Hechos 12:8 - Mixtec Silacayoapan

⁸ A̱nda̱ já na̱cachi tucu táto̱ Ndióxi̱ cán já xi̱hi̱n dá: —Ndaja tuun nií ti̱sún ta cayihi ndu̱su̱n. Ta tá sa̱ na̱caja da ña̱ já na̱cachi tucu táto̱ Ndióxi̱ já xi̱hi̱n dá: —Quehe ti̱cachí níhnu chinúú ja̱tu̱n ná co̱ho̱ candi̱co̱ ye̱he̱ —cáchí a̱ xi̱hi̱n dá.

Hechos 12:8 ပူးပေါင်းရင်းမြစ်များ

San Mateo 3:11

Mé a̱ nda̱a̱ cája ndúta̱ i̱ ndóhó xi̱hín ticui̱í ta xi̱hín ña̱ yóho náha̱ ña̱ na̱ndicó co̱o ini ndó nu̱ Ndióxi̱. Joo va̱xi inga da ta da̱ cán cúú da̱ jándicutú ínima̱ ndo̱ xi̱hi̱n ínima̱ yi̱i̱ Ndióxi̱ ta ña̱ cán cacuu a tátu̱hun ñúhu̱ cáyi̱. Ta da̱ cán íin cua̱ha̱ chága̱ ndée dá a̱ ju̱ú ga̱ ye̱he̱. Ta chí co̱ó sa̱há i̱ ndica xítí i̱ nu̱ dá ña̱ ndaxí i̱ correa ndu̱sa̱ da̱.

San Lucas 12:37

Ta̱hví na̱cuu mozo tá co̱ quíji̱ da̱ ndúu da tá ná xi̱nu̱ co̱o xitoho da. Mé a̱ nda̱a̱ ná ca̱ha̱n i̱ xi̱hi̱n ndo̱ ña̱ ja̱nda̱ mé da̱ cúú xitoho da̱ cán ndiquehe ñahá da̱ ta já caco̱o da da̱ nu̱ mesa da̱ ta já chica̱a̱n da̱ co̱ho̱ cuxu mozo da̱.

Hechos 12:7

Ta in náá cuití na̱xi̱nu̱ co̱o in táto̱ Ndióxi̱ ini veca̱a cán chí na̱ndiyi̱hvi̱ ndaa ini a. A̱nda̱ já na̱xi̱nu̱ co̱o mé táto̱ Ndióxi̱ nu̱ cándúhu̱ Pedro já na̱quiní a̱ ndáha̱ á yi̱ca ndícá da̱ já na̱ndicáxí ini da. A̱nda̱ já na̱cachi a já xi̱hi̱n dá: —Camún ndaco̱o quíu̱n. A̱nda̱ já na̱cu̱yu cadena ña̱ na̱sa̱ndi̱co̱ ndáha̱ Pedro.

Hechos 12:9

A̱nda̱ já tácaa Pedro ja̱ta̱ táto̱ Ndióxi̱ cán cua̱ha̱n da̱. Joo co̱ xíni̱ da̱ á jivi quéa̱ á a̱ ju̱ú a̱. “Sání ví”, cáhán da̱.

San Marcos 6:9

Ndítahan cayihi na ndu̱sa̱ ta in túhún cotó na̱ ndítahan candixi na cu̱hu̱n na̱.

Hechos 8:26

Tá sa̱ na̱ya̱ha ña̱ yóho já na̱xi̱nu̱ in táto̱ Ndióxi̱ nu̱ íin Felipe estado Samaria cán ta já cáchí a̱ já xi̱hi̱n dá: —Cuáhán chí sur nu̱ quée íchi̱ ña̱ quéta ñuu Jerusalén cua̱ha̱n chí ñuu Gaza —na̱cachi táto̱ Ndióxi̱ xi̱hi̱n dá. Ta mé íchi̱ cán yáha nu̱ú co̱ ndúu ña̱yivi jáchi̱ íchí ndiva̱ha.

Hechos 27:23

Jáchi̱ ye̱he̱ cúú u̱ cuéntá Ndióxi̱ ta cája cáhnu i̱ mé á. Ta mé ñuú ja̱nda̱ véhe̱ na̱na̱ha̱ in táto̱ Ndióxi̱ mé á nu̱ú i̱.