Apocalipsis 12:10 - Mixtec Silacayoapan

¹⁰ Tá na̱ndihi já na̱xini jo̱ho i̱ cáha̱n cóhó in a indiví já cáchí a̱ já: —Sa̱ na̱xi̱nu̱ co̱o qui̱ví ca̱cu ndaa ínima̱ ña̱yivi jáchi̱ cómí Ndióxi̱ cuéntá sa̱ha̱ ná xi̱hi̱n ndée̱ mé á. Ta sa̱ na̱xi̱nu̱ co̱o qui̱ví cahnda Jesucristo chuun, mé a̱ na̱chindahá Ndióxi̱ cacomí cuéntá sa̱há ña̱yivi. Sa̱há ña̱ cán quéa̱ sa̱ na̱taxí Ndióxi̱ tiñáhá sa̱cua̱ha̱ nu̱ íin mé á jáchi̱ ñuú ta ndiví na̱sahi̱in rí nu̱ mé á chica̱a̱n rí cua̱chi ja̱tá na̱ cúú cuéntá Jesús.

Apocalipsis 12:10 ပူးပေါင်းရင်းမြစ်များ

San Mateo 26:64

Já na̱nducú ñehe Jesús tu̱hun nu̱ dá já na̱cachi a já: —A̱ja̱n, jivi ye̱he̱ cúú u̱ da̱ cáchí ndó ja̱n. Ta viti ná ca̱ha̱n i̱ xi̱hi̱n ndo̱ ña̱ va̱xi quivi tá cuni ndó ye̱he̱, da̱ na̱chindahá Ndióxi̱ nduu ña̱yivi caco̱o i̱ xoo cuáha Ndióxi̱, mé á íin cua̱ha̱ ndée̱. Ta já cuni ndó ye̱he̱ ndicó co̱o i̱ ñuyíví yóho tañu vi̱co̱ tá ná quixi i̱ chí indiví —na̱cachi a.

San Mateo 28:18

A̱nda̱ já na̱cayati Jesús nu̱ ná já na̱cachi a já xi̱hi̱n ná: —Na̱sa̱ha̱n Ndióxi̱ ndée̱ nu̱ú i̱ caja i̱ ña̱ náhnu ndiva̱ha indiví xi̱hín ñuyíví yóho.

San Mateo 6:10

Ná tandaa quíi̱ qui̱vi̱ cacomí ndó cuéntá sa̱há nde̱. Ta ná coo tá íin cúni̱ mé ndó coo ñuyíví yóho tá quia̱hva íin indiví cája ndó.

San Lucas 11:2

A̱nda̱ já na̱cachi Jesús já xi̱hín na̱ cán: —Tá ná ca̱ca̱ ta̱hví ndo̱ nu̱ Ndióxi̱ já cachi ndó já: Tátá Ndióxi̱, ña̱ íin indiví, cáhnu ná cacuu qui̱vi̱ ndo̱. Ná tandaa quíi̱ qui̱ví cacomí ndó cuéntá sa̱há nde̱. Ta ná coo tá íin cúni̱ mé ndó coo ñuyíví yóho tá quia̱hva íin indiví cája ndó.

San Lucas 22:31

A̱nda̱ já na̱ndica̱ha̱n Jesús já na̱cachi a já xi̱hi̱n Pedro: —Simón, cuni jo̱ho va̱hún. Jáchi̱ na̱xi̱ca̱ Satanás, mé tiñáhá sa̱cua̱ha̱ ña̱ma̱ni̱ ña̱ ná coto ndojó rí tócó ndihi ndó tá quia̱hva jáxi̱xi na trigo.

1 Corintios 5:4

Játaca táhan ndihi ndó na̱ cúú cuéntá Jesucristo, xitoho í. Ta mé a̱ cán quia̱hva ndée̱ á nu̱ ndo̱ caja ndó ña̱ cúni̱ mé á. Ta cacuu a tátu̱hun coo i̱ xi̱hi̱n ndó ja̱n.

2 Corintios 12:9

Joo na̱nducú ñehe mé á tu̱hun nu̱ú i̱ já na̱cachi a já: “Sa̱ quia̱hva cúú mé a̱ quíhvi̱ ini i̱ yo̱hó ja̱n va jáchi̱ ña̱ cúú cája i̱ xi̱hín ña̱yivi náha̱ cáxí chága̱ tá co̱ ndée̱ ná”, na̱cachi Ndióxi̱. Ña̱ cán quéa̱ cáji̱i̱ ini i̱ cúú u̱ in da̱ cáma̱ní ndée̱ já quéa̱ náha̱ ña̱ xi̱hi̱n ndée̱ Jesucristo cája i̱ tócó ndihi ña̱ha.

Tito 2:3

Ta quia̱hva já ndítahan coo toní ñúhú na̱ji̱hí sa̱cua̱ha̱ xi̱hín ña̱yivi. Ta co̱ ndítahan cacuu na na̱ji̱hí túhún ta ni ná a̱ cácuu na na̱ xíhí. Jáchi̱ ndítahan nu̱ ná cacuu na na̱ íin toní ñúhú ña̱yivi xi̱hi̱n sa̱há ña̱ va̱ha cája na.

1 Pedro 5:8

Cuéntá coo ndó ta coto a̱ náá ini ndó jáchi̱ tiñáhá sa̱cua̱ha̱ cúú rí rí i̱hvi̱ yo̱ ta xíca nuu rí tañu mí yóho. Ta tá quia̱hva cája in león ndáhyi̱ rí ndúcú rí yo caxí rí quia̱hva já cája tiñáhá sa̱cua̱ha̱ yóho jándicava rí ña̱yivi nu̱ú cua̱chi.

Apocalipsis 11:15

Ta táto̱ Ndióxi̱ ña̱ cáhu̱sa̱ cán na̱tiví a̱ inga trompeta. Ta tá na̱tiví a̱ do̱ já na̱xini jo̱ho i̱ cáha̱n cóhó cua̱ha̱ ná indiví. Já cáchí na̱ já: Ta viti na̱ndindaa hora sáhndá Ndióxi̱, xitoho í xi̱hi̱n Jesucristo chuun. Ta mé á quéa̱ na̱chindahá Ndióxi̱ cacomí a̱ cuéntá sa̱há ña̱yivi. Ta íin ndée̱ a̱ cahnda chuun nu̱ú ñuyíví yóho a̱nda̱ ama cáa qui̱vi̱, na̱cachi cua̱ha̱ ná mé indiví.

Apocalipsis 2:26

Ta ndá na̱ ná quee va̱ha nu̱ú ña̱ núu ñuyíví yóho ta cája na ña̱ cúni̱ ye̱he̱ xi̱hín ndinuhu ini na ja̱nda̱ qui̱ví nu̱ ndíhí já quéa̱ caja i̱ ña̱ ná ñe̱he̱ táhvi̱ ná cahnda na chuun nu̱ú ndijáá ña̱yivi ndúu ñuyíví.

Apocalipsis 7:10

Ta tócó ndihi na cáyuhú cóhó na̱ já cáchí na̱ já: Ndióxi̱, mé a̱ íin coo nu̱ sáco̱o rey xi̱hi̱n Jesús, mé a̱ cúú tátu̱hun ndicachi loho cán na̱jáca̱cu a mí, cáchí na̱.