Apocalipsis 6:4 - Mixtec Silacayoapan

⁴ Ta já na̱xini i̱ na̱queta inga cuáyi̱ ta cúú rí rí cuáhá. Ta mé da̱ cánúu ja̱ta̱ ri̱ cán na̱ñe̱he̱ táhvi̱ dá jácani táhan da ña̱yivi ndúu ñuyíví. Ta na̱ñe̱he̱ táhvi̱ dá caja da ña̱ ná cahní ndaja táhan mé ña̱yivi ndúu ñuyíví. Ta na̱xini i̱ na̱ñe̱he̱ dá in yuchú cáni ña̱ cáhnu cáñee a ndáha̱ dá.

Apocalipsis 6:4 ပူးပေါင်းရင်းမြစ်များ

San Mateo 10:34

ʼA̱ cáhán toho ndó ña̱ na̱xi̱nu̱ i̱ ñuyíví yóho caja i̱ ña̱ ná coo va̱ha ini ña̱yivi. Co̱ cája i̱ já. Jáchi̱ ña̱ va̱xi ye̱he̱ caja i̱ quéa̱ ná cahnda java táhan na.

San Mateo 24:6

Ta ja̱ndá joho ñe̱he̱ ndó tu̱hun ña̱ ndicui̱ta ña̱yivi cani táhan na yóho á cáa. Joo a̱ cáyi̱hví toho ndó jáchi̱ já ndítahan coo. Joo ña̱ yóho co̱ cúni̱ cachi a ña̱ na̱xi̱nu̱ co̱o qui̱ví nu̱ ndíhí.

San Juan 19:11

A̱nda̱ já na̱nducú ñehe Jesús tu̱hun nu̱ dá já na̱cachi a já xi̱hi̱n dá: —Ni in túhún toho ña̱ha co̱ núná nu̱ ndó caja ndó xi̱hín i̱ tá co̱ sáhan Ndióxi̱, tátá i̱ ña̱ma̱ni̱ nu̱ ndo̱. Joo mé a̱ nda̱a̱ íin chága̱ cua̱chi nu̱ú da̱ na̱ndiquia̱hva ye̱he̱ ndáha̱ ndó a̱ ju̱ú ga̱ ndóhó —na̱cachi Jesús.

Apocalipsis 12:3

Tá na̱ndihi já na̱ya̱ha inga ña̱ha cáhnu indiví. Na̱xini i̱ in co̱o quini, rí cuáhá. Ta íin u̱sa̱ ji̱ni̱ ri̱ xi̱hi̱n u̱xu̱ ndíqui̱ ri̱. Ta cánúu in ti̱yi̱vi̱ ja̱tá in in yiquí jíní ri̱ cán.

Apocalipsis 13:10

Ndá na̱ ná chica̱a̱n in na veca̱a, cu̱hu̱n ri mé va na veca̱a. Ta ndá na̱ ná cahní inga na xi̱hi̱n yuchú cáni̱, xi̱hi̱n yuchú cáni̱ quivi ri mé va na. Sa̱há ña̱ cán quéa̱ xíní ñúhú quia̱hva ndeé ini na̱ cúú cuéntá Ndióxi̱ ta xíní ñúhú candeé cáhnu ini na mé á.

Apocalipsis 17:3

A̱nda̱ já na̱caja ínima̱ yi̱i̱ Ndióxi̱ xi̱hín i̱ ña̱ ndáca táto̱ Ndióxi̱ ye̱he̱ na̱sa̱ha̱n i̱ yucú íchí xi̱hi̱n á. Ta cán na̱xini i̱ in ñáñáha̱ cánúu ja̱tá in quití quini, rí cuáhá. Ta níí cúú rí na̱cacutú xi̱hín tu̱hun quini ña̱ cána̱há xi̱hi̱n Ndióxi̱. Ta na̱xini i̱ íin u̱sa̱ yiquí jíní ri̱ xi̱hín u̱xu̱ ndíqui̱ ri̱.

Apocalipsis 17:6

Tá na̱ndihi já náha̱ ña̱ na̱xi̱ni ndiva̱ha mé ñáñáha̱ jáchi̱ na̱xihi ñá ni̱í na̱ cúú cuéntá Ndióxi̱, na̱ na̱xi̱hi̱ sa̱há ña̱ co̱ó na̱jándacoo na cáha̱n na̱ sa̱ha̱ Jesús. Ta tá na̱xini i̱ ña̱ yóho já na̱catóntó ndiva̱ha i̱.