Hechos 1:10 - Mixtec Silacayoapan

¹⁰ Ta nani ndíta na̱ cán sánde̱hé na̱ nu̱ú na̱ndaa Jesús cua̱ha̱n indiví já na̱ndicoto nihni na ta sa̱ ndíta i̱vi̱ ta̱a ndíxi jahmá yaa jíi̱n ná.

Hechos 1:10 ပူးပေါင်းရင်းမြစ်များ

San Mateo 17:2

Ta nu̱ táhyí mé na̱ cán na̱ndija̱ma quia̱hva cáa. Ta a̱ ju̱ú quia̱hva na̱ndiyéhe̱ nu̱u̱ á tá quia̱hva ndíyéhe̱ ca̱ndii. Ta jáhma̱ ndíxi a na̱ndiyaa ca̱chi̱ ña̱ ta chí a̱ ju̱ú quia̱hva yéhe̱ ña̱.

San Mateo 28:3

Ta yéhe̱ mé táto̱ Ndióxi̱ cán tá quia̱hva yéhe̱ tasa. Ta jáhma̱ ndíxi a cúú á jahmá yaa ca̱chi̱.

San Marcos 16:5

Ta tá na̱ndi̱hvi na mé cáva̱ cán já na̱xini na cáa íin in da̱ta̱a ndíxí jahmá yaa ña̱ cáni̱. Íin coo da xoo cuáha ta cúú dá da̱ yúta̱. Tá na̱xini na̱ji̱hí yóho da̱ cán chí na̱yi̱hví na̱.

San Lucas 24:4

Ta chí na̱yi̱hví na̱ ta co̱ xíni̱ na̱ ndía̱ caja na. Ta jo̱náá va na̱xini na ndíta i̱vi̱ da̱ta̱a yati jíi̱n ná. Ta a̱ ju̱ú quia̱hva ndató yéhe̱ jáhma̱ ndíxi da̱ cán.

San Juan 20:12

Já na̱xini ñá i̱vi̱ táto̱ Ndióxi̱, ña̱ ndíxi jahmá yaa. Ndáa ndúu coo a nu̱ú na̱sahi̱in yiquí cu̱ñu Jesús: in a nu̱ú na̱sahi̱in ji̱ni̱ Jesús ta inga nu̱ú na̱sahi̱in sa̱há.

Hechos 10:3

In qui̱vi̱ tátu̱hun ca̱a u̱ni̱ sa̱hini nani xíca̱ ta̱hví da̱ nu̱ Ndióxi̱ já na̱xini cáxí táhyí da̱ na̱qui̱hvi in táto̱ Ndióxi̱ ini vehe nu̱ ndáca̱a̱n da̱ já na̱cachi a já xi̱hi̱n dá: —Cornelio.

Hechos 10:30

A̱nda̱ já na̱nducú ñehe Cornelio tu̱hun nu̱ Pedro já cáchí da̱ já: —Ja̱nda̱ co̱mí qui̱vi̱ tátu̱hun hora viti, xíjuhun i̱ ta xíca̱ ta̱hví i̱ nu̱ Ndióxi̱ ndáca̱a̱n i̱ vehe e̱. Ta tá na̱sande̱hé e̱ já na̱xini i̱ in da̱ta̱a ndíxí jahmá yéhe̱ cándichi da nu̱ú i̱.

Apocalipsis 3:4

Joo mé a̱ nda̱a̱ ndúu java ndó mé Sardis ja̱n, na̱ co̱ó na̱caja quini mé xi̱hín cua̱chi. Sa̱há ña̱ cán quéa̱ cuu candixi na jahmá yaa ta já cuu caca tuun na xi̱hín i̱ jáchi̱ íin sa̱há caja na já.

Apocalipsis 7:14

Já na̱nducú ñehe e̱ tu̱hun nu̱ ná já na̱cachi i̱ já xi̱hi̱n ná: —Ye̱he̱ co̱ xíni̱ toho i̱ joo mé ndó sa̱ xíni̱ va̱ha ndó ndá na̱ cúú ña̱yivi yóho —na̱cachi i̱ xi̱hi̱n ná. Ta já na̱cachi na já xi̱hín i̱: —Na̱ ndíxi jahmá yaa yóho cúú ná na̱ na̱ya̱ha nu̱ú cua̱há ndiva̱ha tondóhó mé qui̱vi̱ tá na̱ndoho ndiva̱ha ini na. Ta viti sa̱ na̱ndoo cua̱chi na xi̱hín ni̱i̱ Jesús, mé a̱ cúú tátu̱hun ndicachi loho.