va̱ha ínima̱ ndó nu̱ Ndióxi̱ jáchi̱ na̱sacu ini ndó caja ndó ña̱ cúni̱ mé cuití ndo̱.

1 Juan 5:20

Ta cánda̱a̱ cáxí iní ña̱ na̱quixi Jesucristo, mé á cúú ja̱hyi Ndióxi̱ ta na̱jándiye̱he̱ a̱ xíní túni̱ yo̱ já quéa̱ ná canda̱a̱ iní ña̱ cúú mé á ña̱ nda̱a̱. Ta viti in na̱nduú xi̱hi̱n mé á jáchi̱ in na̱nduú xi̱hín Jesucristo, mé a̱ cúú in túhún ji̱ni̱ já ja̱hyi Ndióxi̱. Mé a̱ yóho cúú ndusa Ndióxi̱ ta cúú á ña̱ cája ña̱ ná catacú a̱nda̱ ama cáa qui̱vi̱.