Apocalipsis 22:20 - Mixtec Silacayoapan

²⁰ Ta sáhan Jesús tu̱hun sa̱ha̱ tócó ndihi ña̱ yóho já cáchí a̱ já: —Mé a̱ nda̱a̱ sa̱ sa̱a̱ ya̱chi̱ vi̱ —cáchí a̱. Já ná coo. Naha quíi̱ ndó Jesús, xitoho nde̱.

Apocalipsis 22:20 ပူးပေါင်းရင်းမြစ်များ

San Juan 21:25

Cua̱há ndiva̱ha nu̱ú ña̱ha na̱caja chága̱ Jesús. Tá ná cacu ini i̱ ca̱hyí i̱ tá in tá in ña̱ na̱caja mé á, cája i̱ cuéntá a̱ quéta toho ñuyíví yóho coo libro ca̱ha̱n sa̱há ña̱ na̱caja mé á. Já ná coo.

1 Corintios 16:22

Ta ndá na̱ co̱ quíhvi̱ ini Jesucristo já ná cu̱hu̱n cháhan ja̱ta̱ ná. Cama chá ná quixi Jesucristo, xitoho í.

2 Timoteo 4:8

Ta viti ndáti i̱ casa̱a̱ qui̱vi̱ caja vií Jesucristo, xitoho í sa̱ha̱ tócó ndihi ña̱yivi. Mé tiempo cán ndiquehe e̱ ña̱ quia̱hva mé á nu̱ú i̱ sa̱há ña̱ na̱caja i̱ ña̱ nda̱a̱. Ta quia̱hva já caja Jesucristo, mé á cúú ña̱ nda̱a̱ xi̱hín java ga̱ ña̱yivi, mé na̱ cáji̱i̱ ini ndáti na casa̱a̱ qui̱ví quixi tucu a ñuyíví.

Hebreos 10:37

Jáchi̱ já cáchí tu̱hun Ndióxi̱ já: Ja̱lóho cúni̱ ta já quixi mé a̱ ndítahan nu̱u̱ quixi ta a̱ cáyáncá toho a.

Hebreos 9:28

Ta quia̱hva já in tañu cuití va na̱xi̱hi̱ Jesucristo ndi̱ca crúxu̱ jándoo a cua̱chi cua̱há ña̱yivi. Ta tandaa qui̱vi̱ quixi tucu mé á ñuyíví yóho joo a̱ quíví ga̱ ña̱ jáchi̱ quixi a ndique̱he a na̱ ndáti tia̱hva cu̱hu̱n coo xi̱hi̱n mé á indiví.

Apocalipsis 1:18

Tácú tá tácú va ye̱he̱. Mé a̱ nda̱a̱ na̱sa̱cuu u̱ ndi̱i joo viti tácú u̱ ta catacu u̱ a̱nda̱ ama cáa qui̱vi̱. Ta ye̱he̱ na̱quee va̱ha i̱ tá na̱nditacu tucu u̱ tañu ndi̱i ta viti cómí i̱ cuéntá sa̱há nu̱ ndúu ínima̱ na̱ sa̱ na̱xi̱hi̱.

Apocalipsis 1:2

Ta ndícani nda̱a̱ ndihi i̱ sa̱há ña̱ na̱xini i̱ xi̱hín nu̱ú i̱ ta na̱ca̱hyí i̱ tócó ndihi ña̱ yóho. Ta na̱sa̱ha̱n Jesucristo tu̱hun a nu̱ú i̱ ña̱ cúú á ña̱ nda̱a̱.

Apocalipsis 2:16

Xíní ñúhú ndicó co̱o ini ndó ta caca va̱ha ndó íchi̱ cuéntá mí i̱. Á tá co̱ó ta sa̱a̱ ya̱chi̱ nu̱ ndúu ndó ja̱n. Ta xi̱hín tu̱hun ca̱ha̱n i̱ cani táhan i̱ xi̱hín na̱ cája cua̱chi ja̱n. Ta mé tu̱hun ca̱ha̱n i̱ cacuu a tátu̱hun yúchu̱ cáni̱ ña̱ cana yuhú u̱.

Apocalipsis 22:10

Tá na̱ndihi já na̱cachi tucu a já xi̱hín i̱: —A̱ chíje̱hé tu̱hún sa̱há tu̱hun Ndióxi̱, ña̱ ndáa̱ nu̱ libro yóho jáchi̱ sa̱ na̱cayati tiempo xi̱nu̱ nu̱u̱ á coo a.

Apocalipsis 22:12

Ta já na̱cachi Jesús já xi̱hín i̱: —Cande̱hé. Sa̱ sa̱a̱ ya̱chi̱ vi̱. Ta va̱xi i̱ ñéhe e̱ ya̱hvi quehe in in ña̱yivi. Ta ndiquia̱hva i̱ nu̱ú in in na ña̱ ndítahan quehe na sa̱há ña̱ na̱caja na.

Apocalipsis 22:18

Ta ña̱ yóho quéa̱ cúni̱ cachi i̱ xi̱hi̱n tócó ndihi ndó, na̱ xíni̱ jo̱ho ña̱ ndáa̱ nu̱ libro yóho: Ta ndá na̱ ná chinúu chága̱ tu̱hun ja̱tá ña̱ sa̱ cáha̱n libro yóho já quéa̱ chinúu ri Ndióxi̱ tondóhó, ña̱ ndáa̱ nu̱ libro yóho ja̱ta̱ ná.

Apocalipsis 22:7

Ta já cáchí Jesús já: —Sa̱ sa̱a̱ ya̱chi̱ va ye̱he̱. Caji̱i̱ ini na̱ cándúsa tu̱hun cáha̱n sa̱há ña̱ ya̱ha chí nu̱u̱, ña̱ ndáa̱ nu̱ libro yóho —cáchí a̱.