Hechos 4:6 - Mixtec Silacayoapan

⁶ Ta tañu na̱ cán ndáca̱a̱n ri da̱ naní Anás, da̱ cúú sa̱cua̱ha̱ nu̱ú ju̱tu̱. Ta tañu na̱ cán na̱sa̱ndaca̱a̱n ri Caifás xi̱hi̱n Juan xi̱hi̱n Alejandro xi̱hi̱n tócó ndihi na̱ cúú na̱ vehe na̱ sa̱cua̱ha̱ nu̱ú ju̱tu̱ cán.

Hechos 4:6 ပူးပေါင်းရင်းမြစ်များ

San Mateo 26:3

A̱nda̱ já na̱ sa̱cua̱ha̱ nu̱ú ju̱tu̱ xi̱hín na̱ jána̱ha̱ ley Moisés xi̱hín na̱ sa̱cua̱ha̱ veñu̱hu na̱ndique táhan na yéhé Caifás, da̱ cúú sa̱cua̱ha̱ chága̱ nu̱ ndíhi ju̱tu̱ cán.

San Lucas 3:2

Ta Anás xi̱hi̱n Caifás na̱sacuu da̱ sa̱cua̱ha̱ nu̱ ndíhi ju̱tu̱. Mé tiempo cán na̱ca̱ha̱n Ndióxi̱ xi̱hi̱n Juan, da̱ cúú ja̱hyi Zacarías, mé nu̱ íin da yucú íchí cán.

San Juan 11:49

Joo in táhan da̱ ndúu cán naní da̱ Caifás, da̱ na̱sa̱cuu da̱ sa̱cua̱ha̱ chága̱ nu̱ ndíhi ju̱tu̱ mé cui̱a̱ cán, na̱ndica̱ha̱n da̱ já na̱cachi da já: —Mé ndó cúú ndó ña̱yivi co̱ xíní túni̱.

San Juan 18:24

Tá na̱ndihi já na̱sa̱ñehe na Jesús nu̱ú Caifás, da̱ sa̱cua̱ha̱ chága̱ nu̱ ndíhi ju̱tu̱ cán ta sa̱ já ndíco̱ a̱ xi̱hi̱n yóho̱ ñéhe na a̱ cua̱ha̱n na̱.

Hechos 4:7

A̱nda̱ já na̱tavá na̱ Pedro xi̱hi̱n Juan veca̱a. Ta ñéhe na da̱ cua̱ha̱n na̱ nu̱ú na̱taca na̱ cán ta na̱sani ndichi na da̱ ma̱hñú na̱ na̱taca cán ta já na̱nda̱ca̱ tu̱hún na̱ da̱ já cáchí na̱ já xi̱hi̱n dá: —Ndaja na̱caja ndó na̱ndaja va̱ha ndó da̱ na̱saquíhvi̱ sa̱ha̱ cán. Yo já na̱sa̱ha̱n ndée̱ nu̱ ndó ña̱ cúú cája ndó ña̱ yóho —cáchí na̱ ndáca̱ tu̱hún ñahá na̱.

Hechos 5:21

Ña̱ cán quéa̱ tá na̱ti̱vi inga qui̱vi̱ ita̱a̱n já na̱ndi̱hvi na̱ apóstol veñu̱hu cáhnu cán ta na̱casáhá na̱ jána̱ha̱ na̱ nu̱ú ña̱yivi cán. Joo da̱ cúú sa̱cua̱ha̱ nu̱ú ju̱tu̱ cán xi̱hi̱n tócó ndihi na̱ sa̱cua̱ha̱ cómí cuéntá sa̱há nación Israel cán na̱sahnda na chuun nu̱ policia cán ña̱ ná cu̱hu̱n na̱ tavá na̱ na̱ apóstol ñúhu veca̱a cán ná quixi na nu̱ú na̱ sa̱cua̱ha̱ cán.