San Juan 18:26 - Mixtec Silacayoapan

²⁶ Joo tá na̱ndihi já na̱nda̱ca̱ tu̱hún in da̱ cúú mozo nu̱ú da̱ sa̱cua̱ha̱ chága̱ nu̱ ndíhi ju̱tu̱ cán, da̱ cúú in táhan da̱ na̱chitúhu̱n Pedro jo̱ho. Ta na̱cachi da já xi̱hi̱n Pedro: —Cája i̱ cuéntá na̱xini i̱ yo̱hó nu̱ cáa cua̱ha̱ yitó cui̱hi nu̱ú na̱tiin na Jesús cán —na̱cachi da.

San Juan 18:26 ပူးပေါင်းရင်းမြစ်များ

San Mateo 26:73

Chá va na̱ya̱ha ña̱ yóho ta na̱cayati java na̱ ndúu cán nu̱ Pedro. Já na̱cachi na já xi̱hi̱n dá: —Mé a̱ nda̱a̱ táhyí jivi táhan na̱ xíca tuun xi̱hín Jesús cúú ri yóhó va jáchi̱ cáhu̱n tátu̱hun cáha̱n na̱ cán —na̱cachi na xi̱hi̱n dá.

San Lucas 22:58

Chá va ta na̱xini inga da̱ta̱a Pedro ta já na̱cachi da já xi̱hi̱n dá: —In táhan da̱ xíca tuun xi̱hi̱n Jesús cáa cúú ri yóhó va —na̱cachi da̱ cán xi̱hi̱n Pedro. A̱nda̱ já na̱cachi Pedro já: —U̱hu̱n. A̱ ju̱ú toho táhan na̱ cán cúú ye̱he̱ —na̱cachi da.

San Juan 18:1

Tá na̱ndihi na̱xi̱ca̱ ta̱hví Jesús nu̱ Ndióxi̱ já na̱queta mé á xi̱hín na̱ xíca tuun xi̱hín a̱ cán cua̱ha̱n chí inga xoo yívi̱ naní Cedrón. Ta yati cán cáa cua̱ha̱ yitó cui̱hi nu̱ú na̱qui̱hvi Jesús xi̱hín na̱ xíca tuun xi̱hi̱n á.

San Juan 18:10

Ta ndaja coo na̱sañee in machítí nu̱ tóco̱ Simón Pedro. Já na̱tuhun da ña̱ ta na̱chitúhu̱n dá jo̱ho cuáha in da̱ naní Malco, da̱ cúú mozo nu̱ú da̱ cúú sa̱cua̱ha̱ chága̱ nu̱ ndíhi ju̱tu̱.