Hechos 9:3 - Mixtec Silacayoapan

³ Joo nani xíca da cua̱ha̱n da̱ íchi̱ tá sa̱ yati xi̱nu̱ co̱o da ñuu Damasco já in náá cuití na̱ndiyi̱hvi̱ ndaa ñúhu̱ ja̱ta̱ dá. Mé ñúhu̱ yóho na̱quixi a chí indiví.

Hechos 9:3 ပူးပေါင်းရင်းမြစ်များ

Hechos 22:6

ʼJoo nani xíca i̱ íchi̱ cua̱ha̱n i̱ tátu̱hun ca̱xi̱vi̱ cáa tá sa̱ yati xi̱nu̱ co̱o i̱ ñuu Damasco cán já in cuití na̱ndiye̱he̱ ndaa nu̱ íin i̱ ta mé a̱ yóho na̱quixi a indiví.

Hechos 9:17

A̱nda̱ já na̱quee Ananías cua̱ha̱n da̱ vehe nu̱ íin Saulo cán. Tá na̱xi̱nu̱ da̱ cán já na̱chinúu da ndáha̱ dá ji̱ni̱ Saulo já na̱cachi da já xi̱hi̱n dá: —Ñani Saulo. Mé Jesús, xitoho í, mé á na̱xi̱nún nu̱ú na̱quisún íchi̱ cán, mé á cán quéa̱ na̱chindahá ye̱he̱ va̱xi i̱ já ná ndinu̱na̱ nduchú núún já ná cuu cande̱hé tucún. Ta já cúni̱ Ndióxi̱ ña̱ ná ndicutú nda̱a̱ ínimu̱n xi̱hi̱n ínima̱ yi̱i̱ mé á —na̱cachi Ananías xi̱hi̱n Saulo.

Hechos 9:27

Joo na̱ndiquehe Bernabé sa̱ha̱ Saulo. Na̱sa̱ha̱n da̱ na̱jána̱ha̱ da̱ da̱ nu̱ú na̱ apóstol cán já ná ndique táhan na xi̱hi̱n dá. Ta na̱ndicani Bernabé nu̱ ná ndaja na̱sahi̱in tá na̱xini Saulo Jesús íchi̱ nu̱ xíca da cua̱ha̱n da̱ chí ñuu Damasco. Ta na̱ndicani da ña̱ na̱ca̱ha̱n Jesús xi̱hi̱n Saulo. Ta na̱ndicani da ña̱ co̱ó na̱yi̱hví Saulo ca̱ha̱n da̱ sa̱ha̱ Jesús ñuu Damasco.

1 Corintios 15:8

Ta tá nu̱ ndíhí já na̱na̱ha̱ ri Jesús mé á nu̱ú i̱ va̱tí cúú u̱ da̱ na̱cacu tá sa̱ na̱ya̱ha mé tiempo tá na̱xi̱ca nuu Jesús ñuyíví yóho.

1 Corintios 9:1

Mé a̱ nda̱a̱ ye̱he̱ cúú u̱ in apóstol cuéntá Jesucristo sa̱há ña̱ cán quéa̱ núná nu̱ú i̱ caja i̱ ña̱ cája in apóstol. Jáchi̱ mí i̱ sa̱ na̱xini i̱ xi̱hín nu̱ú i̱ Jesucristo, xitoho í. Ta mé ndó na̱ndiquehe ndó íchi̱ cuéntá mé á sa̱há chuun na̱caja i̱ ta ña̱ yóho náha̱ ña̱ mé a̱ nda̱a̱ cája chúun i̱ cuéntá mé á.

1 Timoteo 6:16

Mé á cúú á in túhún ji̱ni̱ Ndióxi̱, ña̱ a̱ cúu quivi. Ta ni in ña̱yivi a̱ cúu cativi yati nu̱ íin mé á jáchi̱ yéhe̱ ndiva̱ha nu̱ íin mé á. Ta ni in ña̱yivi ndúu ñuyíví co̱ó na̱xini na mé á jáchi̱ a̱ cu̱ú cuni ña̱yivi Ndióxi̱. Ndítahan caja cáhnu í mé á a̱nda̱ ama cáa qui̱vi̱ jáchi̱ a̱ ndíhi toho sa̱há ña̱ sáhndá mé á chuun. Já ná coo.

Apocalipsis 21:23

Ta mé ñuu cáhnu cán co̱ xíní ñúhú toho a ca̱ndii ni yo̱o̱ ña̱ ná jándiye̱he̱ ñahá jáchi̱ xi̱hín quia̱hva yéhe̱ Ndióxi̱ cán jándiye̱he̱ a̱ mé ñuu cán. Ta Jesús, mé a̱ cúú tátu̱hun ndicachi loho cán cúú á tátu̱hun lámpara jándiye̱he̱ a̱ ñuu cán.

Apocalipsis 22:5

Ta cán co̱ó toho ñuú coo. Ña̱ cán quéa̱ na̱ canduu cán a̱ cúní ñúhú ga̱ na̱ ñúhu̱ lámpara ta ni a̱ cúní ñúhú ga̱ na̱ ña̱ ná ye̱he̱ ca̱ndii jáchi̱ mé Ndióxi̱, xitoho na jándiye̱he̱ a̱ nu̱ ná. Ta cahnda na chuun tátu̱hun rey a̱nda̱ ama cáa qui̱vi̱.