San Juan 10:33 - Mixtec Silacayoapan

³³ A̱nda̱ já na̱cachi na̱ cán já xi̱hi̱n á: —Co̱ ndúcú toho nde̱ cuun nde̱ yu̱u̱ yo̱hó sa̱há ña̱ náhnu cájún. Cuun nde̱ yu̱u̱ yo̱hó cúni̱ nde̱ jáchi̱ ndája núún Ndióxi̱. Jáchi̱ cúún in ta̱a tátu̱hun nde̱he̱ ta ndájún mún cúún Ndióxi̱ —na̱cachi na̱ cán.

San Juan 10:33 ပူးပေါင်းရင်းမြစ်များ

San Juan 10:24

Já na̱ca̱va̱ ti̱yi̱vi̱ na̱ Israel cán mé á já na̱casáhá ndáca̱ tu̱hún na̱ mé á já na̱cachi na já xi̱hi̱n á: —Ndaja cáa chí qui̱ví ca̱xi tu̱hun nda̱u̱n xi̱hín nde̱ ña̱ á jivi ndusa cúún Cristo, da̱ chindahá Ndióxi̱ cacomí cuéntá sa̱há ña̱yivi. Jáchi̱ in i̱vi̱ joho cáhu̱n xíní nde̱ ta co̱ cánda̱a̱ va̱ha ini nde̱ á jivún á a̱ ju̱ú tohún —na̱cachi na̱ cán.

San Juan 10:30

Ye̱he̱ xi̱hi̱n Ndióxi̱, tátá i̱ in cúú va nde̱ —na̱cachi Jesús.

San Juan 10:32

A̱nda̱ já na̱cachi Jesús já xi̱hi̱n ná: —Cua̱há ndiva̱ha ña̱ náhnu na̱caja i̱ nu̱ ndó, ña̱ na̱sa̱ha̱n tátá i̱ ña̱ma̱ní nu̱ú i̱ caja i̱ nu̱ ndo̱ yóho ta viti cachi ndó xi̱hín i̱ ndá quéa̱ co̱ táhan ini ndó xi̱hi̱n. Ndá cuéntá quéa̱ va̱xi ndó cuun ndó yu̱ú ye̱he̱ —na̱cachi Jesús.

San Juan 19:7

A̱nda̱ já na̱cachi na̱ Israel cán já xi̱hín Pilato: —Nu̱ ley mé nde̱ ndítahan quivi da jáchi̱ cáchí da̱ cúú dá in túhún ji̱ni̱ já ja̱hyi Ndióxi̱ —na̱cachi na.

San Juan 5:18

Sa̱há ña̱ cán quéa̱ ví ga̱ ví cúni̱ na̱ Israel cán cahní na̱ Jesús jáchi̱ cáchí na̱ co̱ cája cáhnu a Ndióxi̱ qui̱vi̱ ndíquehe ndée̱ ná tá quia̱hva cáchí ley. Ta cúni̱ na̱ cahní na̱ mé á jáchi̱ cáchí a̱ ña̱ cúú á in túhún ji̱ni̱ já ja̱hyi Ndióxi̱ ta xi̱hín ña̱ yóho ndája mé á tátu̱hun mé Ndióxi̱.

Romanos 13:1

Xíní ñúhú coo jo̱ho ndó nu̱ú ña̱ cáha̱n na̱ jutixia xi̱hi̱n ndo̱. Jáchi̱ sáhan Ndióxi̱ ña̱ma̱ni̱ nu̱ú na̱ cán cahnda na chuun nu̱ú ña̱yivi. Ta mé Ndióxi̱ quéa̱ na̱sacu a na̱.

Filipenses 2:6

Jáchi̱ tá quia̱hva íin Ndióxi̱ quia̱hva já íin Jesucristo. Ta va̱tí cúú á Ndióxi̱ joo co̱ó na̱ndaja cáhnu a mé á va̱tí cuu caja ña̱, nduu.