Apocalipsis 16:7 - Mixtec Silacayoapan

⁷ Tá na̱ndihi já na̱xini jo̱ho i̱ in a cáha̱n nu̱ náa̱ Ndióxi̱ cán já cáchí a̱ já: —Tátá Ndióxi̱, mé ndó cúú ndó xitoho nde̱ ta íin ndée̱ ndó caja ndó tócó ndihi ña̱ha. Ta na̱caja ndó ña̱ nda̱a̱ tá na̱caja vií ndó sa̱há ña̱yivi —cáchí a̱.

Apocalipsis 16:7 ပူးပေါင်းရင်းမြစ်များ

Apocalipsis 1:8

Ta já cáchí Jesucristo, xitoho í sa̱ha̱ mé á: “Ye̱he̱ cúú mé a̱ nu̱ cuítí ta ye̱he̱ cúú mé a̱ nu̱ ndíhí jáchi̱ ja̱nda̱ tá cáma̱ní ca̱va̱ sáhá sa̱ha̱ tócó ndihi ña̱ha sa̱ íin va ye̱he̱ ta coo tá coo i̱ va̱tí ná ndihi sa̱há”, cáchí a̱. Mé a̱ cúú Ndióxi̱, ña̱ íin ndée̱ cája tócó ndihi ña̱ha. Ta mé á íin a viti ta na̱sahi̱in a ja̱nda̱ tá cáma̱ní ca̱va̱ sáhá sa̱ha̱ ñuyíví ta quixi a ñuyíví yóho.

Apocalipsis 13:10

Ndá na̱ ná chica̱a̱n in na veca̱a, cu̱hu̱n ri mé va na veca̱a. Ta ndá na̱ ná cahní inga na xi̱hi̱n yuchú cáni̱, xi̱hi̱n yuchú cáni̱ quivi ri mé va na. Sa̱há ña̱ cán quéa̱ xíní ñúhú quia̱hva ndeé ini na̱ cúú cuéntá Ndióxi̱ ta xíní ñúhú candeé cáhnu ini na mé á.

Apocalipsis 14:10

já quéa̱ ndoho ndiva̱ha ini na caja Ndióxi̱ jáchi̱ xójo̱ ndiva̱ha ini mé á xi̱hín ña̱yivi quini. Jácana Ndióxi̱ na̱ nu̱ cándaha ñúhu̱ cáyi̱ xi̱hín azufre ta cande̱hé tócó ndihi táto̱ Ndióxi̱ ta cande̱hé Jesús, mé a̱ cúú tátu̱hun ndicachi loho cán ña̱ ndóho na.

Apocalipsis 14:18

Ta nu̱ íin nu̱ náa̱ mé veñu̱hu cán na̱queta inga táto̱ Ndióxi̱, mé a̱ cómí cuéntá sa̱ha̱ ñúhu̱ i̱ta̱ ña̱ cáyi̱. Ta já na̱ca̱ha̱n cóhó a̱ xi̱hi̱n mé táto̱ Ndióxi̱ nu̱ cuítí cán, ña̱ cáñee machiti to̱jo je̱e̱n ndáha̱ cán já na̱cachi a já: —Xíní ñúhú jáqui̱hvún machiti to̱jo je̱e̱n cáñee ndáhu̱n ja̱n ta casáhá cahndún uva cúun nu̱ dó uva ndúu ñuyíví jáchi̱ sa̱ na̱chi̱chi uva nu̱ do̱ —na̱cachi a.

Apocalipsis 19:2

Jáchi̱ nda̱a̱ cája ndihi mé á ña̱ha tá cája vií a̱ sa̱há ña̱yivi. Ta nda̱a̱ na̱caja mé á tá na̱sacu ini a jándihi a sa̱há ñuu Babilonia ja̱n jáchi̱ na̱sa̱cuu a tátu̱hun ñá xíca ji̱i̱. Jáchi̱ xi̱hi̱n tócó ndihi ña̱ núu na̱sa̱caja ñá ña̱ quíji̱ ñá xi̱hín na̱ co̱ cúú yíi̱ ña̱ na̱játiví ndihi ñá ña̱yivi ndúu ñuyíví. Sa̱há ña̱ cán quéa̱ na̱jándihi Ndióxi̱ sa̱ha̱ ña̱ ta já na̱ta̱hnda̱ cuéntá sa̱há ña̱ na̱caja ñá tá na̱sahní ñá na̱ cúú cuéntá Ndióxi̱, cáchí na̱ cáha̱n indiví cán.

Apocalipsis 6:9

Ta tá na̱sahnda Jesús, mé a̱ cúú tátu̱hun ndicachi loho cán inga sello, ña̱ cáhu̱hu̱n já na̱xini i̱ in nu̱ náa̱ ta ti̱xi mé cán ndúu ínima̱ ña̱yivi, na̱ na̱xi̱hi̱ sa̱há ña̱ na̱ca̱xi tu̱hun na tu̱hun Ndióxi̱ nu̱ú ña̱yivi xi̱hín ndinuhu ini na.