Hechos 5:4 - Mixtec Silacayoapan

⁴ Ña̱ha mé vún na̱sa̱cuu ñúhu̱ ja̱n, nduu. Ta tá na̱ji̱cún ña̱, ña̱ha mé vún cúú ri jiu̱hún ja̱n va. Na̱cahvi inún cajún ña̱ núu yóho ta xi̱hín ña̱ na̱cajún yóho a̱ ju̱ú nu̱ mé nde̱ cuití va na̱ca̱hún ña̱ tu̱hún joo na̱ca̱hún ña̱ tu̱hún nu̱ Ndióxi̱ —na̱cachi Pedro xi̱hi̱n dá.

Hechos 5:4 ပူးပေါင်းရင်းမြစ်များ

San Lucas 10:16

A̱nda̱ já na̱cachi a xi̱hín na̱ xíca tuun xi̱hi̱n á já: —Ndá na̱ xíni̱ jo̱ho nu̱ cáha̱n ndo̱ ta cája na ña̱ cáchí ndo̱ já quéa̱ cúú á tátu̱hun cája na ña̱ cáchí ye̱he̱ xi̱hi̱n ná caja na. Ta ndá na̱ cándají ndo̱hó cúú á tátu̱hun cándají ri na ye̱he̱ va. Ta ndá na̱ cándají ye̱he̱, cándají ri na Ndióxi̱, mé a̱ na̱chindahá a̱ ye̱he̱ quixi i̱ ñuyíví yóho —na̱cachi Jesús xi̱hín na̱ chíndahá mé á cu̱hu̱n ca̱ha̱n tu̱hun Ndióxi̱ xi̱hín ña̱yivi cán. A̱nda̱ já na̱quee na cua̱ha̱n na̱.

Hechos 5:3

Ta tá na̱xi̱nu̱ co̱o Ananías ndiquia̱hva da jiu̱hún cán nu̱ Pedro já na̱cachi Pedro já xi̱hi̱n dá: —Ndá cuéntá quéa̱ na̱sa̱hu̱n ña̱ma̱ni̱ nu̱ tiñáhá sa̱cua̱ha̱ na̱ndi̱hvi rí ínimu̱n, Ananías. Ta na̱sacu inún jánda̱hvún ínima̱ yi̱i̱ Ndióxi̱ ta já na̱quehún táhan jiu̱hún na̱cha̱hvi na sa̱há ñúhu̱ ja̱n.

Hechos 5:9

A̱nda̱ já na̱cachi Pedro já xi̱hi̱n ña̱: —Mé ndó na̱jándique táhan ndó tu̱hun ndó coto ndojó ndo̱ ínima̱ yi̱i̱ Ndióxi̱. Cande̱hé. Ja̱ta̱ vehe ja̱n va̱xi na̱ na̱sa̱ha̱n na̱jándu̱xu̱ yíu̱n. Ta viti cañehe ri na yo̱hó va cu̱hu̱n na̱ jándu̱xu̱ na̱ —na̱cachi Pedro xi̱hi̱n ña̱.

1 Corintios 8:8

Cánde̱hé ndo̱. Co̱ ndíquehe toho Ndióxi̱ mí sa̱há ña̱ xíxí. Jáchi̱ co̱ cúú yó na̱ íin chága̱ sa̱ha̱ tá xíxí in ña̱ha. Ta ni co̱ cúú yó na̱ co̱ó sa̱ha̱ tá co̱ xíxí ña̱ha.

1 Tesalonicenses 4:8

Ta ndá na̱ co̱ cúni̱ cuni jo̱ho ña̱ jána̱ha̱ nde̱ já quéa̱ cánda̱a̱ ini ndó ña̱ a̱ ju̱ú nde̱he̱ cuití va cándají na̱. Jáchi̱ quéhe núu na Ndióxi̱ sa̱há ña̱ co̱ cája na ña̱ cúni̱ mé á. Ta Ndióxi̱ quéa̱ na̱sa̱ha̱n ínima̱ yi̱i̱ mé á nu̱ yo̱ cañuhu a iní.

Filemón 1:14

Joo na̱sacu ini i̱ chindahá i̱ da̱ nu̱u̱n jáchi̱ tia̱hva náá a̱ váha cúú inún xi̱hín i̱ tá ná cando̱o da yóho xi̱hín i̱. Jáchi̱ tá ná cajún ña̱ma̱ni̱ xi̱hín i̱ cúni̱ ña̱ ná caji̱i̱ inún cajún ña̱ ta co̱ cúni̱ caja ndúsa̱ i̱ xu̱hu̱n.

Santiago 1:15

Jáchi̱ sa̱há ña̱ núu xíca̱ ini ña̱yivi caja na sa̱há ña̱ cán cásáhá na̱ cája na cua̱chi. Ta tá sa̱ na̱ndicuahá cua̱chi na já quéa̱ cu̱hu̱n na̱ cha̱hvi na sa̱há ña̱ cája na ini indayá a̱nda̱ ama cáa qui̱vi̱.