Apocalipsis 14:11 - Mixtec Silacayoapan

¹¹ Ta cána ñi̱hma̱ ini nu̱ ñúhu mé na̱ ndóho ini cán a̱nda̱ ama cáa qui̱vi̱. Ta ni ñuú ni ndiví co̱ ndíquehe ndée̱ ná nu̱ ndóho ini na jáchi̱ na̱caja cáhnu na quití quini cán xi̱hín ti̱ni̱ñu yúú ri̱ ta na̱sa̱ha̱n na̱ ña̱ma̱ni̱ ña̱ na̱na̱ni marca qui̱vi̱ rí cán yiquí cu̱ñu na.

Apocalipsis 14:11 ပူးပေါင်းရင်းမြစ်များ

San Mateo 11:28

Naha ndihi ndó nu̱ú i̱, na̱ sa̱ na̱canaá cája chúun. Taxi ndó ña̱ ndójo ndó ja̱n nu̱ú i̱ ta já ye̱he̱ caja i̱ ña̱ ná ndiquehe ndée̱ ndo̱.

San Mateo 25:41

ʼA̱nda̱ já casáhá cachi i̱ já xi̱hín na̱ ndúu xoo íti i̱ cán já: “Caxoo ndó nu̱ú i̱ jáchi̱ cúú ndó na̱ na̱cata̱vi̱ cháhan ta cu̱hu̱n ndó indayá cañuhu ndó a̱nda̱ ama cáa qui̱vi̱. Jáchi̱ ña̱ ja̱n cúú ña̱ na̱sacu tia̱hva Ndióxi̱ ndaca̱a̱n tiñáhá sa̱cua̱ha̱ xi̱hi̱n táto̱ mé rí.

San Mateo 25:46

Ta já ya̱ha ndihi na̱ cán cu̱hu̱n ná indayá a̱nda̱ ama cáa qui̱vi̱. Ta na̱ na̱caja va̱ha cán ya̱ha na nu̱ Ndióxi̱ catacu na a̱nda̱ ama cáa qui̱vi̱ —cáchí Jesús.

Hebreos 1:8

Joo tá na̱ca̱ha̱n Ndióxi̱ sa̱há ja̱hyi a já na̱cachi a já: Yóhó cúún Ndióxi̱ ta cacomún cuéntá sa̱há ña̱yivi a̱nda̱ ama cáa qui̱vi̱, ta cáhndún chuun xi̱hín ña̱ nda̱a̱.

Apocalipsis 11:15

Ta táto̱ Ndióxi̱ ña̱ cáhu̱sa̱ cán na̱tiví a̱ inga trompeta. Ta tá na̱tiví a̱ do̱ já na̱xini jo̱ho i̱ cáha̱n cóhó cua̱ha̱ ná indiví. Já cáchí na̱ já: Ta viti na̱ndindaa hora sáhndá Ndióxi̱, xitoho í xi̱hi̱n Jesucristo chuun. Ta mé á quéa̱ na̱chindahá Ndióxi̱ cacomí a̱ cuéntá sa̱há ña̱yivi. Ta íin ndée̱ a̱ cahnda chuun nu̱ú ñuyíví yóho a̱nda̱ ama cáa qui̱vi̱, na̱cachi cua̱ha̱ ná mé indiví.

Apocalipsis 13:12

Ta na̱caja chúun rí tócó ndihi ndée̱ mé quití quini nu̱ cuítí cán nu̱ íin mé rí. Na̱caja rí ña̱ ná caja cáhnu tócó ndihi ña̱yivi ndúu ñuyíví mé rí na̱queta nu̱ cuítí cán. Jáchi̱ na̱ndicue̱he̱ cáhví ji̱ni̱ rí nu̱ cuítí cán joo na̱ndiva̱ha rí.

Apocalipsis 13:15

Ta mé rí cáhi̱vi̱ cán na̱ñe̱he̱ rí ña̱ma̱ni̱ ña̱ jánditacu rí tini̱ñu yúú mé rí nu̱ cuítí cán já ná cuu ca̱ha̱n ri̱. Ta já ná cuu cahnda rí chuun ña̱ ná cahní rí ña̱yivi, na̱ co̱ cúni̱ caja cáhnu mé rí quini cán.

