Efesios 4:8 - Mixtec Silacayoapan

⁸ Sa̱há ña̱ cán quéa̱ cáchí tu̱hun Ndióxi̱ já: Na̱quee va̱ha mé á xi̱hín na̱ i̱hvi̱ a̱ ta na̱sa̱ndaca mé á na̱ tá na̱ndicó co̱o a na̱ndaa indiví. A̱nda̱ já na̱sa̱ha̱n ta̱hvi̱ nu̱ú in in ña̱yivi, na̱cachi tu̱hun Ndióxi̱.

Efesios 4:8 ပူးပေါင်းရင်းမြစ်များ

Efesios 4:11

Ta tá na̱sa̱ha̱n ta̱hvi̱ nu̱ú in in ña̱yivi já na̱ñe̱he̱ táhvi̱ java na cacuu na̱ apóstol ta java na cacuu na profeta ta java na caca nuu na ca̱ha̱n na̱ tu̱hun Ndióxi̱ ña̱ cuu jáca̱cu ña̱yivi. Ta java na na̱ñe̱he̱ táhvi̱ ná cacuu na na̱ cómí cuéntá sa̱há na̱ cúú cuéntá mé á ta java na cacuu na na̱ jána̱ha̱ tu̱hun Ndióxi̱ nu̱ú ña̱yivi.

Colosenses 2:15

Ta tá na̱xi̱hi̱ a̱ ndi̱ca crúxu̱ já na̱quee va̱ha mé á xi̱hín tiñáhá sa̱cua̱ha̱ ta na̱quee va̱ha mé á xi̱hi̱n rí quini, rí sáhndá chuun nu̱ú ña̱yivi ñuyíví. Ta sa̱há ña̱ na̱jácacahan Jesús nu̱u̱ ri̱ nu̱ú ña̱yivi sa̱há ña̱ cán quéa̱ a̱ cu̱ú chinúu ga̱ rí cua̱chi ja̱ta̱ yó viti. Xi̱hín ña̱ na̱caja Jesucristo yóho na̱jána̱ha̱ Ndióxi̱ nu̱ yo̱ ña̱ a̱ cu̱ú ga̱ caja tiñáhá sa̱cua̱ha̱ ni in ña̱ha xo̱ho̱.