Hechos 19:2 - Mixtec Silacayoapan

² Já na̱nda̱ca̱ tu̱hún da̱ na̱ já na̱cachi da já xi̱hi̱n ná: —Á na̱ndicutú nda̱a̱ ínima̱ ndo̱ xi̱hi̱n ínima̱ yi̱i̱ Ndióxi̱ tá na̱candúsa ndó Jesús —na̱cachi da xi̱hi̱n ná. Já na̱nducú ñehe na̱ cán tu̱hun nu̱ dá já cáchí na̱ já xi̱hi̱n dá: —Chí a̱ ñáha mé va canda̱a̱ ini nde̱ sa̱ha̱ ínima̱ yi̱i̱ Ndióxi̱ ja̱n —na̱cachi na̱ cán xi̱hi̱n Pablo.

Hechos 19:2 ပူးပေါင်းရင်းမြစ်များ

San Juan 7:39

Ña̱ cúni̱ Jesús cachi a xi̱hín na̱ yóho quéa̱ tá ná candeé ini na mé á já xi̱nu̱ qui̱ví ndiquehe na ínima̱ yi̱i̱ Ndióxi̱ ini ínima̱ ná. Va̱tí mé a̱ nda̱a̱ a̱ ñáha toho xi̱nu̱ ínima̱ yi̱i̱ Ndióxi̱ ini ña̱yivi jáchi̱ cáma̱ní yi̱í va ndindita Jesús ndicáhnu ndiva̱ha mé á indiví.

Hechos 10:44

Ta nani cáha̱n Pedro cándichi da já na̱xi̱nu̱ ínima̱ yi̱i̱ Ndióxi̱ na̱jándicutú a̱ ínima̱ tócó ndihi na̱ táa jo̱ho ña̱ cáha̱n da̱ cán.

Hechos 19:5

Tá na̱xini jo̱ho na̱ cán ña̱ na̱cachi Pablo xi̱hi̱n ná chí i̱vi̱ la̱á na̱candúta̱ ná cuéntá Jesús, mé a̱ cúú xitoho í.

Hechos 2:17

Tá sa̱ na̱cayati qui̱ví ndihi sa̱ha̱ ñuyíví yóho já cáchí Ndióxi̱ já: “Chindahá i̱ ínima̱ yi̱i̱ mí i̱ cañuhu a ini tócó ndihi ña̱yivi. Ta tócó ndihi ja̱hyi yií ndo̱ xi̱hín ja̱hyi jíhí ndo̱ ca̱xi tu̱hun na xi̱hi̱n ndó tu̱hun ca̱ha̱n i̱ xi̱hi̱n ná. Ta na̱ tacú cuni ndímáhnú na̱ ña̱ha na̱ha̱ i̱ nu̱ ná. Ta na̱ yatá quixi sa̱ni nu̱ ná caja i̱.

Romanos 1:11

Jáchi̱ cúni̱ cuni i̱ ndo̱hó já ná ca̱xi tu̱hun i̱ xi̱hi̱n ndo̱ ndá quia̱hva cúni̱ ínima̱ yi̱i̱ Ndióxi̱ caja ña̱ma̱ni̱ xi̱hi̱n ndo̱ já ná ndindacú chága̱ ndó cuéntá mé á.

1 Corintios 6:19

Xíní ñúhú ndicu̱hu̱n ini ndó ña̱ mé yiquí cu̱ñu ndó ja̱n cúú á tátu̱hun in veñu̱hu nu̱ ndáca̱a̱n ínima̱ yi̱i̱ Ndióxi̱, mé a̱ na̱sa̱ha̱n Ndióxi̱ nu̱ ndo̱. Ta viti yiquí cu̱ñu ndó a̱ ju̱ú ña̱ha mé ndó cúú á jáchi̱ cúú á ña̱ha Ndióxi̱.

Gálatas 3:5

Jáchi̱ sáhan Ndióxi̱ ínima̱ yi̱i̱ mé á nu̱ ndó ta cua̱há ndiva̱ha ña̱ náhnu cája mé á tañu ndó ta co̱ cúú á sa̱há ña̱ cája ndó ña̱ sáhndá ley Moisés. Cúú á sa̱há ña̱ cándeé ini ndó mé á.