Apocalipsis 9:8 - Mixtec Silacayoapan

⁸ Ta tá quia̱hva íin ijí ji̱ni̱ na̱ji̱hí quia̱hva já íin ijí ji̱ni̱ ri̱. Ta tá quia̱hva ndáa nu̱hu león quia̱hva já ndáa nu̱hu rí.

Apocalipsis 9:8 ပူးပေါင်းရင်းမြစ်များ

Romanos 9:29

Ta já na̱cachi tucu Isaías já sa̱nahá: Tá quia̱hva na̱caja Ndióxi̱ na̱jándihi a sa̱há ña̱yivi ñuu Sodoma xi̱hín ñuu Gomorra quia̱hva já caja Ndióxi̱ jándihi a sa̱ha̱ yo̱, nduu. Joo sa̱há ña̱ na̱ta̱hvi̱ ini Ndióxi̱ sa̱há na̱ Israel sa̱há ña̱ cán quéa̱ co̱ó na̱jándihi a sa̱ha̱ ná, já cáchí tu̱hun Ndióxi̱.

1 Timoteo 2:9

Jári co̱ ndítahan nu̱ú na̱ji̱hí candixi na jahmá lánda̱. Ta ná a̱ cája lánda̱ ná xi̱hi̱n ijí ji̱ni̱ ná. Ta ná a̱ ndíhi ini na caja cutú na̱ mé ná xi̱hín ña̱ha jiu̱hu̱n cuáán á xi̱hi̱n jíqui̱ ya̱hvi tátu̱hun perla. Ta ná a̱ cándixi na jahmá ya̱hvi ña̱ cája lánda̱ ná xi̱hi̱n.

1 Pedro 3:3

A̱ ndíhi na̱há ini ndó caja cutú ndó mé ndó xi̱hín ña̱ha ña̱ cuu cana̱ha̱ lánda̱ ndó xi̱hi̱n, tátu̱hun ña̱ chuhun lánda̱ ndó yútu̱ ji̱ni̱ ndo̱ á tátu̱hun ña̱ cañuhu lánda̱ jíqui̱ ji̱co̱ ndo̱. Ta a̱ ndíhi ini ndó cañuhu lánda̱ jéhe̱ ndáha̱ ndo̱. Ta a̱ ndíhi ini ndó candixi ndó jáhma̱ lánda̱. A̱ ndíhi ini ndó sa̱ha̱ tócó ndihi ña̱ yóho.