Hechos 2:18 - Mixtec Silacayoapan

¹⁸ Ta mé tiempo já chindahá i̱ ínima̱ yi̱i̱ mí i̱ ña̱ ná cañuhu a ini na̱ cája chúun cuéntá mí i̱, á cúú ná ta̱a á cúú ná ñáha̱. Ta caja i̱ ña̱ ná ca̱ha̱n na̱ sa̱há i̱ nu̱ú ña̱yivi.

Hechos 2:18 ပူးပေါင်းရင်းမြစ်များ

San Lucas 12:45

Joo da̱ cúú mozo yóho tá ná casáhá da̱ ca̱hán da̱ ña̱ cayáncá ndiva̱ha xitoho da ndicó co̱o da ta sa̱há ña̱ cán quéa̱ cásáhá da̱ cája xíxi da xi̱hín java ga̱ na̱ cúú mozo xi̱hi̱n dá cán. Ta já cáa ga̱ da̱ cásáhá xíxi da ta xíhi da ta já xíni da.

Hechos 2:17

Tá sa̱ na̱cayati qui̱ví ndihi sa̱ha̱ ñuyíví yóho já cáchí Ndióxi̱ já: “Chindahá i̱ ínima̱ yi̱i̱ mí i̱ cañuhu a ini tócó ndihi ña̱yivi. Ta tócó ndihi ja̱hyi yií ndo̱ xi̱hín ja̱hyi jíhí ndo̱ ca̱xi tu̱hun na xi̱hi̱n ndó tu̱hun ca̱ha̱n i̱ xi̱hi̱n ná. Ta na̱ tacú cuni ndímáhnú na̱ ña̱ha na̱ha̱ i̱ nu̱ ná. Ta na̱ yatá quixi sa̱ni nu̱ ná caja i̱.

Hechos 2:19

Ta cua̱há ndiva̱ha ña̱ náhnu caja i̱ indiví xi̱hín ñuyíví ta cuni ña̱yivi ña̱. Cuni na ni̱i̱ xi̱hi̱n ñúhu̱ cáyi̱ xi̱hín ñi̱hma̱ ña̱ ndindita tátu̱hun vi̱co̱ núhú.

Hechos 21:10

Tá sa̱ na̱caja chá qui̱vi̱ ndúu nde̱ vehe da̱ cán já na̱xi̱nu̱ co̱o in profeta, da̱ na̱quixi estado Judea ta naní da̱ Agabo.

Gálatas 3:28

Ta co̱ cája toho a tá cúú ndó na̱ na̱quixi chi̱chi Israel, á co̱ cúú toho ndó na̱. Ta co̱ cája toho a á cúú ndó na̱ na̱xeen ña̱yivi caja chúun nu̱ ná, á co̱ cúú toho ndó na̱. Ta co̱ cája toho a á cúú ndó ta̱a á ñáha̱. Jáchi̱ tá na̱candúsa ndó Jesucristo já in na̱nduu tócó ndihi ndó jáchi̱ in na̱nduu ndó xi̱hi̱n mé á.

Colosenses 3:11

Jáchi̱ viti co̱ó sa̱há ga̱ á tá cúú yó na̱ Israel á tá co̱ cúú yó na̱ Israel, á tá cúú yó na̱ na̱qui̱hvi marca yiquí cu̱ñu í á tá co̱ó na̱qui̱hvi marca yiquí cu̱ñu í, á tá cúú yó na̱ tóho̱ á tá co̱ cúú toho í na̱. Ta ni co̱ó sa̱ha̱ toho a á tá cúú yó na̱ yucú ñúhú ta ni co̱ó sa̱ha̱ toho a á tá cúú yó na̱ cómí xitoho cuéntá sa̱ha̱, á tá cúú yó na̱ xíca núná mé. Joo ña̱ íin sa̱ha̱ quéa̱ tá ná ndiquia̱hva ndó mé ndó ndáha̱ Jesucristo ña̱ ná cacomí a̱ cuéntá sa̱ha̱ ndo̱ jáchi̱ tócó ndihi na̱ cán cúú ná na̱ ndáca̱a̱n Jesucristo ínima̱.