San Juan 19:28 - Mixtec Silacayoapan

²⁸ Tá sa̱ na̱ya̱ha tócó ndihi ña̱ yóho já sa̱ xíni̱ va̱ha Jesús ña̱ sa̱ na̱xi̱nu̱ co̱o tócó ndihi ña̱ na̱cachi tu̱hun Ndióxi̱ coo. Ta na̱xi̱nu̱ co̱o nu̱ú ña̱ na̱ca̱hyi̱ nu̱ú tu̱hun Ndióxi̱ sa̱há Jesús sa̱nahá tá na̱cachi a já: —Íchi̱ ini i̱ ticui̱í.

San Juan 19:28 ပူးပေါင်းရင်းမြစ်များ

San Lucas 12:50

Va̱xi qui̱ví ndoho ndiva̱ha ini i̱ ta a̱ ju̱ú quia̱hva ndíhi ini i̱ ndáti xi̱nu̱ co̱o mé qui̱ví ja̱n.

San Lucas 18:31

Tá na̱ndihi já na̱tavá xóo Jesús ndíhu̱xu̱ i̱vi̱ na̱ xíca tuun xi̱hi̱n á cán. Já na̱cachi a já xi̱hi̱n ná: —Viti co̱hó chí ñuu Jerusalén nu̱ú xi̱nu̱ co̱o tócó ndihi ña̱ na̱ca̱hyí na̱ profeta sa̱há ye̱he̱, da̱ na̱chindahá Ndióxi̱ nduu ña̱yivi.

San Lucas 22:37

Jáchi̱ sa̱nahá na̱ca̱hyi̱ a̱ nu̱ libro yi̱i̱ Ndióxi̱ ta sa̱há ye̱he̱ na̱ca̱ha̱n tá na̱cachi a já: “Na̱cachi ña̱yivi cúú dá ta̱a quini sa̱há ña̱ cán quéa̱ na̱chitáhan na da̱ xi̱hín ña̱yivi quini.” Tócó ndihi ña̱ na̱ca̱hyi̱ nu̱ú tu̱hun Ndióxi̱ sa̱há ye̱he̱ sa̱nahá xíní ñúhú xi̱nu̱ co̱o a viti —na̱cachi Jesús.

San Lucas 9:31

A̱ ju̱ú quia̱hva ndató ndíye̱he̱ ndaa nu̱ ndúu na cáha̱n na̱ xi̱hi̱n Jesús ta ndítúhún na̱ sa̱há ña̱ jándoho na ini a ñuu Jerusalén ta já quivi a.

San Juan 13:1

Tácáma̱ni̱ in qui̱vi̱ coo vicó pascua já sa̱ xíni̱ Jesús ña̱ sa̱ na̱xi̱nu̱ co̱o qui̱ví quivi a jándacoo a ñuyíví yóho já ndaa mé á ndique táhan xi̱hi̱n Ndióxi̱, tátá a̱. Níí tiempo na̱qui̱hvi̱ ini Jesús tócó ndihi na̱ cúú cuéntá mé á ndúu ñuyíví yóho ta co̱ó na̱jándacoo mé á ña̱ quíhvi̱ ini a na̱.

San Juan 17:4

ʼSa̱ na̱caja cáhnu i̱ ndo̱hó nani íin i̱ ñuyíví yóho ta sa̱ na̱jáxi̱nu̱ co̱o ndihi i̱ ña̱ na̱sahnda ndó nu̱ú i̱ caja i̱.

San Juan 18:4

Joo sa̱ xíni̱ va̱ha Jesús ndía̱ ndítahan ndoho a sa̱há ña̱ cán quéa̱ na̱queta nu̱ ná já na̱nda̱ca̱ tu̱hún a̱ na̱ já na̱cachi a já xi̱hi̱n ná: —Yo ndínducú ndo̱ já —na̱cachi a.

San Juan 19:24

ta já na̱cachi xi̱hi̱n táhan da̱ já: —Ná a̱ jácuachí toho í jáhma̱ ja̱n já ná coo níí yi̱i̱ va. Ña̱ cuu caja í quéa̱ cajíquí yo̱ sa̱há ta ndá da̱ ná quee va̱ha, da̱ cán ndiquehe jáhma̱ ja̱n —na̱cachi xi̱hi̱n táhan da̱ cán. Na̱caja da ña̱ yóho já ná xi̱nu̱ co̱o nu̱ú tu̱hun Ndióxi̱ na̱ca̱hyi̱ sa̱nahá tá na̱cachi a já: “Na̱ndicahnda nu̱ táhan mé ná jahmá i̱ ta já na̱sajíquí na̱ sa̱há cotó ndéé e̱ ta da̱ na̱quee va̱ha cán na̱ndiquehe da ña̱.” Quia̱hva já na̱ca̱hyi̱ tu̱hun Ndióxi̱ sa̱nahá. Ta quia̱hva já na̱caja soldado cán xi̱hi̱n jáhma̱ á.

San Juan 19:30

A̱nda̱ já na̱xihi Jesús mé vino iyá cán já na̱cachi a já: —Sa̱ na̱ya̱ha tócó ndihi ña̱ha ña̱ ndítahan ndoho i̱ —na̱cachi a. Já na̱ndito̱o ji̱co̱ á. Na̱xi̱hi̱ a̱.

San Juan 19:36

Jáchi̱ tócó ndihi ña̱ yóho na̱ya̱ha já ná xi̱nu̱ co̱o nu̱ú tu̱hun Ndióxi̱ tá cáchí a̱ já: “Ni in túhún toho lásá da̱, a̱ cáhnu̱ na̱”, já cáchí tu̱hun Ndióxi̱.

San Juan 4:34

Sa̱há ña̱ cán quéa̱ na̱cachi Jesús já xi̱hi̱n ná: —Tá quia̱hva ndíva̱ha ini ña̱yivi tá xíxi na quia̱hva já ndíva̱ha ini i̱ tá cája i̱ chuun ña̱ na̱chindahá Ndióxi̱ ye̱he̱ caja i̱ ñuyíví yóho. Ta xíní ñúhú caja i̱ ña̱ ja̱nda̱ quia̱hva ná jáxi̱nu̱ co̱o i̱ ña̱.

Hechos 13:29

Ta tá sa̱ na̱xi̱nu̱ co̱o tócó ndihi ña̱ cáchí tu̱hun Ndióxi̱ sa̱ha̱ mé á coo a̱nda̱ já na̱jánuu na a̱ ndi̱ca crúxu̱ já na̱jándu̱xu̱ na̱ ña̱.