Hechos 13:16 - Mixtec Silacayoapan

¹⁶ A̱nda̱ já na̱candichi Pablo já na̱cuu ndáha̱ dá nu̱ ná catáji̱ yúhu̱ ná já na̱casáhá cáchí da̱ já xi̱hi̱n ná: —Cuni jo̱ho ndó ña̱yivi Israel xi̱hi̱n tócó ndihi ndó, na̱ cája cáhnu Ndióxi̱.

Hechos 13:16 ပူးပေါင်းရင်းမြစ်များ

San Mateo 11:15

Na̱ íin jo̱ho, ná cuni jo̱ho na.

San Lucas 1:22

Joo tá na̱queta Zacarías veñu̱hu co̱ó na̱cuu ca̱ha̱n da̱ ni in túhún tu̱hun xi̱hi̱n ná. Xi̱hín ña̱ yóho na̱canda̱a̱ ini na ña̱ na̱xini da in ña̱ha na̱caja Ndióxi̱ nu̱ náa̱ yi̱i̱ mé á cán. Ja̱ndá ndáha̱ uun da cúu nu̱ú na̱ cán jáchi̱ na̱cando̱o níhi̱ dá.

San Lucas 1:50

Ta níí tiempo táhvi̱ ini mé á sa̱ha̱ tócó ndihi ña̱yivi, na̱ cája cáhnu mé á.

San Lucas 23:40

Joo inga táhan da̱ quini tácaa inga xoo jíi̱n a̱ cán na̱casáhá da̱ jána̱ni da da̱ cáha̱n xi̱hi̱n Jesús cán já na̱cachi da já xi̱hi̱n dá: —Á co̱ yíhví tohún Ndióxi̱. Jáchi̱ in cúú yo̱ ndóho iní yóho

Hechos 10:2

Ta mé Cornelio yóho xi̱hi̱n tócó ndihi na̱ vehe da cája cáhnu na Ndióxi̱ xi̱hín ndinuhu ini na. Ta jásá da̱ jiu̱hún da̱ ña̱ chíndeé da̱ na̱ na̱quixi chi̱chi Israel. Ta níí tiempo xíca̱ ta̱hví da̱ nu̱ Ndióxi̱.

Hechos 10:35

Ña̱ cája mé á quéa̱ ndíquehe va̱ha ndá ña̱yivi na̱cuu tá cándeé ini na mé á ta cája na ña̱ va̱ha. Co̱ó caja toho a á cúú ná na̱ Israel á na̱ tóho̱.

Hechos 12:17

Joo na̱cuu ndáha̱ dá nu̱ ná ña̱ ná a̱ cáha̱n chága̱ na̱. A̱nda̱ já na̱casáhá da̱ ndícani da nu̱ ná ndaja na̱caja Ndióxi̱ na̱tavá a̱ da̱ veca̱a cán. Ta já na̱cachi da xi̱hi̱n ná: —Ndicani ndó ña̱ yóho nu̱ Jacobo ta ndicani ndó ña̱ nu̱ tócó ndihi na̱ cúú cuéntá Jesús —na̱cachi Pedro. A̱nda̱ já na̱queta Pedro cua̱ha̱n da̱.

Hechos 13:26

ʼCuni jo̱ho va̱ha ndó, ñani i̱, na̱ na̱quixi chi̱chi Abraham xi̱hi̱n tócó ndihi ndó, na̱ cája cáhnu Ndióxi̱ xi̱hín ndinuhu ini. Mé Ndióxi̱ cúni̱ a̱ ña̱ ná canda̱a̱ ini ndó ña̱ na̱chindahá mé á Jesús ñuyíví yóho já ná jáca̱cu a ndo̱hó já ná a̱ cúhu̱n ndó indayá.

Hechos 13:46

Xi̱hín ña̱ cán na̱ndindeé chága̱ ini Pablo xi̱hín Bernabé já na̱casáhá cáchí da̱ já: —Jihna ñúhú ndítahan nu̱ú nde̱ ca̱xi tu̱hun nde̱ tu̱hun Ndióxi̱ nu̱ mé ndó, na̱ na̱quixi chi̱chi Israel. Joo sánde̱hé nde̱ ña̱ co̱ cúni̱ toho ndó ndiquehe ndó ña̱. Ta cája nde̱ cuéntá ña̱ co̱ó sa̱ha̱ ndó cu̱hu̱n ndó indiví. Sa̱há ña̱ cán quéa̱ va̱ha chága̱ ná cu̱hu̱n nde̱ ca̱ha̱n nde̱ tu̱hun Ndióxi̱ xi̱hín na̱ co̱ó na̱quixi chi̱chi Israel.

Hechos 19:33

Joo java ña̱yivi ndúu cán na̱ndicani na ndaja cáa ña̱ cúu cán nu̱ú in da̱ naní Alejandro. Ta java na̱ Israel ndúu cán na̱chindahá na̱ Alejandro já ná candichi da ca̱ha̱n da̱ xi̱hín ña̱yivi cán. A̱nda̱ já na̱ndiñehe Alejandro ndáha̱ dá já ná catáji̱ tóo yúhu̱ ná já na̱casáhá ndíquehe da sa̱há na̱ cúú cuéntá Jesús.

Hechos 2:14

A̱nda̱ já na̱candichi Pedro xi̱hi̱n ndíhu̱xu̱ in ga̱ na̱ apóstol cán já na̱casáhá cáha̱n cóhó da̱ xi̱hi̱n tócó ndihi na̱ cán já cáchí da̱ já: —Cuni jo̱ho va̱ha ndó ña̱ cáha̱n i̱ xi̱hi̱n ndó, ña̱yivi Israel, na̱ estado Judea xi̱hín ndihi ndó na̱ tóho̱ ndúu ñuu Jerusalén viti.

