Hechos 10:8 - Mixtec Silacayoapan

⁸ Ta tá na̱ndihi na̱ndicani Cornelio nu̱ ndíhu̱ni̱ da̱ ña̱ na̱cachi táto̱ Ndióxi̱ xi̱hi̱n dá já na̱chindahá ñahá da̱ cua̱ha̱n da̱ ñuu Jope.

Hechos 10:8 ပူးပေါင်းရင်းမြစ်များ

Hechos 10:17

Chí na̱casáhá ndícani ini Pedro ndía̱ cúni̱ cachi ña̱ na̱xini da. Ta xi̱hín ña̱ yóho na̱xi̱nu̱ co̱o ndíhu̱ni̱ da̱ta̱a, da̱ na̱chindahá Cornelio mé vehe nu̱ íin Pedro cán. Jáchi̱ va̱xi da nda̱ca̱ tu̱hún da̱ sa̱há vehe Simón ja̱nda̱ quia̱hva na̱nditahan da ña̱.

Hechos 10:33

Sa̱há ña̱ cán quéa̱ i̱vi̱ la̱á na̱chindahá i̱ mozo i̱ na̱sa̱a̱ da̱ nducú da̱ ndo̱hó. Ta va̱ha na̱caja ndó va̱xi ndó. Ta viti na̱nditútú ndihi nde̱ ndáti nde̱ nu̱ Ndióxi̱. Ta cúni̱ nde̱ cuni jo̱ho nde̱ tócó ndihi ña̱ na̱sahnda Ndióxi̱ nu̱ ndó cachi ndó xi̱hín nde̱ —cáchí Cornelio xi̱hi̱n Pedro.

Hechos 10:7

Tá sa̱ na̱quee táto̱ Ndióxi̱ cán cua̱ha̱n já na̱cana Cornelio i̱vi̱ mozo da̱ ta na̱cana da in táhan soldado, da̱ cómí da̱ cuéntá sa̱ha̱. Ta mé soldado yóho cúú dá in da̱ cája cáhnu Ndióxi̱. Ta cándeé ini Cornelio da̱.

Hechos 26:19

ʼCande̱hé ndó, rey Agripa. Co̱ó na̱caja sáá ini i̱. Jáchi̱ na̱caja i̱ tá íin na̱sahnda Jesús nu̱ú i̱ caja i̱.

Hechos 9:36

Ta ndaja coo na̱sahi̱in in ñáñáha̱, ñá cúú cuéntá Jesús ñuu Jope. Ta mé ñáñáha̱ yóho naní ñá Tabita ta tu̱hun griego cáchí na̱ Dorcas xi̱hi̱n ñá. Ta mé Dorcas yóho níí tiempo na̱ndi̱hi ini ñá cája ñá ña̱ma̱ni̱ xi̱hín ña̱yivi ta na̱chindeé ñá na̱ nda̱hví.

Hechos 9:38

Ta yati va ñéhe táhan ñuu Jope cán xi̱hín ñuu Lida nu̱ íin Pedro. Tá na̱canda̱a̱ ini na̱ cúú cuéntá Jesús ña̱ íin yati Pedro já na̱chindahá na̱ i̱vi̱ da̱ta̱a na̱sa̱ha̱n da̱ cana da Pedro ña̱ ná cu̱hu̱n quíi̱ dá ñuu Jope cán.

Hechos 9:42

Tócó ndihi ña̱yivi ñuu Jope cán na̱canda̱a̱ ini na ña̱ na̱nditacu Dorcas chí cua̱ha̱ ná na̱candúsa na Jesús ta na̱ndi̱hvi na íchi̱ cuéntá mé á.

Hechos 9:43

Ta chí na̱cando̱o Pedro cua̱há qui̱vi̱ ñuu Jope cán. Na̱cando̱o tóo da vehe in da̱ naní Simón, da̱ ndája vií níi̱ quíti̱.

Gálatas 1:16

já na̱jána̱ha̱ Ndióxi̱ Jesucristo, ja̱hyi a nu̱ú i̱ já ná cuu ca̱xi tu̱hun i̱ tu̱hun va̱ha sa̱ha̱ mé á nu̱ú na̱ co̱ó na̱quixi chi̱chi Israel. Ta mé tiempo cán co̱ó na̱sa̱ha̱n i̱ ca̱ha̱n i̱ xi̱hín ni in ña̱yivi sa̱há ña̱ na̱jána̱ha̱ Ndióxi̱ nu̱ú i̱.