Hechos 22:1 - Mixtec Silacayoapan

¹ Já na̱casáhá Pablo cáchí da̱ já xi̱hi̱n ná: —Cuni jo̱ho ndó nu̱ cáha̱n i̱ xi̱hi̱n ndóhó, na̱ sa̱cua̱ha̱ xi̱hín ñani i̱ jáchi̱ cúni̱ ndiquehe e̱ sa̱há i̱ viti —na̱cachi Pablo xi̱hi̱n ná.

Hechos 22:1 ပူးပေါင်းရင်းမြစ်များ

San Lucas 12:11

ʼTá ná tiin na ndo̱hó ña̱ cañehe na ndo̱hó cu̱hu̱n ndó na̱hma̱ ndó nu̱ú na̱ sa̱cua̱ha̱ veñu̱hu á nu̱ú na̱ jutixia sa̱há i̱, a̱ ndícani toho ini ndó ña̱ ndá tu̱hun quéa̱ ca̱ha̱n ndó nu̱ú na̱ cán.

San Lucas 21:14

Ta a̱ ndícani ini ndó sa̱ha̱ ndá tu̱hun ca̱ha̱n ndó sa̱ha̱ mé ndó nu̱ú na̱ cán tá ná xi̱nu̱ ndó nu̱ ná.

Hechos 13:26

ʼCuni jo̱ho va̱ha ndó, ñani i̱, na̱ na̱quixi chi̱chi Abraham xi̱hi̱n tócó ndihi ndó, na̱ cája cáhnu Ndióxi̱ xi̱hín ndinuhu ini. Mé Ndióxi̱ cúni̱ a̱ ña̱ ná canda̱a̱ ini ndó ña̱ na̱chindahá mé á Jesús ñuyíví yóho já ná jáca̱cu a ndo̱hó já ná a̱ cúhu̱n ndó indayá.

Hechos 19:33

Joo java ña̱yivi ndúu cán na̱ndicani na ndaja cáa ña̱ cúu cán nu̱ú in da̱ naní Alejandro. Ta java na̱ Israel ndúu cán na̱chindahá na̱ Alejandro já ná candichi da ca̱ha̱n da̱ xi̱hín ña̱yivi cán. A̱nda̱ já na̱ndiñehe Alejandro ndáha̱ dá já ná catáji̱ tóo yúhu̱ ná já na̱casáhá ndíquehe da sa̱há na̱ cúú cuéntá Jesús.

Hechos 23:1

A̱nda̱ já na̱sande̱hé Pablo nu̱ tócó ndihi na̱ sa̱cua̱ha̱ nu̱ú na̱ Israel cán já na̱casáhá cáchí da̱ já xi̱hi̱n ná: —Cande̱hé ndo̱, ñani i̱. Ja̱nda̱ jihna ta ja̱nda̱ qui̱vi̱ víti cája i̱ ña̱ cúni̱ Ndióxi̱ ta xíni̱ mé á ndaja ndáca̱a̱n ji̱ní i̱ —na̱cachi Pablo.

Hechos 23:6

Tá na̱ndihi já na̱ndicuni Pablo ña̱ ndúu java na̱ saduceo ta ndúu ri java na̱ fariseo mé cán. Sa̱há ña̱ cán quéa̱ na̱ca̱ha̱n cóhó Pablo já na̱cachi da já: —Cande̱hé ndo̱, ñani i̱. Ye̱he̱ cúú u̱ in da̱ fariseo ta in fariseo na̱sa̱cuu ri tátá i̱. Ta viti cája vií na̱ yóho sa̱há i̱ sa̱há ña̱ cándúsa i̱ ña̱ va̱xi qui̱ví nditacu tucu ndi̱i —na̱cachi Pablo.

Hechos 24:10

A̱nda̱ já na̱ndiñehe gobernador cán ndáha̱ dá ña̱ ná ca̱ha̱n Pablo. Ta já cáchí Pablo já: —Cáji̱i̱ ini i̱ ndiquehe e̱ sa̱há i̱ nu̱ mé ndó, tá Felix jáchi̱ sa̱ cua̱há cui̱a̱ cája vií ndó sa̱há ña̱yivi Israel.

