San Juan 10:40 - Mixtec Silacayoapan

⁴⁰ Ta já na̱quee tucu a cua̱ha̱n chí inga xoo yu̱ta Jordán nu̱ú na̱caja ndúta̱ Juan ña̱yivi nu̱ cuítí cán. Ta na̱cando̱o Jesús na̱sahi̱in a cán.

San Juan 10:40 ပူးပေါင်းရင်းမြစ်များ

San Juan 1:28

Tócó ndihi ña̱ yóho na̱ya̱ha chí ñuu Betábara ña̱ ndáca̱a̱n inga xoo yu̱ta Jordán nu̱ú na̱caja ndúta̱ Juan ña̱yivi.

San Juan 11:54

Sa̱há ña̱ cán quéa̱ co̱ó na̱xi̱ca nuu tívi ga̱ Jesús tañu na̱ Israel cán. Ña̱ na̱caja mé á quéa̱ na̱quee a estado Judea cán já na̱sa̱ha̱n chí in ñuu naní Efraín, ña̱ íin yati xoo yucú íchí nu̱ú co̱ó ña̱yivi. Cán na̱sahi̱in a xi̱hín na̱ xíca tuun xi̱hi̱n á.

San Juan 11:7

Ta tá na̱ndihi já na̱cachi Jesús já xi̱hín na̱ xíca tuun xi̱hi̱n á: —Xíhín ndo̱ ná co̱ho̱ tucú chí Judea —na̱cachi a.

San Juan 3:26

Tá na̱ndihi já ndáva na̱ xíca xi̱hi̱n Juan na̱sa̱ha̱n na̱ cáha̱n na̱ xi̱hi̱n dá já na̱cachi na já: —Maestro, da̱ta̱a, da̱ na̱nditúhún xi̱hi̱n ndó inga xoo yu̱ta Jordán cán, da̱ na̱ca̱ha̱n mé ndó sa̱ha̱ nu̱ú nde̱ cán, viti xíca nuu da jácandúta̱ dá ña̱yivi ta ja̱ndá joho tócó ndihi ña̱yivi ndíco̱ na̱ da̱ viti —na̱cachi na̱ cán xi̱hi̱n Juan.

San Juan 7:1

Tá na̱ya̱ha ña̱ yóho já na̱xi̱ca nuu Jesús tá ñuu tá ñuu estado Galilea cán. Co̱ó na̱xeen ga̱ cu̱hu̱n a̱ chí Judea jáchi̱ cán na̱casáhá na̱ ndúcú na̱ mé á cahní na̱ a̱.