Apocalipsis 16:4 - Mixtec Silacayoapan

⁴ Ta tá na̱ndihi já na̱cu̱yu táto̱ Ndióxi̱ ña̱ cáhu̱ni̱ cán ña̱ ñúhu ini co̱ho̱ ñéhe a ja̱ta̱ ndijáá yu̱ta xi̱hín ndijáá nu̱ cána ticui̱í ta na̱nduu dó ni̱i̱.

Apocalipsis 16:4 ပူးပေါင်းရင်းမြစ်များ

Apocalipsis 11:6

Ndíví mé testigo Ndióxi̱ yóho íin ndée̱ ná chicaji na indiví já ná a̱ cúun ja̱vi̱ nani cáha̱n na̱ cuéntá Ndióxi̱ nu̱ú ña̱yivi. Ta íin ndée̱ ná ndaja na ticui̱í ña̱ ná nduu dó ni̱i̱. Ta íin ndée̱ ná chica̱a̱n na̱ ndá cue̱he̱ cúni̱ mé ná chica̱a̱n na̱ ja̱tá ñuyíví yóho. Ta núná nu̱ ná caja na ña̱ ndaja tañu cúni̱ mé ná.

Apocalipsis 14:7

Ta já cáyuhú mé táto̱ Ndióxi̱ cán já cáchí a̱ já: —Xíní ñúhú cayi̱hví ndó Ndióxi̱ ta xíní ñúhú caja cáhnu ndó mé á jáchi̱ sa̱ na̱xi̱nu̱ co̱o qui̱vi̱ caja vií mé á sa̱há ña̱yivi. Xíní ñúhú caja cáhnu ndó mé á jáchi̱ mé á quéa̱ na̱cava̱ha indiví xi̱hín ñuyíví ta mé á quéa̱ na̱cava̱ha tañu̱hú xi̱hín ndijáá nu̱ cána ticui̱í —cáchí táto̱ Ndióxi̱ cán.

Apocalipsis 16:5

Tá na̱ndihi já na̱xini jo̱ho i̱ cáha̱n in táto̱ Ndióxi̱, mé a̱ cómí cuéntá sa̱há ticui̱í cán já cáchí a̱ já: —Tátá Ndióxi̱, mé ndó cája ndó ña̱ nda̱a̱ jáchi̱ na̱caja vií ndó sa̱há ña̱yivi ja̱n. Yi̱i̱ ndiva̱ha cúú ndó ta íin ndó viti ta ja̱nda̱ sa̱ha̱ na̱sahi̱in ndó.