Apocalipsis 18:8 - Mixtec Silacayoapan

⁸ Sa̱há ña̱ cán quéa̱ ti̱xi in tála̱á qui̱vi̱ quixi tá nu̱ú ña̱ núu nu̱ ná. Já casáhá quivi na ta cacuéha̱ ndiva̱ha ini na ta xi̱nu̱ jo̱co nu̱ ná. Ta já chica̱a̱n Ndióxi̱ na̱ nu̱ ñúhu̱ cáyi̱ jáchi̱ jándihi Ndióxi̱, xitoho í sa̱ha̱ ná, mé a̱ íin ndée̱ cája tócó ndihi ña̱ha —cáchí a̱.

Apocalipsis 18:8 ပူးပေါင်းရင်းမြစ်များ

1 Corintios 10:22

A̱ cája ndó ña̱ yóho jáchi̱ cúú á tátu̱hun cúni̱ ndó jáco̱jo̱ ndó ini Ndióxi̱. Xíní ñúhú ndicu̱hu̱n ini ndó ña̱ co̱ cúú ndó na̱ ndacú chága̱ a̱ ju̱ú ga̱ Ndióxi̱.

Apocalipsis 11:17

Já na̱cachi na já xi̱hi̱n á: Ndíquia̱hva nde̱ ndixa̱hvi nu̱ ndóhó, Ndióxi̱, xitoho nde̱, mé a̱ íin ndée̱ caja tócó ndihi ña̱ha. Ja̱nda̱ tá cáma̱ní ca̱va̱ sáhá sa̱ha̱ ñuyíví na̱sahi̱in va mé ndó. Ta sa̱ já íin ndó viti ta quixi tucu ndó. Ndáha̱ mé ndó íin ndihi ndée̱ viti sa̱há ña̱ cán quéa̱ na̱casáhá ndo̱ sáhndá ndo̱ chuun nu̱ú ña̱yivi.

Apocalipsis 17:16

Ta ndíhu̱xu̱ ndíqui̱ na̱xinún nu̱ú quití quini ja̱n cúú á yuhú nu̱u̱ mé u̱xu̱ rey, na̱ candají ñá xíca ji̱i̱ ja̱n. Ta jándacoo na ña̱ ta já caca lahla ñá. Ta caxí ndáá na̱ yiquí cu̱ñu ñá. Ta chica̱a̱n ñúhu̱ ná ña̱ xi̱hi̱n ñúhu̱ cáyi̱.

Apocalipsis 17:18

Ta ñáñáha̱ na̱xinún cán cúú ñá yuhú nu̱u̱ ñuu cáhnu cán ña̱ sáhndá chuun nu̱ú ndaja táhan na̱ cúú rey —cáchí táto̱ Ndióxi̱ cán.

Apocalipsis 18:17

Joo in too joho na̱ndihi sa̱ha̱ tócó ndihi ña̱ cuícá na̱sacomí mé ñuu Babilonia ja̱n —na̱cachi na. Ta ndijáá na̱ sáhndá chuun nu̱ú na̱ ñéhe barco, xi̱hín ndijáá na̱ cándójó xíca xi̱hín ndijáá na̱ cája chúun ini mé barco cán xi̱hín ndaja táhan na cája nda̱hvi̱ xi̱hín ña̱ quixi chí tañu̱hú cán na̱sandita xícá na̱ sánde̱hé na̱.

Apocalipsis 18:19

Ta xi̱hín ña̱ táhnda̱ ini na na̱chojó na̱ ña̱ yácá ji̱ni̱ ná. Ta na̱casáhá sácu ndiva̱ha na já cáyuhú na̱ já cáchí na̱ já: —Ay, ay, ndáhví na̱há na̱cuu ña̱yivi na̱sanduu ñuu cáhnu ja̱n jáchi̱ xi̱hín ña̱ cuícá na̱sacomí na̱ na̱jácacuícá na̱ ndijáá da̱ xíca nu̱ú tañu̱hú xi̱hi̱n barco. Joo in too joho na̱ndihi sa̱há ña̱ ja̱n —cáchí na̱ cán sácu na.

Apocalipsis 19:3

Tá na̱ndihi já na̱casáhá tucu na̱ cán cáha̱n na̱ já cáchí na̱ já: —Cáhnu cúú Ndióxi̱ jáchi̱ na̱caja mé á ña̱ cáyi̱ ñuu cán ta a̱nda̱ ama cáa qui̱vi̱ ndíndita ñi̱hma̱ ña̱ —já cáchí na̱ indiví cán.