Apocalipsis 13:17

Ta ni in ña̱yivi a̱ cu̱ú cueen na ña̱ha ta ni a̱ cu̱ú ji̱có na̱ ña̱ha tá co̱ó na̱na̱ni mé marca cán na̱. Ta tá co̱ cándaa qui̱vi̱ mé quití quini, rí nu̱ cuítí cán taan na á tá co̱ó numero mé rí cándaa taan na já quéa̱ a̱ cu̱ú cueen na ña̱ha jáchi̱ numero yóho náha̱ ndaja naní mé rí nu̱ cuítí cán.

Apocalipsis 14:9

Tá na̱ndihi já na̱xini i̱ na̱queta inga táto̱ Ndióxi̱, ña̱ cáhu̱ni̱. Ta na̱casáhá cáyuhú cóhó a̱ já cáchí a̱ já: —Ndá na̱ ná caja cáhnu quití quini xi̱hín ti̱ni̱ñu yúú ri̱ ta sáhan na ña̱ma̱ni̱ ña̱ ná na̱ni marca mé rí cán taan na á ndáha̱ na̱

Apocalipsis 18:18

Ta tá na̱xini na ndíndita ñi̱hma̱ ña̱ cáyi̱ ñuu cán já na̱cayuhú na̱ já na̱cachi na já: —Ni in túhún toho inga ga̱ ñuu co̱ quée táhan xi̱hín ñuu Babilonia ña̱ cáhnu yóho —na̱cachi na.

Apocalipsis 18:9

Ta já casáhá cuacu ndijáá rey, na̱ sáhndá chuun nu̱ú ña̱yivi ndúu ñuyíví. Ta ta̱hnda̱ ini na tá ná cuni na ñi̱hma̱ cána ñuu Babilonia cán. Jáchi̱ mé na̱ náhnu yóho na̱qui̱hvi nuu na xi̱hi̱n ñá xíca ji̱i̱ cán ta na̱játiví na̱ jiu̱hún na̱ xi̱hi̱n ña̱.

Apocalipsis 19:3

Tá na̱ndihi já na̱casáhá tucu na̱ cán cáha̱n na̱ já cáchí na̱ já: —Cáhnu cúú Ndióxi̱ jáchi̱ na̱caja mé á ña̱ cáyi̱ ñuu cán ta a̱nda̱ ama cáa qui̱vi̱ ndíndita ñi̱hma̱ ña̱ —já cáchí na̱ indiví cán.

Apocalipsis 20:10

Ta mé tiñáhá sa̱cua̱ha̱, mé rí na̱jándahvi ñahá cán jácana Ndióxi̱ ri̱ ini in mi̱ni nu̱ cándaha ñúhu̱ cáyi̱ xi̱hi̱n azufre. Ta sa̱ mé cán cúú nu̱ jácana mé á quití quini xi̱hín da̱ cúú profeta túhún. Ta cán cañuhu na ndoho ini na ñuú ta ndiví a̱nda̱ ama cáa qui̱vi̱.

Apocalipsis 22:5

Ta cán co̱ó toho ñuú coo. Ña̱ cán quéa̱ na̱ canduu cán a̱ cúní ñúhú ga̱ na̱ ñúhu̱ lámpara ta ni a̱ cúní ñúhú ga̱ na̱ ña̱ ná ye̱he̱ ca̱ndii jáchi̱ mé Ndióxi̱, xitoho na jándiye̱he̱ a̱ nu̱ ná. Ta cahnda na chuun tátu̱hun rey a̱nda̱ ama cáa qui̱vi̱.

Apocalipsis 7:12

Já cáchí na̱ já: Já ná coo. Cája cáhnu nde̱ ndo̱hó ta ndíñehe jícó nde̱ qui̱vi̱ mé ndó. Jáchi̱ ndíchí ndiva̱ha ji̱ni̱ ndo̱ ta ndiquia̱hva nde̱ ndixa̱hvi nu̱ ndo̱. Ta ndítahan coo toní ñúhú nde̱ xi̱hi̱n ndo̱ jáchi̱ mé ndó cúú ndó ña̱ íin ndée̱ cája tócó ndihi ña̱ha. Ta já ná coo tócó ndihi ña̱ yóho nu̱ mé ndó a̱nda̱ ama cáa qui̱vi̱. Já ná coo, na̱cachi na̱ cán cája cáhnu na Ndióxi̱.