Apocalipsis 18:21 - Mixtec Silacayoapan

²¹ Tá na̱ndihi já na̱xini i̱ in táto̱ Ndióxi̱, ña̱ íin cua̱ha̱ ndée̱. Ndíñehe a in yu̱u̱ cáhnu ña̱ cúú á tátu̱hun in yu̱ú yo̱jó. Ta na̱jácana a ña̱ ini tañu̱hú ta já na̱cachi a já: —Tá quia̱hva na̱jácana i̱ yu̱ú yo̱jó yóho ini tañu̱hú ta na̱saco̱o a ca̱há tañu̱hú cua̱ha̱n quia̱hva já ya̱ha ri xi̱hín ñuu Babilonia. Va̱tí cúú a in ñuu cáhnu ndiva̱ha joo a̱nda̱ ama cáa qui̱vi̱ a̱ ndícó co̱o ga̱ ña̱yivi cuni na ña̱.

Apocalipsis 18:21 ပူးပေါင်းရင်းမြစ်များ

Apocalipsis 10:1

A̱nda̱ já na̱xini i̱ inga táto̱ Ndióxi̱, ña̱ íin cua̱há ndiva̱ha ndée̱. Na̱nuu a indiví na̱quee a va̱xi a tañu in vi̱co̱ ta cánúu in co̱o̱ yánquí ji̱ni̱ á. Ta yéhe̱ nu̱u̱ á tá quia̱hva yéhe̱ ca̱ndii. Ta sa̱há cúú á tátu̱hun i̱vi̱ ji̱hi̱n cándaha xi̱hi̱n ñúhu̱.

Apocalipsis 12:8

Joo co̱ó na̱cuu quee va̱ha co̱o quini cán xi̱hi̱n táto̱ Ndióxi̱ ña̱ cán quéa̱ co̱ó na̱cuu canduu chága̱ rí cán indiví.

Apocalipsis 16:20

Ta tócó ndihi isla ñúhu ini tañu̱hú xi̱hín ndijáá java ga̱ yúcu̱ ndúu ja̱ta̱ ñundáhyi̱ na̱ndihi sa̱há.

Apocalipsis 18:10

Ta xícá xícá na̱sa̱candichi na jáchi̱ yíhví na̱ sa̱há ndá quia̱hva quini ndóho ini ñá cúú yuhú nuu ñuu Babilonia cán. Ta já casáhá cáchí mé rey cán já: —Ay, ay, ndáhví na̱há na̱cuu ndó, ñuu Babilonia jáchi̱ va̱tí cúú ndó ñuu cáhnu ndiva̱ha joo in too joho na̱xi̱nu̱ hora ndóho ini ndó —cáchí na̱ cán.

Apocalipsis 18:22

Ta ni música a̱ tácu̱ ga̱ mé ñuu ja̱n ta ni a̱ cáha ga̱ arpa ni tóyo̱ó ni trompeta. Ta ni in ga̱ ña̱yivi a̱ cája chúun ga̱ ñuu ja̱n jáchi̱ ni in túhún toho nda̱hvi̱ a̱ cája na. Ta ni a̱ tácu̱ ga̱ yu̱ú yo̱jó ña̱ ndíco na̱ji̱hí.

Apocalipsis 20:11

Tá na̱ndihi já na̱xini i̱ in táyi̱ cáhnu, dó yaa ca̱chi̱ nu̱ sáco̱o Ndióxi̱. Ta nu̱u̱ mé á na̱ndiñúhú tócó ndihi ñuyíví xi̱hín indiví ta chí a̱ vája ga̱ cuu cuní ña̱.

Apocalipsis 5:2

Ta já na̱xini i̱ in táto̱ Ndióxi̱, ña̱ íin ndiva̱ha ndée̱ a̱. Ta na̱xini jo̱ho i̱ cáha̱n cóhó a̱ ta ndáca̱ tu̱hún a̱ já cáchí a̱ já: —Ndá na̱ cúú na̱ íin sa̱ha̱ cahnda ndíhu̱sa̱ sello yóho já ná cuná na̱ mé libro ña̱ na̱ti̱ví tuun cán —na̱cachi mé táto̱ Ndióxi̱ cán.