San Juan 14:22 - Mixtec Silacayoapan

²² A̱nda̱ já in da̱ naní Judas, da̱ co̱ cúú toho da̱ naní Judas Iscariote, na̱nda̱ca̱ tu̱hún da̱ Jesús já na̱cachi da já xi̱hi̱n á: —Xitoho nde̱, ndá cuéntá quéa̱ cáchí ndó ña̱ na̱ha̱ ndó mé ndó nu̱ú nde̱ joo a̱ náha̱ toho ndó mé ndó nu̱ú ña̱yivi cuéntá ñuyíví —na̱cachi da.

San Juan 14:22 ပူးပေါင်းရင်းမြစ်များ

San Mateo 10:3

Tañu na̱ cán ndáca̱a̱n ri Felipe xi̱hín Bartolomé xi̱hi̱n Tomás xi̱hi̱n Mateo, da̱ na̱játaca jiu̱hún cuéntá impuesto. Ta cán ndáca̱a̱n ri Jacobo, da̱ cúú ja̱hyi Alfeo xi̱hi̱n Lebeo, da̱ cáha̱n ri na Tadeo xi̱hi̱n.

San Marcos 3:18

Na̱ca̱xi a Andrés xi̱hi̱n Felipe xi̱hi̱n Bartolomé xi̱hi̱n Mateo xi̱hi̱n Tomás xi̱hi̱n Jacobo, da̱ cúú ja̱hyi Alfeo xi̱hi̱n Tadeo xi̱hi̱n Simón, da̱ na̱xi̱ca cuéntá na̱ cananista

San Lucas 6:16

Ta na̱ca̱xi ri a Judas, ñani Jacobo xi̱hi̱n Judas Iscariote, mé da̱ na̱ji̱có túhún Jesús tá nu̱ ndíhí.

San Juan 3:4

A̱nda̱ já na̱nda̱ca̱ tu̱hún Nicodemo Jesús já na̱cachi da: —Ndá quia̱hva cuu cacu tucu na tá sa̱ na̱cayatá na̱. Ama ná ndi̱hvi tucu na ti̱xi náná na̱ já cacu tucu na —na̱cachi Nicodemo xi̱hín Jesús.

San Juan 3:9

Tá na̱ndihi já na̱cachi Nicodemo já xi̱hín Jesús: —Co̱ cánda̱a̱ toho ini i̱ ña̱ cáchí ndo̱ xi̱hín i̱ —na̱cachi da.

San Juan 4:11

A̱nda̱ já na̱cachi ñá cán já xi̱hi̱n á: —Cande̱hé ndo̱. Ni yáxi̱ co̱ ñéhe ndó tavá ndó ticui̱í ini chi̱co̱ho̱ yóho ta chi̱co̱ho̱ cúná ndiva̱ha cúú ña̱ yóho. Ndá cuu caja ri ndó quia̱hva ndó ticui̱í cáchí ndo̱ ja̱n nu̱ú i̱.

San Juan 6:52

A̱nda̱ já na̱casáhá na̱ Israel cán ndítúhún cue̱he̱ xi̱hi̱n táhan na já na̱cachi na já: —Cáchí da̱ yóho ña̱ cúú yiquí cu̱ñu da tátu̱hun pan xíxi ña̱yivi. Ndaja cuu caja ri da quia̱hva da ña̱ nu̱ yo̱ cuxú —cáchí xi̱hi̱n táhan na.

San Juan 6:60

Ta cua̱há táhan na̱ xíca xi̱hín Jesús cán tá na̱xini jo̱ho na ña̱ na̱ca̱ha̱n mé á já na̱casáhá cáha̱n núu na sa̱há já cáchí na̱ já: —Yáncá ndiva̱ha candúsa í tu̱hun cáha̱n Jesús yóho. A̱ cúu toho caja í xi̱hi̱n á —na̱cachi na̱ cán.

Hechos 1:13

Tá na̱xi̱nu̱ co̱o na ñuu Jerusalén cán já na̱ndaa na vehe cánúu jícó jáchi̱ mé vehe cán na̱sa̱nduu tóo na. Tócó ndihi na̱ na̱sa̱nduu cán na̱sa̱cuu Pedro xi̱hi̱n Jacobo xi̱hi̱n Juan xi̱hi̱n Andrés xi̱hi̱n Felipe xi̱hi̱n Tomás xi̱hi̱n Bartolomé xi̱hi̱n Mateo xi̱hín Jacobo, da̱ cúú ja̱hyi Alfeo xi̱hi̱n Simón, da̱ na̱xi̱ca cuéntá cananista xi̱hi̱n Judas, da̱ cúú ñani Jacobo.

San Judas 1:1

Ye̱he̱ cúú Judas, da̱ cája chúun cuéntá Jesucristo ta cúú u̱ ñani Jacobo. Cáhyí i̱ carta yóho nu̱ ndóhó jáchi̱ cúú ndó na̱ na̱cana Ndióxi̱, tátá yo̱. Cúú ndó na̱ quíhvi̱ ini mé á ta cúú ndó na̱ ndáá Jesucristo jáchi̱ in na̱nduu ndó xi̱hi̱n mé á.