San Juan 18:40 - Mixtec Silacayoapan

⁴⁰ Ta já na̱casáhá tócó ndihi na̱ cán cáyuhú cóhó na̱ já cáchí na̱ já: —A̱ jání toho ndó Jesús ja̱n. Va̱ha chága̱ ná janí ndó Barrabás ja̱n —cáchí na̱ cáyuhú na̱ nu̱ Pilato. Ta Barrabás cán na̱sa̱cuu da in ta̱a cui̱hná.

San Juan 18:40 ပူးပေါင်းရင်းမြစ်များ

San Mateo 26:55

Ta já na̱cachi Jesús já xi̱hín na̱ na̱xi̱nu̱ tiin ñahá cán: —Cája ndó xi̱hín i̱ tátu̱hun cája na xi̱hín ta̱a cui̱hná jáchi̱ na̱queta ndó va̱xi ndó tiin ndó ye̱he̱ xi̱hín machítí ta xi̱hi̱n yíto̱ viti. Ta ndijáá níí qui̱vi̱ na̱sahi̱in i̱ xi̱hi̱n ndo̱ ini veñu̱hu cáhnu jána̱ha̱ i̱ tu̱hun Ndióxi̱ nu̱ ndo̱ ta ni in tañu co̱ó na̱tiin ndó ye̱he̱.

San Mateo 27:16

Mé tañu já na̱sandaca̱a̱n in da̱ naní Barrabás veca̱a. Níí cúú na̱xi̱ta nuu tu̱hun sa̱há da̱ yóho.

San Mateo 27:26

A̱nda̱ já na̱janí Pilato Barrabás. Ta tá na̱ndihi na̱jácaxáhan na Jesús já na̱ndiquia̱hva da a̱ ndáha̱ ná ña̱ ná cata caa na a̱ ndi̱ca crúxu̱.

San Marcos 15:15

Ta sa̱há ña̱ cúni̱ Pilato cando̱o va̱ha da nu̱ú ña̱yivi na̱janí da̱ Barrabás. Ta tá na̱ndihi na̱jácaxáhan na Jesús já na̱ndiquia̱hva da a̱ ndáha̱ na̱ cu̱hu̱n cata caa ñahá na̱ ndi̱ca crúxu̱.

San Marcos 15:7

Ta ndaja coo mé já ndáca̱a̱n in da̱ naní Barrabás veca̱a xi̱hín java ga̱ da̱ na̱xi̱ca xi̱hi̱n dá. Ndáca̱a̱n da̱ veca̱a sa̱há ña̱ na̱sahní da̱ ndi̱i tá na̱ndiva̱a̱ ña̱yivi.

San Lucas 23:25

Ta na̱janí da̱ Barrabás jáchi̱ da̱ cán na̱ca̱ha̱n mé ná sa̱ha̱ ña̱ ná ja̱ni̱ dá. Ta mé Barrabás yóho na̱sa̱ndaca̱a̱n da̱ veca̱a sa̱há ña̱ na̱jándiva̱a̱ da̱ ña̱yivi ta sa̱há ña̱ na̱sahní da̱ ndi̱i. A̱nda̱ já na̱ndiquia̱hva da Jesús nu̱ ná ña̱ ná caja na tá cúni̱ mé ná xi̱hi̱n á.