Hechos 25:16

A̱nda̱ já na̱nducú ñehe e̱ tu̱hun nu̱ ná ña̱ co̱ sáhan ley ñuu Roma ña̱ma̱ni̱ ña̱ cahní na̱ ña̱yivi tá co̱ó na̱ sácú sa̱ha̱ dá ndíta nu̱ táhyí da̱ já ná cuu ndiquehe da sa̱ha̱ dá nu̱ ná.

Hechos 25:8

Ta na̱casáhá Pablo ndíquehe da sa̱ha̱ mé dá já na̱cachi da já: —Ni in túhún toho cua̱chi co̱ó na̱caja i̱ xi̱hi̱n ley na̱ Israel ta ni xi̱hín veñu̱hu cáhnu co̱ó na̱caja i̱ cua̱chi. Ta ni nu̱ú da̱ cómí cuéntá sa̱há ñuu Roma co̱ó na̱caja i̱ cua̱chi —na̱cachi Pablo xi̱hi̱n tócó ndihi ña̱yivi ndúu cán.

Hechos 26:24

Tá na̱catáji̱ loho Pablo nu̱ cáha̱n da̱ já na̱cayúhú cóhó Festo nu̱ dá já cáchí da̱ já: —Na̱cata̱chi̱ vún, Pablo. Na̱ya̱ha ndiva̱ha quia̱hva na̱jácuahún sa̱há ña̱ cán quéa̱ na̱cata̱chu̱n —na̱cachi Festo cán xi̱hi̱n Pablo.

Hechos 28:17

Tá sa̱ na̱xi̱nu̱ u̱ni̱ qui̱vi̱ na̱xi̱nu̱ co̱o nde̱ ñuu Roma cán já na̱cana Pablo tócó ndihi na̱ sa̱cua̱ha̱ nu̱ú na̱ Israel ndúu ñuu Roma cán. Ta tá sa̱ na̱taca ndihi na ndúu na já na̱cachi da já xi̱hi̱n ná: —Cande̱hé ndó, ñani i̱. Ni in túhún toho ña̱ha núu co̱ó na̱caja ye̱he̱ xi̱hín na̱ Israel mé ñuu Jerusalén cán ta ni xi̱hi̱n costumbre na̱caja tásáhnu jícó yo̱. Joo na̱tiin na̱ Israel ye̱he̱ ta na̱ndiquia̱hva na ye̱he̱ nu̱ú na̱ cúú cuéntá gobierno ñuu Roma yóho.

Hechos 7:2

A̱nda̱ já na̱nducú ñehe Esteban tu̱hun nu̱ ná já na̱cachi da já: —A̱ ju̱ú toho ña̱ nda̱a̱ quéa̱ cáha̱n na̱ ja̱n sa̱há i̱. Joo cuni jo̱ho ndó ña̱ ná ca̱ha̱n i̱ xi̱hi̱n ndo̱, na̱ sa̱cua̱ha̱ xi̱hín ñani i̱. Sa̱nahá ndiva̱ha tá na̱sahi̱in tásáhnu jícó yo̱, da̱ na̱sananí Abraham ñundáhyi̱ Mesopotamia tá cáma̱ní quee da cu̱hu̱n da̱ coo da ñuu Harán já na̱na̱ha̱ Ndióxi̱ mé á nu̱ dá. Ta mé Ndióxi̱, xitoho í cúú á in Ndióxi̱ cáhnu ndiva̱ha.

Romanos 2:15

Ña̱ cája mé ná náha̱ nu̱ú ña̱yivi ña̱ na̱sacu Ndióxi̱ ley mé á ini xíní túni̱ ná. Ta xi̱hi̱n xíní túni̱ ná cánda̱a̱ ini na tá cája na ña̱ va̱ha á tá cája na ña̱ núu. Ta quia̱hva já xi̱hi̱n mé xíní túni̱ ná xíni̱ va̱ha na á cája na cua̱chi á cája na ña̱ va̱ha

1 Corintios 9:3

Ta ña̱ yóho cúú tu̱hun ndúcú ñehe e̱ nu̱ú na̱ cáha̱n núu sa̱há i̱ ja̱n:

2 Corintios 12:19

Á cáhán ndo̱ ña̱ sa̱ na̱casáhá cáha̱n chíjín tucu nde̱ xi̱hi̱n ndo̱ viti. Co̱ cúú á já. Jáchi̱ sánde̱hé cáxí Ndióxi̱ ña̱ cáha̱n nde̱ ña̱ yóho xi̱hi̱n ndo̱ tá quia̱hva cúni̱ Jesucristo. Ta cája nde̱ tócó ndihi ña̱ yóho jáchi̱ quíhvi̱ ini nde̱ ndo̱hó ta cúni̱ nde̱ ña̱ ná cuahnu chága̱ ndó xi̱hín tu̱hun Ndióxi̱.

