Hechos 9:18 - Mixtec Silacayoapan

¹⁸ Chí i̱vi̱ la̱á na̱casáhá cúyu ña̱ha tátu̱hun runchu ti̱yacá nduchú núú Saulo chí na̱nu̱na̱ nu̱u̱ dá sánde̱hé tucu da. A̱nda̱ já na̱sa̱ha̱n Saulo na̱candúta̱ dá.

Hechos 9:18 ပူးပေါင်းရင်းမြစ်များ

2 Corintios 3:14

Joo mé na̱ Israel cán co̱ó na̱canda̱a̱ ini na ndá cuéntá quéa̱ na̱chija̱hvi Moisés nu̱u̱ dá. Ta ja̱nda̱ viti ndájí yi̱i̱ xíní túni̱ ná jáchi̱ va̱tí cáhvi na tu̱hun Ndióxi̱ ña̱ na̱ca̱hyi̱ sa̱nahá joo co̱ cánda̱a̱ ini na ña̱ jáchi̱ na̱ja̱hvi xíní túni̱ na̱ ta a̱ cúu nu̱ná. Jesucristo cuití va cuu jándinu̱na̱ xíní túni̱ ná tá cándeé ini na mé á.

Hechos 22:16

A̱ cándati chágu̱n viti. Cuándaco̱o. Cándeé inún Jesucristo viti chí cuáhán candúta̱ já ná ndoo cua̱chún, caja Ndióxi̱”, na̱cachi Ananías xi̱hín i̱.

Hechos 2:38

A̱nda̱ já na̱nducú ñehe Pedro tu̱hun nu̱ ná já cáchí da̱ já xi̱hi̱n ná: —Xíní ñúhú ndicó co̱o ini ndó ta jándicoo ndó cua̱chi cája ndó ta candúta̱ ndó cuéntá Jesucristo já quéa̱ ná caja cáhnu ini Ndióxi̱ sa̱há cua̱chi ndó ta já ñe̱he̱ táhvi̱ ndó quia̱hva Ndióxi̱ ínima̱ yi̱i̱ mé á nu̱ ndo̱.

2 Corintios 4:6

Jáchi̱ na̱sahnda Ndióxi̱ chuun ña̱ ná queta ña̱ yéhe̱ tañu ña̱ naá cán. Ta mé a̱ cán quéa̱ na̱caja ña̱ ná ndiye̱he̱ ínima̱ yo̱ xi̱hín tu̱hun Ndióxi̱ já quéa̱ ná cuu cande̱hé yo̱ ndá quia̱hva yéhe̱ nu̱u̱ Jesucristo, ña̱ náha̱ ndá quia̱hva cáhnu cúú Ndióxi̱.

Hechos 2:41

Cua̱há ña̱yivi na̱ndiquehe va̱ha na tu̱hun na̱ca̱ha̱n Pedro ta na̱candeé ini na Jesús. Ta mé qui̱vi̱ já na̱candúta̱ tátu̱hun u̱ni̱ mil ña̱yivi já na̱ndi̱hvi na íchi̱ cuéntá Jesús. Ta na̱ndique táhan na̱ cán xi̱hín java ga̱ na̱ cúú cuéntá Jesús.

Hechos 9:8

Tá na̱ndihi já na̱ndaco̱o Saulo nu̱ ñúhu̱. Joo tá na̱suná da̱ nduchú núú da̱ chí co̱ tívi ga̱ nu̱u̱ dá. Sa̱há ña̱ cán quéa̱ ja̱ndá tíin ndaa na da̱ cua̱ha̱n da̱ chí Damasco.

Hechos 9:17

A̱nda̱ já na̱quee Ananías cua̱ha̱n da̱ vehe nu̱ íin Saulo cán. Tá na̱xi̱nu̱ da̱ cán já na̱chinúu da ndáha̱ dá ji̱ni̱ Saulo já na̱cachi da já xi̱hi̱n dá: —Ñani Saulo. Mé Jesús, xitoho í, mé á na̱xi̱nún nu̱ú na̱quisún íchi̱ cán, mé á cán quéa̱ na̱chindahá ye̱he̱ va̱xi i̱ já ná ndinu̱na̱ nduchú núún já ná cuu cande̱hé tucún. Ta já cúni̱ Ndióxi̱ ña̱ ná ndicutú nda̱a̱ ínimu̱n xi̱hi̱n ínima̱ yi̱i̱ mé á —na̱cachi Ananías xi̱hi̱n Saulo.

Hechos 9:19

Tá na̱ndihi já na̱xixi da ta na̱ndi̱hvi tucu ndée̱ dá ta na̱sahi̱in tóo da chá qui̱vi̱ xi̱hín na̱ cúú cuéntá Jesús ndúu ñuu Damasco cán.

Hechos 22:13

Ta mé Ananías yóho na̱sa̱a̱ da̱ na̱xi̱to nihni da ye̱he̱. Já na̱casáhá cáchí da̱ já xi̱hín i̱: “Saulo, ñani i̱ cande̱hé tucu viti.” Tá na̱cachi da já chí i̱vi̱ la̱á na̱nu̱na̱ nu̱ú i̱ já na̱xini i̱ da̱.