Hechos 2:22

A̱nda̱ já na̱cachi tucu Pedro já: —Cuni jo̱ho va̱ha ndó tu̱hun cáha̱n i̱ xi̱hi̱n ndó, na̱ Israel. Jáchi̱ cáha̱n i̱ sa̱ha̱ Jesús, mé a̱ na̱quixi ñuu Nazaret. Jáchi̱ na̱tahan ini Ndióxi̱ xi̱hi̱n tócó ndihi ña̱ha na̱caja mé Jesús. Ta na̱xini xi̱hín nu̱u̱ ndó ña̱ náhnu xi̱hín ña̱ xitúhún na̱caja mé á nu̱ ndo̱ xi̱hi̱n ndée̱ na̱sa̱ha̱n Ndióxi̱ nu̱ a̱. Ta sa̱ cánda̱a̱ va̱ha ini mé ndó ña̱ yóho.

Hechos 21:40

A̱nda̱ já na̱sa̱ha̱n da̱ cán ña̱ma̱ni̱ nu̱ Pablo ña̱ ná ca̱ha̱n da̱ xi̱hín ña̱yivi. A̱nda̱ já na̱nda̱ca̱ ndichi Pablo nu̱ú cua̱ni̱ vehe cán já na̱ndiñehe da ndáha̱ dá nu̱ ná já ná catáji̱ yúhu̱ ná. Ta tá sa̱ na̱catáji̱ yúhu̱ ná já na̱casáhá cáha̱n da̱ tu̱hun hebreo xi̱hi̱n ná.

Hechos 22:22

Na̱sa̱nduu táji̱ na̱ Israel cán nani cáha̱n Pablo xi̱hi̱n ná. Joo tá na̱ca̱ha̱n da̱ sa̱há na̱ tóho̱ cán já na̱casáhá cáyuhú na̱ já cáchí na̱ já: —Cahní ndó da̱ ja̱n. Ná quivi da. Co̱ ndítahan ga̱ nu̱ dá coo da ñuyíví yóho —cáchí na̱ cán cáyuhú na̱.

Hechos 3:12

Tá na̱xini Pedro na̱casáhá tácá cua̱há ña̱yivi nu̱ íin da já na̱casáhá cáchí da̱ já xi̱hi̱n ná: —Cuni jo̱ho va̱ha ndó, ña̱yivi Israel. Cátóntó ndiva̱ha ndó sánde̱hé ndó nde̱he̱ jáchi̱ cáhán ndo̱ ña̱ na̱ndaja va̱ha nde̱ da̱ yóho xi̱hi̱n ndée̱ mé nde̱. Á tá co̱ó ta cáhán ndo̱ ña̱ na̱ndaja va̱ha nde̱ da̱ sa̱há ña̱ ndícahán ndiva̱ha nde̱ Ndióxi̱.

Apocalipsis 2:11

Cuni jo̱ho va̱ha ndó, na̱ va̱ha jo̱ho ña̱ cáha̱n ínima̱ yi̱i̱ Ndióxi̱ xi̱hín na̱ cúú cuéntá mí i̱, na̱ tácá veñu̱hu: Ndá na̱ ná quee va̱ha nu̱ tócó ndihi ña̱ núu ñuyíví yóho, na̱ cán cúú na̱ a̱ cúhu̱n toho na ndoho ini na indayá. Jáchi̱ tá ndóho ini ña̱yivi indayá cúú á tátu̱hun xíhi̱ na̱ chí i̱vi̱.”

Apocalipsis 2:17

Cuni jo̱ho va̱ha ndó, na̱ va̱ha jo̱ho ña̱ cáha̱n ínima̱ yi̱i̱ Ndióxi̱ xi̱hín na̱ cúú cuéntá mí i̱, na̱ tácá veñu̱hu: Ndá na̱ ná quee va̱ha nu̱ú ña̱ núu já quéa̱ quia̱hva i̱ ña̱ma̱ni̱ nu̱ ná cuxu na pan yi̱i̱, ña̱ cúú tátu̱hun maná, ña̱ na̱quixi indiví. Ta ña̱ yóho cúú á ña̱ na̱sahi̱in je̱hé nu̱ú ña̱yivi. Ta já quia̱hva ri̱ in yu̱ú yaa nu̱ú in in ña̱yivi nu̱ ndáa̱ qui̱ví sa̱á na̱. In túhún na̱ ná ndiquehe yu̱ú yaa cán cúú na̱ xíni̱ yo qui̱vi̱ quéa̱ ndáa̱ nu̱ á.”

Apocalipsis 2:29

Cuni jo̱ho va̱ha ndó, na̱ va̱ha jo̱ho ña̱ cáha̱n ínima̱ yi̱i̱ Ndióxi̱ xi̱hín na̱ cúú cuéntá mí i̱, na̱ tácá veñu̱hu.”

Apocalipsis 2:7

Cuni jo̱ho va̱ha ndó, na̱ va̱ha jo̱ho ña̱ cáha̱n ínima̱ yi̱i̱ Ndióxi̱ xi̱hín na̱ cúú cuéntá mí i̱, na̱ tácá veñu̱hu: Ndá na̱ ná quee va̱ha tañu tócó ndihi ña̱ núu ñuyíví yóho, na̱ cán cúú na̱ quia̱hva i̱ ña̱ma̱ni̱ nu̱u̱ caxí cui̱hi cúun nu̱ yíto̱, dó cája ña̱ ná catacu ña̱yivi a̱nda̱ ama cáa qui̱vi̱. Mé yíto̱ cán cándichi dó nu̱ íin Ndióxi̱.”