San Juan 18:30 - Mixtec Silacayoapan

³⁰ Já na̱nducú ñehe na̱ Israel cán tu̱hun nu̱ dá já na̱cachi na já: —Ta tá a̱ ju̱ú ta̱a quini ná cacuu da̱ yóho ta a̱ cáñehe toho nde̱ da̱ quixi da nu̱ ndó, nduu —na̱cachi na.

San Juan 18:30 ပူးပေါင်းရင်းမြစ်များ

San Marcos 10:33

Já na̱cachi a já: —Cande̱hé ndo̱. Yóho ndáa í cua̱ha̱n yo̱ chí Jerusalén nu̱ú ndiquia̱hva na ye̱he̱, da̱ na̱chindahá Ndióxi̱ nduu ña̱yivi ndahá na̱ sa̱cua̱ha̱ nu̱ú ju̱tu̱ xi̱hín nu̱ú na̱ jána̱ha̱ ley Moisés. Na̱ yóho cúú na̱ cacu ini sa̱há ndaja quivi i̱. A̱nda̱ já ndiquia̱hva na ye̱he̱ ndahá na̱ tóho̱.

San Marcos 15:3

Ta na̱jácojo na̱ sa̱cua̱ha̱ nu̱ú ju̱tu̱ cán cua̱há cua̱chi ja̱ta̱ Jesús.

San Lucas 24:7

Mé á cúú á da̱ na̱chindahá Ndióxi̱ nduu ña̱yivi ta sa̱ na̱cachi a xi̱hi̱n ndo̱ ña̱ ndiquia̱hva na mé á ndahá ña̱yivi quini. Ta na̱cachi a xi̱hi̱n ndó ña̱ cata caa na a̱ ndi̱ca crúxu̱ ta tá ná xi̱nu̱ u̱ni̱ qui̱ví já nditacu tucu a —na̱cachi da̱ta̱a cán.

San Juan 18:29

Sa̱há ña̱ cán quéa̱ na̱queta Pilato, da̱ cúú gobernador ja̱ta̱ véhe ca̱ha̱n da̱ xi̱hín na̱ Israel já na̱cachi da já: —Ndá cua̱chi na̱caja da̱ yóho —na̱cachi Pilato.

San Juan 18:31

Já na̱cachi Pilato já xi̱hi̱n ná: —Mé ndó cañehe ndó da̱ cu̱hu̱n ndo̱. Caja vií ndó sa̱ha̱ dá tá quia̱hva sáhndá ley mé ndó —na̱cachi Pilato. Já na̱cachi na̱ Israel cán já xi̱hi̱n dá: —Ña̱ cúni̱ nde̱ quéa̱ ná cata caa ndó da̱ ndi̱ca crúxu̱ jáchi̱ cúú nde̱ na̱ Israel ta co̱ ñéhe toho nde̱ ña̱ma̱ni̱ cahní nde̱ ña̱yivi —na̱cachi na.

San Juan 19:12

A̱nda̱ já na̱nducú Pilato ndá quia̱hva caja da janí da̱ Jesús ña̱ ná quee a cu̱hu̱n a̱. Joo co̱ó na̱xeen na̱ Israel ta na̱casáhá na̱ cáyuhú cóhó na̱ nu̱ dá já cáchí na̱ já: —Tá ná janí ndó Jesús ja̱n já quéa̱ náha̱ ña̱ co̱ cúú ndó da̱ ñéhe táhan va̱ha xi̱hín da̱ cómí cuéntá sa̱há ña̱yivi ñuu Roma. Jáchi̱ Jesús ja̱n cáchí da̱ ña̱ cúú dá da̱ cómí cuéntá sa̱há ña̱yivi ta xi̱hín ña̱ yóho jándihi̱hvi̱ da̱ emperador, da̱ cómí cuéntá sa̱há ña̱yivi ñuu Roma —na̱cachi na.

Hechos 3:13

Joo co̱ íin toho a tá quia̱hva cáhán ndo̱. Jáchi̱ mé Ndióxi̱, ña̱ na̱caja cáhnu Abraham xi̱hi̱n Isaac xi̱hi̱n Jacob, tásáhnu jícó yo̱ na̱ndaja va̱ha mé á da̱ yóho. Ta mé Ndióxi̱ cán na̱caja ña̱ ná nduu cáhnu ndiva̱ha Jesucristo, ja̱hyi mé á. Joo mé ndó na̱ndiquia̱hva ndó a̱ ndahá na̱ jutixia. Ta tá cúni̱ Pilato janí da̱ Jesús já na̱saji nuu ndó nu̱ dá caja da ña̱.

2 Timoteo 2:9

Ta ndóho ndiva̱ha ini i̱ sa̱há tu̱hun cáha̱n i̱ nu̱ú ña̱yivi. Na̱cató na̱ ye̱he̱ xi̱hín cadena ta na̱chica̱a̱n na̱ ye̱he̱ veca̱a tá quia̱hva cája na xi̱hín in da̱ quini. Joo a̱ cu̱ú caja na ña̱ yóho xi̱hín tu̱hun Ndióxi̱ jáchi̱ cua̱ha̱ chága̱ ña̱yivi cáha̱n na̱ sa̱há Jesús viti.

1 Pedro 4:15

Tá na̱casáhá cája xíxi na xi̱hi̱n ndó co̱ ndítahan cacuu a sa̱há ña̱ cúú ndó ta̱a sáhní ndi̱i. Ta ni co̱ ndítahan cacuu a sa̱há ña̱ cája cuíhná ndo̱. Ta ni co̱ ndítahan cacuu a sa̱há ña̱ a̱ váha toho na̱caja ndó. Ta ni co̱ ndítahan cacuu a sa̱há ña̱ na̱qui̱hvi nuu ndó nu̱ú co̱ ndítahan nu̱ ndo̱.