2 Corintios 7:11

Cánde̱hé ndó ndaja na̱caja ndeé ini ndó tá na̱cacuéha̱ ini ndó tá quia̱hva cúni̱ Ndióxi̱. Joo tá co̱ó ña̱ yóho ná ya̱ha ta a̱ jándacoo toho ndó cua̱chi na̱sacaja ndó, nduu. Joo viti a̱ ju̱ú quia̱hva na̱xo̱jo̱ ini ndó sa̱ha̱ mé cua̱chi ta na̱yi̱hví ndo̱ sa̱há. Ta tá na̱ndihi já na̱xi̱ca̱ ini ndó cuni ndó ye̱he̱ ña̱ ná chindeé e̱ ndo̱hó. Ta a̱nda̱ já na̱sahi̱in tia̱hva ndó jándoho ndó ini da̱ na̱caja cua̱chi cán. Ta xi̱hín ña̱ yóho náha̱ ña̱ co̱ táhan ini ndó xi̱hín cua̱chi na̱caja da̱ cán.

Filipenses 1:17

Joo mé a̱ nda̱a̱ java na cáha̱n na̱ sa̱há Jesucristo jáchi̱ quíhvi̱ ndusa ini na ye̱he̱ ta sa̱ cánda̱a̱ ini na ña̱ na̱sacu Ndióxi̱ ye̱he̱ yóho ña̱ ná ndiquehe e̱ sa̱há tu̱hun va̱ha cáha̱n sa̱há Jesucristo.

Filipenses 1:7

Cája i̱ cuéntá va̱ha ndiva̱ha va ndíquia̱hva i̱ ndixa̱hvi nu̱ Ndióxi̱ sa̱ha̱ ndo̱ jáchi̱ mé a̱ nda̱a̱ quíhvi̱ ndiva̱ha ini i̱ ndo̱hó. Tá quia̱hva cája Ndióxi̱ ña̱ma̱ni̱ xi̱hín i̱ quia̱hva já cája ri a ña̱ma̱ni̱ xi̱hi̱n mé ndó. Ta co̱ó caja toho a tá ndáca̱a̱n i̱ veca̱a. Ta co̱ó caja toho a tá ná ndiquehe va̱ha i̱ sa̱há tu̱hun Ndióxi̱ nu̱ú na̱ jutixia á tá ca̱xi tu̱hun i̱ xi̱hín ña̱yivi ña̱ mé a̱ nda̱a̱ cúú á tu̱hun Ndióxi̱, ña̱ cúú jáca̱cu ña̱yivi.

2 Timoteo 4:16

Tá na̱ndiquehe e̱ sa̱há i̱ nu̱ cuítí nu̱ú na̱ jutixia ni in ña̱yivi co̱ó na̱chindeé ye̱he̱. Tócó ndihi na na̱jándicoo na ye̱he̱. Ná caja cáhnu ini Ndióxi̱ sa̱há ña̱ na̱caja na̱ cán.

1 Pedro 3:15

Ña̱ ndítahan caja ndó quéa̱ caja cáhnu ndó Jesucristo, xitoho í xi̱hi̱n ndinuhu ínima̱ ndo̱. Ta xíní ñúhú coo tia̱hva ndó nducú ñehe vií ndó tu̱hun nu̱ú ña̱yivi, na̱ cúni̱ canda̱a̱ ini sa̱há ña̱ cándeé ini ndó Jesús. Ta ná coo to̱ni ñúhú ndó xi̱hi̱n ná ta a̱ ndíñehe jícó ndo̱ mé ndó nani ndícani ndó tu̱hun Ndióxi̱ nu̱ú na̱ cán.