Apocalipsis 17:12 - Mixtec Silacayoapan

¹² ʼTa ndíhu̱xu̱ ndíqui̱ na̱xinún yóho cúú á yuhú nu̱ú u̱xu̱ rey, mé na̱ cáma̱ní casáhá cahnda chuun nu̱ú ña̱yivi ndúu ñuyíví. Joo in tála̱á hora ñe̱he̱ táhvi̱ na̱ cahnda na chuun xi̱hi̱n mé quití quini cán nu̱ú ña̱yivi tátu̱hun rey.

Apocalipsis 17:12 ပူးပေါင်းရင်းမြစ်များ

Apocalipsis 10:11

A̱nda̱ já na̱tahnda chuun nu̱ú i̱ já na̱cachi a já xi̱hín i̱: —Ndítahan nu̱u̱n ca̱xi tu̱hun tucún xi̱hín ña̱yivi ña̱ cáha̱n Ndióxi̱ sa̱há cua̱há ndiva̱ha ñuu xi̱hín cua̱há ndiva̱ha nación nu̱ cáha̱n na̱ ndijáá tu̱hun. Ta xíní ñúhú ca̱xi tu̱hún ña̱ nu̱ú ndijáá na̱ cómí cuéntá sa̱há ñuyíví —na̱cachi a xi̱hín i̱.

Apocalipsis 12:3

Tá na̱ndihi já na̱ya̱ha inga ña̱ha cáhnu indiví. Na̱xini i̱ in co̱o quini, rí cuáhá. Ta íin u̱sa̱ ji̱ni̱ ri̱ xi̱hi̱n u̱xu̱ ndíqui̱ ri̱. Ta cánúu in ti̱yi̱vi̱ ja̱tá in in yiquí jíní ri̱ cán.

Apocalipsis 13:1

Tá cándichi i̱ nu̱ú ñu̱tí yuhú tañu̱hú já na̱xini i̱ na̱queta in quití quini tañu tañu̱hú cán. Ta na̱sahi̱in u̱sa̱ yiquí jíní ri̱ xi̱hín u̱xu̱ ndíqui̱ ri̱. Ta cánúu in ti̱yi̱vi̱ ja̱tá in in ndíqui̱ ri̱. Ta ndáa̱ tu̱hun ña̱ cána̱há xi̱hi̱n Ndióxi̱ nu̱ú in in yiquí jíní ri̱.

Apocalipsis 17:16

Ta ndíhu̱xu̱ ndíqui̱ na̱xinún nu̱ú quití quini ja̱n cúú á yuhú nu̱u̱ mé u̱xu̱ rey, na̱ candají ñá xíca ji̱i̱ ja̱n. Ta jándacoo na ña̱ ta já caca lahla ñá. Ta caxí ndáá na̱ yiquí cu̱ñu ñá. Ta chica̱a̱n ñúhu̱ ná ña̱ xi̱hi̱n ñúhu̱ cáyi̱.

Apocalipsis 18:10

Ta xícá xícá na̱sa̱candichi na jáchi̱ yíhví na̱ sa̱há ndá quia̱hva quini ndóho ini ñá cúú yuhú nuu ñuu Babilonia cán. Ta já casáhá cáchí mé rey cán já: —Ay, ay, ndáhví na̱há na̱cuu ndó, ñuu Babilonia jáchi̱ va̱tí cúú ndó ñuu cáhnu ndiva̱ha joo in too joho na̱xi̱nu̱ hora ndóho ini ndó —cáchí na̱ cán.

Apocalipsis 18:17

Joo in too joho na̱ndihi sa̱ha̱ tócó ndihi ña̱ cuícá na̱sacomí mé ñuu Babilonia ja̱n —na̱cachi na. Ta ndijáá na̱ sáhndá chuun nu̱ú na̱ ñéhe barco, xi̱hín ndijáá na̱ cándójó xíca xi̱hín ndijáá na̱ cája chúun ini mé barco cán xi̱hín ndaja táhan na cája nda̱hvi̱ xi̱hín ña̱ quixi chí tañu̱hú cán na̱sandita xícá na̱ sánde̱hé na̱.

Apocalipsis 18:19

Ta xi̱hín ña̱ táhnda̱ ini na na̱chojó na̱ ña̱ yácá ji̱ni̱ ná. Ta na̱casáhá sácu ndiva̱ha na já cáyuhú na̱ já cáchí na̱ já: —Ay, ay, ndáhví na̱há na̱cuu ña̱yivi na̱sanduu ñuu cáhnu ja̱n jáchi̱ xi̱hín ña̱ cuícá na̱sacomí na̱ na̱jácacuícá na̱ ndijáá da̱ xíca nu̱ú tañu̱hú xi̱hi̱n barco. Joo in too joho na̱ndihi sa̱há ña̱ ja̱n —cáchí na̱ cán sácu na.